面對世界ê鹿港腔台語:
阿愷之聲Podcast ê聲音實驗
主講/王麒愷
記錄/黃安碩



本文是2026/6/10講座ê記錄,講者王麒愷是鹿港人,台大城鄉所畢業。目前是《阿愷之聲Podcast》ê台長兼主持人,用台語講萬事萬物,kā鹿港腔台語放送到全世界。
自2024年第59屆廣播金鐘獎增加podcast獎項以來,有一个少年家,tī短短三年內,就連suà入圍兩改「Podcast藝術文化節目獎」,伊就是《阿愷之聲Podcast》ê主持人——王麒愷。阿愷用鹿港腔ê台語kah逐家講文學、講鹿港ê故事。鹿港腔beh按怎面對世界--leh?Lán做伙來聽看māi,《阿愷之聲Podcast》ê聲音實驗。
Ē-hiáu唱〈普渡歌〉就有頭路?
講座一開始,阿愷先hām逐家分享陳澄波tī 1933年日本昭和時代畫ê兩幅圖,《鹿港老街》kah《鹿港大和洋樓》。大和洋樓是鹿港辜--家——辜顯榮ê別莊。辜顯榮是鹿港人,出世tī北頭。Hit時ê鹿港,已經m̄是經濟kah政治ê中心,無親像清朝時人講「一府二鹿三艋舺」hiah繁華--ah。真濟鹿港人ē出外去討趁食,辜顯榮mā是。伊tī台北發展了tsiânn好,mā非常照顧仝鄉--ê。若有鹿港人來,lóng ē tàu揣穡頭hōo in做。
自2024年第59屆廣播金鐘獎增加podcast獎項以來,有一个少年家,tī短短三年內,就連suà入圍兩改「Podcast藝術文化節目獎」,伊就是《阿愷之聲Podcast》ê主持人——王麒愷。阿愷用鹿港腔ê台語kah逐家講文學、講鹿港ê故事。鹿港腔beh按怎面對世界--leh?Lán做伙來聽看māi,《阿愷之聲Podcast》ê聲音實驗。
Ē-hiáu唱〈普渡歌〉就有頭路?
講座一開始,阿愷先hām逐家分享陳澄波tī 1933年日本昭和時代畫ê兩幅圖,《鹿港老街》kah《鹿港大和洋樓》。大和洋樓是鹿港辜--家——辜顯榮ê別莊。辜顯榮是鹿港人,出世tī北頭。Hit時ê鹿港,已經m̄是經濟kah政治ê中心,無親像清朝時人講「一府二鹿三艋舺」hiah繁華--ah。真濟鹿港人ē出外去討趁食,辜顯榮mā是。伊tī台北發展了tsiânn好,mā非常照顧仝鄉--ê。若有鹿港人來,lóng ē tàu揣穡頭hōo in做。
結果tsit个消息一下傳--出-去,suah連m̄是鹿港人ê人mā走--來!Tann tsit-má好--ah,beh按怎區分siáng是鹿港人--leh?Hit个時tsūn就有一个傳說,辜顯榮就hām來ê人講:「好,既然lín逐家講lín是鹿港人,若án-ne,lín就來唱〈普渡歌〉,ē-hiáu --ê,tsiah ē-tàng代表你是鹿港人!」
〈普渡歌〉
初一放水燈,初二普王宮,初三米市街,初四文武廟,初五城隍宮,
初六土城,初七七娘媽生,初八新宮邊,初九興化媽祖宮,初十港底,
十一菜園,十二龍山寺,十三金盛巷,十四iau鬼埕,十五舊宮,
十六東石,十七郭厝,十八營盤地,十九杉行街,二十後寮仔,
二一後車路,二二船仔頭,二三街尾,二四宮後,二五許厝埔,
二六牛墟頭,二七安平鎮,二八泊仔寮,二九泉州街,三十通港普。
Siáng是鹿港人?
是按怎用〈普渡歌〉就ē-tàng知影siáng是鹿港人--leh?Tse就ài講著鹿港ê「角頭」文化。古早uì福建移民來鹿港ê人,lóng一tshok一tshok蹛做伙,後--來變做一个一个角頭。逐擺7--月beh普渡ê時,為著mài sio冤,逐家就講好佗一工ài輪著佗一个角頭普渡,tse就是鹿港人講ê「輪普」。〈普渡歌〉唱--ê,就是鹿港ê角頭名,mā是鹿港ê地理kah歷史。到tsit-má,鹿港人見面iáu是ē問「你蹛佗?佗一个角頭?」,「角頭」iáu-koh是鹿港人tsiânn重要ê一个身份認同。
除了角頭,「鹿港腔」mā是鹿港人ê特色。阿愷講伊做一个自細漢講鹿港腔ê人,本底是感覺講家己講話無腔,一直到大漢去外地讀冊了後,tsiah感覺逐家ê腔口哪ē無啥仝。譬如講「你、魚」,鹿港腔ē講「lír、hîr」,koh有一寡變調kah用詞mā無仝。有一擺阿愷去外位,看著一台五分仔車,就講「Lín tsia有 “hér-tshia”︁ --neh!」,結果人kā「火車」聽做「好食」,suah應講「無,阮tsia tsit个時間已經無mi̍h件thang食--looh!」。
阿愷之聲Podcast
鹿港講了,阿愷開始紹介伊家己。伊細漢ê時是tī時鐘工廠大漢--ê,hia ê師--ê做khang-khuè ê時,ē tsūn la-jí-ooh來聽。阿愷講伊上愛聽call-in,mā愛聽主持人kah聽友開講、解決in ê煩惱,bē輸是早期ê社群媒體、心理諮商。Hit時就對la-jí-ooh,koh有人kah人之間ê關係tsiok入迷--ê。M̄-koh《阿愷之聲Podcast》是一直到研究所ê時tsūn,tsiah開始來做--ê。
阿愷碩士讀ê是台大城鄉所,ài去社子島做田野調查。有一擺,一位Lì-sàng(李さん)聽講阿愷是鹿港人,就講:「你鹿港人--ooh!Lín鹿港北管kah南館lóng tsiok厲害--ê你kám知--ah?」阿愷tsiah覺醒講,家己khai兩年外去了解一个所在,suah對家己ê鹿港一點仔to無了解。所以tsiah開始用podcast講鹿港ê故事、訪問鹿港ê序大。
開始做研究、訪問了後,阿愷想起伊khah早kah in媽媽tńg去後頭,lóng ē嫌大人見擺就講過去,tsiok無聊--ê。Tsit-má tsiah發現he lóng是台灣史、鹿港史ê縮影,伊後--來mā kā tsia-ê故事,寫做一个廣播劇——《霧月燈塔》。Koh有一擺,一个hōo阿愷訪問--過ê序大tī菜市仔買麵線,拄著阿愷,就問「你是做啥mih代誌!哪ē in講tī網路上看著我ê報導?」「我就kā hit个訪問寫做一篇三千外字ê報導。」「有影無影!我ê故事ē-tàng寫三千外字--ooh!」阿愷tsiah發現講,tī tsit个過程當中,除了認bat tsia-ê序大,mā是hōo in認bat in家己,知影家己做ê代誌是有價值--ê。
消失ê老厝kah台灣文學
鹿港ê故事ē-tàng記--落-來,m̄-koh鹿港ê老厝suah一間一間消失。阿愷參與保留鹿港老厝ê運動,看著怪手hám--落-去,mā是ē想,án-ne做kám有意義?伊tī-leh懷疑家己ê時,拄好讀著吳明益老師ê《單車失竊記》,內底講著「Lán ē對舊ê mi̍h件意愛,就是因為lán尊重時間。」tsit句話直直舂uì阿愷ê胸坎,hōo伊ē-tàng繼續相信tsit-má做ê代誌是有意義--ê。
因為台灣文學影響阿愷tsiânn濟,所以tī 2023年,伊就開始tī《阿愷之聲Podcast》做一个〈文學烏亂濺〉系列,紹介一寡文學作品。想bē到有一工竟然收著吳明益老師ê訊息,講伊真愛阿愷ê節目,mā感謝阿愷認真讀伊ê冊。兩个人就án-ne結緣,後--來koh成功約著時間錄一集節目。吳明益老師其實khah罕得tsiūnn節目mā罕得講台語,m̄-koh伊答應阿愷講伊想beh留落伊講台語ê聲音,結果tsit集播出了,就變做2023年上濟人收聽ê一集。
Tsit擺訪問hōo阿愷真大ê信心,原本只是因為家己kah意台灣文學,就想beh分享hōo人聽,tsit-má發現,原來講文學逐家mā愛聽!後--來伊koh邀請著吳晟、王昭華、胡慕情、陳思宏等等tsiok濟作家來tsiūnn節目,透過〈文學烏亂濺〉系列,來hōo koh-khah濟人認bat台灣文學。
台語行入世界
除了文學,阿愷mā開始講各種代誌:講音樂、講性別、講Siraya、hōo聽眾call-in、做Live Podcast,kā節目搬到逐家面頭前。做tsia--ê就是為著beh hōo逐家知影,台語是ē-tàng講萬事萬物--ê。後--來甚至koh有訪問外國ê來賓,講in對台語、對台灣ê看法。原本想beh用台語講鹿港hōo外地人聽ê《阿愷之聲Podcast》,就án-ne,愈湠愈遠,透過無仝所在ê人,重新認bat家己熟sāi ê土地。
阿愷感覺,台語愈行向世界,lán顛倒愈ài越頭看家己是啥人。做一个台灣人其實tsiok辛苦--ê,ài khai真濟時間認bat家己是siáng,tsiah bē kha̍p-bē著就用「鹿港親像歐洲ê佗位、日本ê佗位」來紹介家己。Lán若是認bat家己有夠,就ē-sái講出「tse就是鹿港、tse就是台灣」。跤步踏hōo在,台語m̄-nā ài行入世界、koh ài uì世界行--tńg-來,用家己ê聲,講家己ê故事。
〈普渡歌〉
初一放水燈,初二普王宮,初三米市街,初四文武廟,初五城隍宮,
初六土城,初七七娘媽生,初八新宮邊,初九興化媽祖宮,初十港底,
十一菜園,十二龍山寺,十三金盛巷,十四iau鬼埕,十五舊宮,
十六東石,十七郭厝,十八營盤地,十九杉行街,二十後寮仔,
二一後車路,二二船仔頭,二三街尾,二四宮後,二五許厝埔,
二六牛墟頭,二七安平鎮,二八泊仔寮,二九泉州街,三十通港普。
Siáng是鹿港人?
是按怎用〈普渡歌〉就ē-tàng知影siáng是鹿港人--leh?Tse就ài講著鹿港ê「角頭」文化。古早uì福建移民來鹿港ê人,lóng一tshok一tshok蹛做伙,後--來變做一个一个角頭。逐擺7--月beh普渡ê時,為著mài sio冤,逐家就講好佗一工ài輪著佗一个角頭普渡,tse就是鹿港人講ê「輪普」。〈普渡歌〉唱--ê,就是鹿港ê角頭名,mā是鹿港ê地理kah歷史。到tsit-má,鹿港人見面iáu是ē問「你蹛佗?佗一个角頭?」,「角頭」iáu-koh是鹿港人tsiânn重要ê一个身份認同。
除了角頭,「鹿港腔」mā是鹿港人ê特色。阿愷講伊做一个自細漢講鹿港腔ê人,本底是感覺講家己講話無腔,一直到大漢去外地讀冊了後,tsiah感覺逐家ê腔口哪ē無啥仝。譬如講「你、魚」,鹿港腔ē講「lír、hîr」,koh有一寡變調kah用詞mā無仝。有一擺阿愷去外位,看著一台五分仔車,就講「Lín tsia有 “hér-tshia”︁ --neh!」,結果人kā「火車」聽做「好食」,suah應講「無,阮tsia tsit个時間已經無mi̍h件thang食--looh!」。
阿愷之聲Podcast
鹿港講了,阿愷開始紹介伊家己。伊細漢ê時是tī時鐘工廠大漢--ê,hia ê師--ê做khang-khuè ê時,ē tsūn la-jí-ooh來聽。阿愷講伊上愛聽call-in,mā愛聽主持人kah聽友開講、解決in ê煩惱,bē輸是早期ê社群媒體、心理諮商。Hit時就對la-jí-ooh,koh有人kah人之間ê關係tsiok入迷--ê。M̄-koh《阿愷之聲Podcast》是一直到研究所ê時tsūn,tsiah開始來做--ê。
阿愷碩士讀ê是台大城鄉所,ài去社子島做田野調查。有一擺,一位Lì-sàng(李さん)聽講阿愷是鹿港人,就講:「你鹿港人--ooh!Lín鹿港北管kah南館lóng tsiok厲害--ê你kám知--ah?」阿愷tsiah覺醒講,家己khai兩年外去了解一个所在,suah對家己ê鹿港一點仔to無了解。所以tsiah開始用podcast講鹿港ê故事、訪問鹿港ê序大。
開始做研究、訪問了後,阿愷想起伊khah早kah in媽媽tńg去後頭,lóng ē嫌大人見擺就講過去,tsiok無聊--ê。Tsit-má tsiah發現he lóng是台灣史、鹿港史ê縮影,伊後--來mā kā tsia-ê故事,寫做一个廣播劇——《霧月燈塔》。Koh有一擺,一个hōo阿愷訪問--過ê序大tī菜市仔買麵線,拄著阿愷,就問「你是做啥mih代誌!哪ē in講tī網路上看著我ê報導?」「我就kā hit个訪問寫做一篇三千外字ê報導。」「有影無影!我ê故事ē-tàng寫三千外字--ooh!」阿愷tsiah發現講,tī tsit个過程當中,除了認bat tsia-ê序大,mā是hōo in認bat in家己,知影家己做ê代誌是有價值--ê。
消失ê老厝kah台灣文學
鹿港ê故事ē-tàng記--落-來,m̄-koh鹿港ê老厝suah一間一間消失。阿愷參與保留鹿港老厝ê運動,看著怪手hám--落-去,mā是ē想,án-ne做kám有意義?伊tī-leh懷疑家己ê時,拄好讀著吳明益老師ê《單車失竊記》,內底講著「Lán ē對舊ê mi̍h件意愛,就是因為lán尊重時間。」tsit句話直直舂uì阿愷ê胸坎,hōo伊ē-tàng繼續相信tsit-má做ê代誌是有意義--ê。
因為台灣文學影響阿愷tsiânn濟,所以tī 2023年,伊就開始tī《阿愷之聲Podcast》做一个〈文學烏亂濺〉系列,紹介一寡文學作品。想bē到有一工竟然收著吳明益老師ê訊息,講伊真愛阿愷ê節目,mā感謝阿愷認真讀伊ê冊。兩个人就án-ne結緣,後--來koh成功約著時間錄一集節目。吳明益老師其實khah罕得tsiūnn節目mā罕得講台語,m̄-koh伊答應阿愷講伊想beh留落伊講台語ê聲音,結果tsit集播出了,就變做2023年上濟人收聽ê一集。
Tsit擺訪問hōo阿愷真大ê信心,原本只是因為家己kah意台灣文學,就想beh分享hōo人聽,tsit-má發現,原來講文學逐家mā愛聽!後--來伊koh邀請著吳晟、王昭華、胡慕情、陳思宏等等tsiok濟作家來tsiūnn節目,透過〈文學烏亂濺〉系列,來hōo koh-khah濟人認bat台灣文學。
台語行入世界
除了文學,阿愷mā開始講各種代誌:講音樂、講性別、講Siraya、hōo聽眾call-in、做Live Podcast,kā節目搬到逐家面頭前。做tsia--ê就是為著beh hōo逐家知影,台語是ē-tàng講萬事萬物--ê。後--來甚至koh有訪問外國ê來賓,講in對台語、對台灣ê看法。原本想beh用台語講鹿港hōo外地人聽ê《阿愷之聲Podcast》,就án-ne,愈湠愈遠,透過無仝所在ê人,重新認bat家己熟sāi ê土地。
阿愷感覺,台語愈行向世界,lán顛倒愈ài越頭看家己是啥人。做一个台灣人其實tsiok辛苦--ê,ài khai真濟時間認bat家己是siáng,tsiah bē kha̍p-bē著就用「鹿港親像歐洲ê佗位、日本ê佗位」來紹介家己。Lán若是認bat家己有夠,就ē-sái講出「tse就是鹿港、tse就是台灣」。跤步踏hōo在,台語m̄-nā ài行入世界、koh ài uì世界行--tńg-來,用家己ê聲,講家己ê故事。
