Se̍h皮猴戲館ê感想
/ 巫素宜
嫁來高雄26冬，我到tann m̄ bat坐過公車，當然是因為阮翁lóng慣勢騎oo-tóo-bái，出門就是oo-tóo-bái騎leh sì-kè se̍h，tsiânn利便；koh來是我真罕得看著公車tī路--裡走，m̄知是我平常時仔無leh注意，iah是tsiânn實公車車幫真少。Tsit幾冬捷運通車了後，tshím開始阮mā是iáu bē慣勢坐捷運，總是感覺beh去ê所在，坐捷運無啥利便，m̄是ài koh行真遠ê路，就是根本無車站tī hit附近，規氣騎oo-tóo-bái iah是駛車khah緊。
M̄-koh高雄ê捷運紅線kah柑仔線sio連suà通車了後，就有khah利便--小-可-仔，koh加上輕鐵mā通車，規个大眾交通網，kenn了khah ba̍t，確實有khah利便。阮查某囝tiānn-tiānn想beh tī假日ê時tsūn出去行行--leh，阮就買高雄市區399月票，ē-tàng坐免驚，一個月內高雄坐透透。無論是坐捷運、輕鐵、公車，lóng只要399箍，hōo你坐夠khuì，實在是真ē和，mā是買tsit種月票了後，我tsiah發現公車ná愈來愈濟ê款。
高雄ê岡山文化中心邊--a，有一个全台灣唯一ê皮猴戲館，我蹛tī高雄tsiah久，suah m̄知影有一个hiah-nī好ê所在。Hit工我kah阮查某囝坐捷運紅線到岡山高醫站，1號出口行一塊仔路，m̄免十分鐘。阮ê心情ná親像出國自助旅行án-ne，liam-mi坐車，liam-mi行路，ná行ná看風景，自在koh輕鬆。
行到位當然mā ài先tī外口hip一張仔相，行入去內底m̄-nā有皮猴戲tsiânn詳細ê紹介，koh ē-sái家己提皮猴戲尪仔弄看māi，mā有師傅ē tī現場弄hōo你看；有tang時仔koh有師傅tī現場製作皮猴戲尪仔。一齣皮猴戲自劇本beh按怎寫，戲尪仔beh刻啥mih款ê特色，有劇本、有戲尪仔，koh有排練beh按怎弄，每一步lóng tsiânn重要，tsiah有法度tī台仔頂弄hōo觀眾看kah歡喜koh心適。
Tsit工kah阮查某囝是雄雄想--著，bóng行看māi，結果到位tsiah知影原來m̄是逐工lóng有師傅tī現場講解kah製作皮猴戲尪仔。現此時是逐禮拜二、四、五ê早時9點到下晡3點，m̄-koh時間可能ē調整，若是beh來進前，上好是先參考in ê面冊，tsiah bē親像阮án-ne ke走一tsuā。不而過，hōo阮ē-tàng後遍koh來一tsuā mā bē-bái，當做做議量，是一種真好ê文化體驗。
傳統ê表演藝術，tsiânn濟lóng沓沓仔無--去，若是無kā傳承--落-來，後日仔ê囡仔m̄知啥mi̍h是皮猴戲、ka-lé戲、布袋戲、歌仔戲、唸歌仔…… 。台語ê傳承kah tsia-ê傳統表演藝術仝款，若是愈來愈無人講，就愈來愈hông放bē記--得！爸母ê話無人ē-hiáu講，kám m̄是tsiok無彩？
Tsit-má tsiânn濟阿公阿媽有「越頭症」，kah朋友、仝勻--ê就講台語，越頭kah囝兒序細就換講華語。我kah阮翁lóng感覺án-ne實在真自私，家己ē-hiáu講台語，suah m̄願kā tsit項「寶貝」傳承--落-去，家己iap--leh！Lán是m̄是ē-tàng講tsia-ê序大偷囥步？
佳哉tsiah高中生ê阮查某囝kā我講：「以後我beh kah我ê囡仔講台語，kā tsit个tsiah-nī suí ê語言傳承--落-去！」我tsit个阿母聽了感覺tsiânn感心。Ǹg望tse台語ê種子tiām--落-去，ē有開花ê一工，hōo後代有甘甜美麗ê「台語果子」thang食，食了koh再kā種子tiām--落-去，hōo代代囝孫lóng食ē著「台語果子」，án-ne 「台語果子」tsiah bē斷種。
M̄-koh高雄ê捷運紅線kah柑仔線sio連suà通車了後，就有khah利便--小-可-仔，koh加上輕鐵mā通車，規个大眾交通網，kenn了khah ba̍t，確實有khah利便。阮查某囝tiānn-tiānn想beh tī假日ê時tsūn出去行行--leh，阮就買高雄市區399月票，ē-tàng坐免驚，一個月內高雄坐透透。無論是坐捷運、輕鐵、公車，lóng只要399箍，hōo你坐夠khuì，實在是真ē和，mā是買tsit種月票了後，我tsiah發現公車ná愈來愈濟ê款。
高雄ê岡山文化中心邊--a，有一个全台灣唯一ê皮猴戲館，我蹛tī高雄tsiah久，suah m̄知影有一个hiah-nī好ê所在。Hit工我kah阮查某囝坐捷運紅線到岡山高醫站，1號出口行一塊仔路，m̄免十分鐘。阮ê心情ná親像出國自助旅行án-ne，liam-mi坐車，liam-mi行路，ná行ná看風景，自在koh輕鬆。
行到位當然mā ài先tī外口hip一張仔相，行入去內底m̄-nā有皮猴戲tsiânn詳細ê紹介，koh ē-sái家己提皮猴戲尪仔弄看māi，mā有師傅ē tī現場弄hōo你看；有tang時仔koh有師傅tī現場製作皮猴戲尪仔。一齣皮猴戲自劇本beh按怎寫，戲尪仔beh刻啥mih款ê特色，有劇本、有戲尪仔，koh有排練beh按怎弄，每一步lóng tsiânn重要，tsiah有法度tī台仔頂弄hōo觀眾看kah歡喜koh心適。
Tsit工kah阮查某囝是雄雄想--著，bóng行看māi，結果到位tsiah知影原來m̄是逐工lóng有師傅tī現場講解kah製作皮猴戲尪仔。現此時是逐禮拜二、四、五ê早時9點到下晡3點，m̄-koh時間可能ē調整，若是beh來進前，上好是先參考in ê面冊，tsiah bē親像阮án-ne ke走一tsuā。不而過，hōo阮ē-tàng後遍koh來一tsuā mā bē-bái，當做做議量，是一種真好ê文化體驗。
傳統ê表演藝術，tsiânn濟lóng沓沓仔無--去，若是無kā傳承--落-來，後日仔ê囡仔m̄知啥mi̍h是皮猴戲、ka-lé戲、布袋戲、歌仔戲、唸歌仔…… 。台語ê傳承kah tsia-ê傳統表演藝術仝款，若是愈來愈無人講，就愈來愈hông放bē記--得！爸母ê話無人ē-hiáu講，kám m̄是tsiok無彩？
Tsit-má tsiânn濟阿公阿媽有「越頭症」，kah朋友、仝勻--ê就講台語，越頭kah囝兒序細就換講華語。我kah阮翁lóng感覺án-ne實在真自私，家己ē-hiáu講台語，suah m̄願kā tsit項「寶貝」傳承--落-去，家己iap--leh！Lán是m̄是ē-tàng講tsia-ê序大偷囥步？
佳哉tsiah高中生ê阮查某囝kā我講：「以後我beh kah我ê囡仔講台語，kā tsit个tsiah-nī suí ê語言傳承--落-去！」我tsit个阿母聽了感覺tsiânn感心。Ǹg望tse台語ê種子tiām--落-去，ē有開花ê一工，hōo後代有甘甜美麗ê「台語果子」thang食，食了koh再kā種子tiām--落-去，hōo代代囝孫lóng食ē著「台語果子」，án-ne 「台語果子」tsiah bē斷種。
