Okinawa八重山深緣（一）
/ 郭文玄
散文〈OKINAWA奇緣〉¹是我實地去日本石垣島² kah Okinawa本島旅遊前後，uì Okinawa「先入為主」ê初初印象kah產生認同感情了後ê過程。
2016年ê沖繩之旅，tī琉球村ē-tàng看著古早琉球人ê徛家厝kah生活環境，樸實ê氣味像古早台灣ê庄跤。上歡喜--ê是看著我tī台灣歷史文獻資料讀--著、古早絞甘蔗做糖ê場所——「糖廍」（thn̂g-phōo），想bē到是tī Okinawa hōo我行tńg去歷史ê現場。Uì琉球村行--出-來，我頭殼想像古早古早ê年代，琉球kah台灣ê先民，tī海上往來ê情景。
Tńg來台灣了後，隨趕緊beh揣沖繩史iah琉球史來看，尾--à kan-na tī Yahoo拍賣網站買著曹永和文教基金會策劃、遠流出版社出版ê《臺灣沖繩交流史論集》（作者是中央研究院研究員朱德蘭）。 自本無我緣ê Okinawa，原來kah我ê家族有tsiah深ê因緣。我tsiah-koh揣出2012年買ê《八重山的台灣人》（作者松田良孝）出來看。
〈OKINAWA奇緣〉寫完，kánn-ná kah Okinawa ê緣份愈來愈深。2017年松田良孝出版《被國境撕裂的人們：與那國．台灣往來記》，深入描寫日本時代八重山與那國人（離台灣111公里、離石垣島117公里、離那霸509公里、離東京4,212公里）tī台灣生活、討趁，kah台灣人往來ê生活史。
2018年tī永康街金石堂ê世界史區，總算出現琉球字眼——是Okinawa歷史學者高良倉吉1980年所寫ê〈琉球の時代〉ê琉球史。
頂個月初參加黃胤毓導演ê《綠色牢籠》新冊發表會³，現場放《綠色牢籠》記錄片預告——探討當年日本時代台灣人hông招募去西表島做炭工仔烏暗ê日子。一禮拜後看完紙本《綠色牢籠》（記錄片拄著「武漢肺炎」疫情嚴重，電影院線暫停³），tsiah-koh看伊2016年ê記錄片《海的彼端》——石垣島玉木家族台灣移民ê歷史。
石垣島、西表島kah與那國島lóng屬tī Okinawa ê八重山群島。1871年發生「牡丹社事件」，台東八瑤灣ê原住民殺害Okinawa船員，船員是宮古島人。宮古群島tī八重山群島往沖繩本島方向ê東北爿，宮古島群島kah八重山群島合稱「先島」。
看《八重山的台灣人》，tsiah知影tī日本時代m̄-nā Okinawa人來台灣，也有bē少台灣人hōo總督府「召墾」，遷徙去八重山ê石垣島開墾種王梨、甘蔗、茶、弓蕉、水稻，iah是去西表島做炭工仔。1945年二次大戰終戰，八重山ê與那國島kah台灣中間恢復國界，八重山ê台灣人變做外國人，面臨beh做中國（中華民國）人iah日本人ê問題（tī台灣ê台灣人無thang仔有tsit種選擇)。啊我，mā tuè leh陷入選擇兩難ê無奈情緒。
Tī《臺灣沖繩交流史論集》第三章〈石花菜與社寮沖繩人聚落〉講--著ê社寮，就是基隆ê和平島：阮媽媽是社寮島對面ê八尺門仔人⁴，koh阮阿舅就是kah沖繩人合股，tsiah有才調做到漁船仔船長。M̄-nā Okinawa人，也有「朝鮮仔」tī社寮討海（阮媽媽人人呵咾好食ê「韓國泡茶」就是kah正朝鮮仔學--ê）。阮自囡仔tī熱天愛食ê「石花凍」，應該是Okinawa八重山ê海女教在地ê台灣人採集--ê。阮媽媽做ê韓國泡茶kah石花凍，hōo我猜想阮媽媽少女時代勤學料理ê身影。
就án-ne，我對阮爸母tiānn-tiānn leh講ê Okinawa，愈來愈有感情。
《綠色牢籠》ê導演做田野調查，入去到西表島ê炭空仔遺跡。調查團隊也tńg來基隆kah基隆河水頭ê炭空仔做田野調查。我讀基隆八堵ê基隆中學，沿基隆河入--去是暖暖，koh過--去是新北市瑞芳ê四腳亭（Sì-kha-tîng）。瑞芳、九份仔、猴硐仔（Kâu-tōng-á）、平溪，沿路lóng是礦區。我礦區ê同學，逐工透早uì iáu罩bông霧ê東北角山內一路坐火車到基隆八堵上課。
阮阿公mā bat tī板橋做過炭工仔。阮囡仔時蹛獅球嶺跤，bat tuè阮媽媽peh-tsiūnn kah三坑仔（Sann-khenn-á）炭空仔sio接ê山尾溜（阮叫「塗堆」），khioh炭幼仔tńg來厝--裡hiânn大灶。炭空仔是我囡仔時sì-kè樂跎，高中時代去郊遊tshit-thô ê記持。
《海的彼端》記錄石垣島ê「玉木」家族（本姓王）ê故事kah生活現狀，影像活跳顯出大變動ê歷史下，台灣人接受召墾移民去八重山ê漂流kah韌命。1935年台灣中部一陣王梨農民，大約60戶300外人，無論自願iah生活所逼，離鄉背井到生份ê石垣島開墾種王梨kah甘蔗。80年來，hia ê台灣移民經過農業開墾徵召、二戰疏開、二二八事件，koh有戰後美軍統治沖繩時代無國籍ê 30年。
2015年年初，玉木家族下輩tshuā 88歲ê阿媽，koh一遍tńg到故鄉台灣。阿媽揣親tsiânn ê心情kah食飯開講講笑ê互動，hōo頭擺到台灣ê孫仔輩，思考tī石垣島家族生活ê台灣味。
與那國島ê久部良漁港是「日本國最西端之地」，是kah台灣上倚ê日本國土，tsiah離111公里，日本時代兩爿是仝一國。就親像台灣ê外島蘭嶼、綠島，hit-tsūn經濟發展ê台灣，是與那國島人ê倚靠，食頭路、讀冊升學lóng tio̍h坐船往台灣發展。莫怪社寮島上ê琉球漁民聚落「琉球埔」，與那國島人上濟。
《被國境撕裂的人們：與那國．台灣往來記》也hōo我知影：日本時代與那國島kah台灣上倚ê蘇澳南方澳仔、台東成功漁港（1932年起造完成，日本時代叫「新港」、舊名阿美族語ê「麻荖漏」），是漁民討海趁食ê所在。10--月烏流帶來旗魚，南方澳仔kah成功漁港討海人ê鏢魚船（日語：突棒船）用魚叉鏢魚kah製作柴魚，就是與那國島人傳--入-來--ê。
戰後與那國島（包kuà規个八重山）kah台灣ê走私貿易，hōo戰後海上ê國境界線ná有ná無。也看ē出失去台灣倚靠ê與那國島人，是真正歹過日。
2004年6--月，與那國町召開「與那國島未來發展ê意見交換會」（日語：与那国島の未来を考える意見交換会），tshui-sak舉辦全面性ê自決性公投，提出親台主張，向日本政府內閣官房提出「與那國kah台灣ê國境交流」直航等等想法。2005年4月初5通過「與那國島獨立決議」發表自立自治宣言，提出kah台灣發展特殊經貿關係ê國境交流特區，進一步發行特區護照、kah花蓮發行共通貨幣、災害互助協定ê構想，其中包括四點主張：
1. 發行與那國島本身使用ê獨立護照（稱做「國境交流特區專用護照」）
2. Kah姊妹市花蓮市發行共同流通ê貨幣
3. Kah花蓮港直航
4. 台灣人民到與那國免簽證、免證照查驗
也想bē到，tsit-tsūn tī與那國島吸引日本本島遊客ê觀光，竟然有「到與那國ē-tàng看台灣ê中央山脈，而且iáu收ē著台灣四台電視頻道」ê宣傳。就算講，人kah生理ê直接往來hōo國境切斷，人ê感情仝款ē-sái超越界線來觀山望海。
自2011年坐麗星遊輪到石垣島頭一遍踏tsiūnn日本國土，到2016年沖繩之旅行入琉球村，看著kah澎湖親像ê硓𥑮石舊厝，感受Okinawa kah台灣sio倚ê氣候kah自然環境，也仝款有tī強國邊--a小國ê命運，而且，koh bat是「仝一國」——一个hōo日本併吞，一个hōo日本殖民。Tsit幾年，有緣看著有關八重山hām台灣牽挽做伙ê歷史文獻kah見證，uì〈OKINAWA奇緣〉到入去八重山ê生活歷史，hōo我想beh進一步了解Okinawa ê歷史。
2016年ê沖繩之旅，tī琉球村ē-tàng看著古早琉球人ê徛家厝kah生活環境，樸實ê氣味像古早台灣ê庄跤。上歡喜--ê是看著我tī台灣歷史文獻資料讀--著、古早絞甘蔗做糖ê場所——「糖廍」（thn̂g-phōo），想bē到是tī Okinawa hōo我行tńg去歷史ê現場。Uì琉球村行--出-來，我頭殼想像古早古早ê年代，琉球kah台灣ê先民，tī海上往來ê情景。
Tńg來台灣了後，隨趕緊beh揣沖繩史iah琉球史來看，尾--à kan-na tī Yahoo拍賣網站買著曹永和文教基金會策劃、遠流出版社出版ê《臺灣沖繩交流史論集》（作者是中央研究院研究員朱德蘭）。 自本無我緣ê Okinawa，原來kah我ê家族有tsiah深ê因緣。我tsiah-koh揣出2012年買ê《八重山的台灣人》（作者松田良孝）出來看。
〈OKINAWA奇緣〉寫完，kánn-ná kah Okinawa ê緣份愈來愈深。2017年松田良孝出版《被國境撕裂的人們：與那國．台灣往來記》，深入描寫日本時代八重山與那國人（離台灣111公里、離石垣島117公里、離那霸509公里、離東京4,212公里）tī台灣生活、討趁，kah台灣人往來ê生活史。
2018年tī永康街金石堂ê世界史區，總算出現琉球字眼——是Okinawa歷史學者高良倉吉1980年所寫ê〈琉球の時代〉ê琉球史。
頂個月初參加黃胤毓導演ê《綠色牢籠》新冊發表會³，現場放《綠色牢籠》記錄片預告——探討當年日本時代台灣人hông招募去西表島做炭工仔烏暗ê日子。一禮拜後看完紙本《綠色牢籠》（記錄片拄著「武漢肺炎」疫情嚴重，電影院線暫停³），tsiah-koh看伊2016年ê記錄片《海的彼端》——石垣島玉木家族台灣移民ê歷史。
石垣島、西表島kah與那國島lóng屬tī Okinawa ê八重山群島。1871年發生「牡丹社事件」，台東八瑤灣ê原住民殺害Okinawa船員，船員是宮古島人。宮古群島tī八重山群島往沖繩本島方向ê東北爿，宮古島群島kah八重山群島合稱「先島」。
看《八重山的台灣人》，tsiah知影tī日本時代m̄-nā Okinawa人來台灣，也有bē少台灣人hōo總督府「召墾」，遷徙去八重山ê石垣島開墾種王梨、甘蔗、茶、弓蕉、水稻，iah是去西表島做炭工仔。1945年二次大戰終戰，八重山ê與那國島kah台灣中間恢復國界，八重山ê台灣人變做外國人，面臨beh做中國（中華民國）人iah日本人ê問題（tī台灣ê台灣人無thang仔有tsit種選擇)。啊我，mā tuè leh陷入選擇兩難ê無奈情緒。
Tī《臺灣沖繩交流史論集》第三章〈石花菜與社寮沖繩人聚落〉講--著ê社寮，就是基隆ê和平島：阮媽媽是社寮島對面ê八尺門仔人⁴，koh阮阿舅就是kah沖繩人合股，tsiah有才調做到漁船仔船長。M̄-nā Okinawa人，也有「朝鮮仔」tī社寮討海（阮媽媽人人呵咾好食ê「韓國泡茶」就是kah正朝鮮仔學--ê）。阮自囡仔tī熱天愛食ê「石花凍」，應該是Okinawa八重山ê海女教在地ê台灣人採集--ê。阮媽媽做ê韓國泡茶kah石花凍，hōo我猜想阮媽媽少女時代勤學料理ê身影。
就án-ne，我對阮爸母tiānn-tiānn leh講ê Okinawa，愈來愈有感情。
《綠色牢籠》ê導演做田野調查，入去到西表島ê炭空仔遺跡。調查團隊也tńg來基隆kah基隆河水頭ê炭空仔做田野調查。我讀基隆八堵ê基隆中學，沿基隆河入--去是暖暖，koh過--去是新北市瑞芳ê四腳亭（Sì-kha-tîng）。瑞芳、九份仔、猴硐仔（Kâu-tōng-á）、平溪，沿路lóng是礦區。我礦區ê同學，逐工透早uì iáu罩bông霧ê東北角山內一路坐火車到基隆八堵上課。
阮阿公mā bat tī板橋做過炭工仔。阮囡仔時蹛獅球嶺跤，bat tuè阮媽媽peh-tsiūnn kah三坑仔（Sann-khenn-á）炭空仔sio接ê山尾溜（阮叫「塗堆」），khioh炭幼仔tńg來厝--裡hiânn大灶。炭空仔是我囡仔時sì-kè樂跎，高中時代去郊遊tshit-thô ê記持。
《海的彼端》記錄石垣島ê「玉木」家族（本姓王）ê故事kah生活現狀，影像活跳顯出大變動ê歷史下，台灣人接受召墾移民去八重山ê漂流kah韌命。1935年台灣中部一陣王梨農民，大約60戶300外人，無論自願iah生活所逼，離鄉背井到生份ê石垣島開墾種王梨kah甘蔗。80年來，hia ê台灣移民經過農業開墾徵召、二戰疏開、二二八事件，koh有戰後美軍統治沖繩時代無國籍ê 30年。
2015年年初，玉木家族下輩tshuā 88歲ê阿媽，koh一遍tńg到故鄉台灣。阿媽揣親tsiânn ê心情kah食飯開講講笑ê互動，hōo頭擺到台灣ê孫仔輩，思考tī石垣島家族生活ê台灣味。
與那國島ê久部良漁港是「日本國最西端之地」，是kah台灣上倚ê日本國土，tsiah離111公里，日本時代兩爿是仝一國。就親像台灣ê外島蘭嶼、綠島，hit-tsūn經濟發展ê台灣，是與那國島人ê倚靠，食頭路、讀冊升學lóng tio̍h坐船往台灣發展。莫怪社寮島上ê琉球漁民聚落「琉球埔」，與那國島人上濟。
《被國境撕裂的人們：與那國．台灣往來記》也hōo我知影：日本時代與那國島kah台灣上倚ê蘇澳南方澳仔、台東成功漁港（1932年起造完成，日本時代叫「新港」、舊名阿美族語ê「麻荖漏」），是漁民討海趁食ê所在。10--月烏流帶來旗魚，南方澳仔kah成功漁港討海人ê鏢魚船（日語：突棒船）用魚叉鏢魚kah製作柴魚，就是與那國島人傳--入-來--ê。
戰後與那國島（包kuà規个八重山）kah台灣ê走私貿易，hōo戰後海上ê國境界線ná有ná無。也看ē出失去台灣倚靠ê與那國島人，是真正歹過日。
2004年6--月，與那國町召開「與那國島未來發展ê意見交換會」（日語：与那国島の未来を考える意見交換会），tshui-sak舉辦全面性ê自決性公投，提出親台主張，向日本政府內閣官房提出「與那國kah台灣ê國境交流」直航等等想法。2005年4月初5通過「與那國島獨立決議」發表自立自治宣言，提出kah台灣發展特殊經貿關係ê國境交流特區，進一步發行特區護照、kah花蓮發行共通貨幣、災害互助協定ê構想，其中包括四點主張：
1. 發行與那國島本身使用ê獨立護照（稱做「國境交流特區專用護照」）
2. Kah姊妹市花蓮市發行共同流通ê貨幣
3. Kah花蓮港直航
4. 台灣人民到與那國免簽證、免證照查驗
也想bē到，tsit-tsūn tī與那國島吸引日本本島遊客ê觀光，竟然有「到與那國ē-tàng看台灣ê中央山脈，而且iáu收ē著台灣四台電視頻道」ê宣傳。就算講，人kah生理ê直接往來hōo國境切斷，人ê感情仝款ē-sái超越界線來觀山望海。
自2011年坐麗星遊輪到石垣島頭一遍踏tsiūnn日本國土，到2016年沖繩之旅行入琉球村，看著kah澎湖親像ê硓𥑮石舊厝，感受Okinawa kah台灣sio倚ê氣候kah自然環境，也仝款有tī強國邊--a小國ê命運，而且，koh bat是「仝一國」——一个hōo日本併吞，一个hōo日本殖民。Tsit幾年，有緣看著有關八重山hām台灣牽挽做伙ê歷史文獻kah見證，uì〈OKINAWA奇緣〉到入去八重山ê生活歷史，hōo我想beh進一步了解Okinawa ê歷史。
1 編註：散文〈OKINAWA奇緣〉是本文作者寫ê另外一篇文章，tī《台文戰線》48期（2017年10--月）刊出。
2 編註：在地台灣移民ê讀音是：tsio̍h-hîng-tó，「hîng」變調變低平。
3 編註：《綠色牢籠》ê完整冊名是「綠色牢籠：埋藏於沖繩西表島礦坑的台灣記憶」，是仝名記錄片ê圖文冊，2021年4--月由前衛出版。Tsit篇文章tī 2021年6--月寫作、2025年4--月投稿，tsia講ê新冊發表會應該是配合記錄片beh tsiūnn院線、tī 2021年5月初舉辦ê兩場號做『尋找西表礦坑的台灣人身影：《綠色牢籠》紀錄片暨新書前導分享會』ê活動之一。
4 編註：記錄片延到tī 2021年9月24 tsiah正式tsiūnn院線。
5 編註：八尺門是基隆ê一个地號名，tī和平島kah正濱漁港hit箍圍仔，形容tsia ê水路真狹。
2 編註：在地台灣移民ê讀音是：tsio̍h-hîng-tó，「hîng」變調變低平。
3 編註：《綠色牢籠》ê完整冊名是「綠色牢籠：埋藏於沖繩西表島礦坑的台灣記憶」，是仝名記錄片ê圖文冊，2021年4--月由前衛出版。Tsit篇文章tī 2021年6--月寫作、2025年4--月投稿，tsia講ê新冊發表會應該是配合記錄片beh tsiūnn院線、tī 2021年5月初舉辦ê兩場號做『尋找西表礦坑的台灣人身影：《綠色牢籠》紀錄片暨新書前導分享會』ê活動之一。
4 編註：記錄片延到tī 2021年9月24 tsiah正式tsiūnn院線。
5 編註：八尺門是基隆ê一个地號名，tī和平島kah正濱漁港hit箍圍仔，形容tsia ê水路真狹。
