Hit段搶車票ê記持
/ 李淑貞
最近媒體報導：2026年7--月，台灣大黃牛、『強妮娛樂』ê負責人Johnny去hōo檢警tsang--著，伊10年以來，利用境外工程師寫AI搶票程式，se̍h過系統、人流限制kap驗證機制，kā國內外熱門演唱會（像韓國BLACKPINK、GD權志龍、五月天等等）ê門票掃了了，tsiah-koh tī官方正式賣票進前，透過社群平台以kuân價轉賣，趁beh tsiūnn千萬。
看著新聞就想起50年前，阿母當年tuè會仔熟sāi--ê、tī彰化車頭前開新興計程車行ê金--a kap銀--ā翁仔某。阿珠是銀--ā ê第二查某囝，初、高中阮讀仝間學校，tiānn去阿珠厝--裡食飯、過暝，感情像姊妹仔。Hit時tsūn阿珠in兜ê車行，規工鬧熱滾滾。
1970年代，tī路--裡少人騎oo-tóo-bái，市內lóng是行路、騎鐵馬，外縣市坐火車。當年車幫少，百姓lóng是坐普通快車、普通號慢車、客運逐站停。看車行市場pān勢bē-bái，金--a、銀--ā in翁仔某決定開計程車行，眼光準，「一兼二顧，摸lâ仔兼洗褲」ê服務，無幾年就趁tsiok濟錢，買幾若棟透天厝。
印象中計程車倚行收2,000箍（行情一台一個月1,500～1,800箍），應該有ke其他費用。以當年公務員、基層勞工平均月給2,000至3,000 ê物價水準來看，是一筆開銷。Ē記得當年運將倚行有20～30台。
若拄著過年iah是清明節、中秋連suà歇假，長假，車票量大，為著買票，阮ē事先安排全家「一人排一條線」來破限購張數。售票員有時ē tī車票後面、民眾ê登記簿上頓印仔，預防人重複排隊買。
車票有限額，鐵路局開放一人限買四張，排隊搶車票五色人，多數是車行，hōo主顧客順利坐車。車票賣完就無機會，阮lóng ē準時去車頭排隊，目睭金kho̍k-kho̍k輪班顧，若掠著有人中途插隊、重複排隊，hōo人認--出-來，跤底抹油緊làu-phâu。阮驚出破m̄敢出聲，當時排隊現場氣氛真緊張，互相掩護！
我lóng是義務排隊tàu買車票，熱--人規身軀重汗。Tn̄g著過年，半暝11點開放，阮提早占位，天氣真gàn，穿棉裘、掛手lông仔、紮薑母茶。車票人工隨張賣，速度慢，時間長，徛一、兩點鐘，喙脣反烏、規身軀冷kah sih-sih-tsùn，ài有耐心等。等車票順利買到手，kiōng-beh bē行路。
顧客按怎ē iang車行代買車票？大節日hit工定著無票，it著計程車生理，車行事先票tshuân便便，hōo主顧客免煩惱無車票。Hit个年代，車行解決客戶車票問題，食好tàu sio報，人心tī內，驚人創空，車票ng-ng-iap-iap賣熟sāi人。
鐵路局售票員m̄賣「暗位」，beh買進前，ài私底下偷偷仔拜託。看平時kap售票員ê交情，有時ē tàu-sann-kāng，替阮揀倚巷仔、中ng iah是倚窗仔ê位。其實，tse內底有一个無公開ê祕密，車廂保留「暗位」，是留hōo緊急人士用，開車前若是有空位ē賣hōo一般民眾，有人賭運氣tsiūnn車有位，先坐先贏。
大日子，tiānn一路徛到落車。車行年節定著送禮拜託調票，方便臨時臨iāu beh坐車ê主顧客。現此時用電腦管理，賣票公開透明，tsit款調票ê步數bē時行--ah。
車票順利買到手，交車行頭家娘保管，伊是tsit途ê sia̋n-pái。交票進前先看登記簿仔，人名、站名、日期、時間。確定無問題，明品一張ke票價五箍、十箍。內行人nih目tàm頭，一手lak袋仔jîm錢一手交hit張有印紅線、藍線ê長篙形「紙牌仔車票」。費用hōo行路工、人際費。
Tann，行入3C年代，7-11、tsiūnn網路，訂票緊koh方便，無看著徛車頭hiàm買火車票「柱仔跤」ê形影。票kám是靠關係買，我無清楚。總--是冗早訂票khah安心！
Tse是一段車行為著挽客戶透暝排隊搶票，刺激ê記持，千萬m̄-thang。犯法偷賣黃牛票，án-ne一世人，前途lóng烏有--去--ah。
看著新聞就想起50年前，阿母當年tuè會仔熟sāi--ê、tī彰化車頭前開新興計程車行ê金--a kap銀--ā翁仔某。阿珠是銀--ā ê第二查某囝，初、高中阮讀仝間學校，tiānn去阿珠厝--裡食飯、過暝，感情像姊妹仔。Hit時tsūn阿珠in兜ê車行，規工鬧熱滾滾。
1970年代，tī路--裡少人騎oo-tóo-bái，市內lóng是行路、騎鐵馬，外縣市坐火車。當年車幫少，百姓lóng是坐普通快車、普通號慢車、客運逐站停。看車行市場pān勢bē-bái，金--a、銀--ā in翁仔某決定開計程車行，眼光準，「一兼二顧，摸lâ仔兼洗褲」ê服務，無幾年就趁tsiok濟錢，買幾若棟透天厝。
印象中計程車倚行收2,000箍（行情一台一個月1,500～1,800箍），應該有ke其他費用。以當年公務員、基層勞工平均月給2,000至3,000 ê物價水準來看，是一筆開銷。Ē記得當年運將倚行有20～30台。
若拄著過年iah是清明節、中秋連suà歇假，長假，車票量大，為著買票，阮ē事先安排全家「一人排一條線」來破限購張數。售票員有時ē tī車票後面、民眾ê登記簿上頓印仔，預防人重複排隊買。
車票有限額，鐵路局開放一人限買四張，排隊搶車票五色人，多數是車行，hōo主顧客順利坐車。車票賣完就無機會，阮lóng ē準時去車頭排隊，目睭金kho̍k-kho̍k輪班顧，若掠著有人中途插隊、重複排隊，hōo人認--出-來，跤底抹油緊làu-phâu。阮驚出破m̄敢出聲，當時排隊現場氣氛真緊張，互相掩護！
我lóng是義務排隊tàu買車票，熱--人規身軀重汗。Tn̄g著過年，半暝11點開放，阮提早占位，天氣真gàn，穿棉裘、掛手lông仔、紮薑母茶。車票人工隨張賣，速度慢，時間長，徛一、兩點鐘，喙脣反烏、規身軀冷kah sih-sih-tsùn，ài有耐心等。等車票順利買到手，kiōng-beh bē行路。
顧客按怎ē iang車行代買車票？大節日hit工定著無票，it著計程車生理，車行事先票tshuân便便，hōo主顧客免煩惱無車票。Hit个年代，車行解決客戶車票問題，食好tàu sio報，人心tī內，驚人創空，車票ng-ng-iap-iap賣熟sāi人。
鐵路局售票員m̄賣「暗位」，beh買進前，ài私底下偷偷仔拜託。看平時kap售票員ê交情，有時ē tàu-sann-kāng，替阮揀倚巷仔、中ng iah是倚窗仔ê位。其實，tse內底有一个無公開ê祕密，車廂保留「暗位」，是留hōo緊急人士用，開車前若是有空位ē賣hōo一般民眾，有人賭運氣tsiūnn車有位，先坐先贏。
大日子，tiānn一路徛到落車。車行年節定著送禮拜託調票，方便臨時臨iāu beh坐車ê主顧客。現此時用電腦管理，賣票公開透明，tsit款調票ê步數bē時行--ah。
車票順利買到手，交車行頭家娘保管，伊是tsit途ê sia̋n-pái。交票進前先看登記簿仔，人名、站名、日期、時間。確定無問題，明品一張ke票價五箍、十箍。內行人nih目tàm頭，一手lak袋仔jîm錢一手交hit張有印紅線、藍線ê長篙形「紙牌仔車票」。費用hōo行路工、人際費。
Tann，行入3C年代，7-11、tsiūnn網路，訂票緊koh方便，無看著徛車頭hiàm買火車票「柱仔跤」ê形影。票kám是靠關係買，我無清楚。總--是冗早訂票khah安心！
Tse是一段車行為著挽客戶透暝排隊搶票，刺激ê記持，千萬m̄-thang。犯法偷賣黃牛票，án-ne一世人，前途lóng烏有--去--ah。
