Ka-choa̍h人（七）
/ 杜信龍
第五章｜天良
「施醫生你看，」一位護士真緊張，趕緊提一份報告hō͘施儀中。「母體破腹了後，隨取紅嬰仔ê心臟，進行移植作業。紅嬰仔無出生登記，m̄是完全性命體。」
施是ùi台灣來北京參加會議--ê，順sòa tī慈愛病院來指導，伊kah蘇二豐是大學同窗兼室友，早期感情不止仔好。後--來，為著柯文蜇事件了，價值觀差大碼，兩人起呸面，lóng無啥交chhap。
Chit擺來北京，khêng實mā是有目的--ê，就是beh追蹤國際器官事件，尤其是最近立法院三讀通過《數位醫療資料庫法》。伊凡若有發現新ê證據證明che法案leh危害台灣人，就ài liam-mi通知tī台灣ê許美華。
施儀中bat kah蘇二豐同齊tī上海醫學院講過幾場仔講座，兩人lóng是仝時期上厲害ê醫生──ē察理、冷靜有理路、bē hō͘情緒牽leh走。總--是，in兩人ê個性kah價值觀嶄然無仝。
兩人上尾一擺仝台，是tī兩年前成都器官移植論壇，蘇tī台仔頂公開講「中國醫療體系tih-beh用數位資料chiâⁿ做器官庫ê核心，thang用人工智慧演算法、真緊就ē-sái揣著適合ê器官，未來中國進入生物統治新時代。」施tī台仔跤聽一下流凊汗，想bē到蘇一直leh kā中國tàu-saⁿ-kāng，完成che器官庫。Che系統若起--來，所有ê人lóng有可能hō͘人掠去取器官，甚至是拄出世ê紅嬰仔。好額人ē-tàng用錢買著in需要ê器官，無背景khah散凶--ê bē輸是等人掠來刣ê豬仔。
施早早tī心肝頭就按算beh kā che lah-sap代hiauh-hiauh出來hō͘世間ê人知。
看著護士提hō͘伊ê報告，chiah知chit个余欣tī病院，che kah許美華hō͘--伊ê訊息bā拄bā。Taⁿ，kā余欣救tńg去台灣，是目前上重要ê代誌——hō͘全世界ê人知影中共雄殘ê真面目。
施行去地下層ê病房，真佳哉，伊ê通行證無hō͘人限制，真緊就揣著余欣。伊利用另外一个醫生開ê一張臨時轉診單，假影需要去別科檢查。Khêng實，是beh kā余欣偷偷仔救走。
伊sak開重症隔離室ê門，余欣iáu無啥知人。伊細聲kā叫，「余欣，精神，緊精神，是我……施儀中。」
余欣目睭沓沓仔thí--開：「你是……美華ê朋友？施……」
「你iáu ē記得我，án-ne上好，免koh解soeh--ah。Taⁿ，聽我講——lán緊來走，時間無濟--ah。」
余欣soah無想就腹肚mo͘h--leh。「你beh我按怎走？In lóng kā……」
「Che我lóng知。Taⁿ，你ê性命安全上重要。其他--ê，tńg來台灣chiah-koh講。」
伊ùi sak車抽一軀護士衫、喙am kah鞋仔，「你先換，lán án-ne行--出-去，無人ē擋。等--一-下，就有人來巡房--ah，時間無濟。」
施看伊人iáu真虛弱，若koh chhiân--loeh，就bē赴--ah。
「我kā你換換--leh--lah。」余欣
tàm頭，真知影che是姑不而將，mā知影無趕緊走，是死路一條。
施kā伊ê衫褪--起-來，腹肚ê thīⁿ線縫iáu leh滲血珠，連人beh peh--起-來to有困難，何況chit-má ài逃命。
真無簡單換好，余欣開喙問：「你是按怎beh kā我tàu-saⁿ-kāng？」
「M̄是所有ê人目睭內kan-na有錢、看地位niā-niā。若是án-ne，kah精牲有啥無仝，狗iáu ē ūi主人。Chit款行為就親像ka-choa̍h hiah thái-ko。」
「施醫生你看，」一位護士真緊張，趕緊提一份報告hō͘施儀中。「母體破腹了後，隨取紅嬰仔ê心臟，進行移植作業。紅嬰仔無出生登記，m̄是完全性命體。」
施是ùi台灣來北京參加會議--ê，順sòa tī慈愛病院來指導，伊kah蘇二豐是大學同窗兼室友，早期感情不止仔好。後--來，為著柯文蜇事件了，價值觀差大碼，兩人起呸面，lóng無啥交chhap。
Chit擺來北京，khêng實mā是有目的--ê，就是beh追蹤國際器官事件，尤其是最近立法院三讀通過《數位醫療資料庫法》。伊凡若有發現新ê證據證明che法案leh危害台灣人，就ài liam-mi通知tī台灣ê許美華。
施儀中bat kah蘇二豐同齊tī上海醫學院講過幾場仔講座，兩人lóng是仝時期上厲害ê醫生──ē察理、冷靜有理路、bē hō͘情緒牽leh走。總--是，in兩人ê個性kah價值觀嶄然無仝。
兩人上尾一擺仝台，是tī兩年前成都器官移植論壇，蘇tī台仔頂公開講「中國醫療體系tih-beh用數位資料chiâⁿ做器官庫ê核心，thang用人工智慧演算法、真緊就ē-sái揣著適合ê器官，未來中國進入生物統治新時代。」施tī台仔跤聽一下流凊汗，想bē到蘇一直leh kā中國tàu-saⁿ-kāng，完成che器官庫。Che系統若起--來，所有ê人lóng有可能hō͘人掠去取器官，甚至是拄出世ê紅嬰仔。好額人ē-tàng用錢買著in需要ê器官，無背景khah散凶--ê bē輸是等人掠來刣ê豬仔。
施早早tī心肝頭就按算beh kā che lah-sap代hiauh-hiauh出來hō͘世間ê人知。
看著護士提hō͘伊ê報告，chiah知chit个余欣tī病院，che kah許美華hō͘--伊ê訊息bā拄bā。Taⁿ，kā余欣救tńg去台灣，是目前上重要ê代誌——hō͘全世界ê人知影中共雄殘ê真面目。
施行去地下層ê病房，真佳哉，伊ê通行證無hō͘人限制，真緊就揣著余欣。伊利用另外一个醫生開ê一張臨時轉診單，假影需要去別科檢查。Khêng實，是beh kā余欣偷偷仔救走。
伊sak開重症隔離室ê門，余欣iáu無啥知人。伊細聲kā叫，「余欣，精神，緊精神，是我……施儀中。」
余欣目睭沓沓仔thí--開：「你是……美華ê朋友？施……」
「你iáu ē記得我，án-ne上好，免koh解soeh--ah。Taⁿ，聽我講——lán緊來走，時間無濟--ah。」
余欣soah無想就腹肚mo͘h--leh。「你beh我按怎走？In lóng kā……」
「Che我lóng知。Taⁿ，你ê性命安全上重要。其他--ê，tńg來台灣chiah-koh講。」
伊ùi sak車抽一軀護士衫、喙am kah鞋仔，「你先換，lán án-ne行--出-去，無人ē擋。等--一-下，就有人來巡房--ah，時間無濟。」
施看伊人iáu真虛弱，若koh chhiân--loeh，就bē赴--ah。
「我kā你換換--leh--lah。」余欣
tàm頭，真知影che是姑不而將，mā知影無趕緊走，是死路一條。
施kā伊ê衫褪--起-來，腹肚ê thīⁿ線縫iáu leh滲血珠，連人beh peh--起-來to有困難，何況chit-má ài逃命。
真無簡單換好，余欣開喙問：「你是按怎beh kā我tàu-saⁿ-kāng？」
「M̄是所有ê人目睭內kan-na有錢、看地位niā-niā。若是án-ne，kah精牲有啥無仝，狗iáu ē ūi主人。Chit款行為就親像ka-choa̍h hiah thái-ko。」
有三个檢查站ài過。施儀中kah余欣一人做頭前一人tī後壁，施hō͘余欣sak一台拖車，好thang mài hō͘伊摔摔--倒。第一个門，身份掃描無問題。M̄-koh，行向第二个門ê時，守衛仔問：「施醫生，hiah-nī òaⁿ--ah，hit位護士哪ē無lù卡就過關？」
「就hit間2266病房ê人換藥仔，無換ē死。我臨時請chit位護士來tàu-saⁿ-kāng。」
「Hit間，我知……」守衛仔m̄敢ke問，緊放in走。守衛仔驚惹著麻煩，án-ne m̄-nā頭路無，凡勢性命mā無。
Koh最後一个門，in就ē-sái離開che病院--ah。Siáng知，tī第三个門，soah遇著蘇二豐。
In兩人sio對目，káⁿ-ná有話beh講，soah lóng無講話。所有ê一切hō͘病院內冷冷ê空氣，吹kah勼--起-來，bē-tín-bē動。
蘇先拍破che礙虐ê氣氛，「你beh去佗位？」
「拄巡房巡了，beh下班--ah，無--leh？我mā需要歇睏。」
蘇雄雄感覺家己ê口氣無啥好，小可歹勢歹勢，無應該án-ne問chit位同窗。
「應該無人比你清楚，知影我想beh做一件大事業。你知影我以前就……」蘇態度落軟，ná講。
「是--lah，我知。我mā知大頭家ê心思，m̄是lán ē-sái問--ê。」施用以前笑詼ê khùi口講，bē輸leh kā ge。Siuⁿ過自然，soah hō͘蘇一時m̄知按怎應--tńg-去。
「……你知影你ài做啥就好。」蘇講煞，讓in過。看in過，感覺káⁿ-ná佗位怪怪，soah講bē出--來。只是感覺施願意kah伊tī chia拍拚，是真好ê開始。
逃出病院了後，接sòa--來就是緊揣飛行機飛tńg來台灣。
「美華，我kā余欣救--出-來--ah。Kám有人來接--阮？Ài緊，我驚余欣ê身體擋bē久。」訊息傳--出-去了後，就緊揣一台計程車直接駛向機場。一路，kan-na祈禱台灣ê有志有看著訊息，mā祈禱無人發現，無人jiok--來。
到機場ê時，一大堆公安已經tī hia--ah。看--起-來病院已經發現施儀中援助余欣逃走。Che代誌若公開，絕對是全球頭條。北京ê天phú色無光，in khû tī車站地下通道，心肝leh chùn，直直想到底beh按怎逃。
Tng-leh兩人m̄知beh按怎ê時，手機仔訊息傳--來。「我ê美國朋友Rubio ē-sái載lín一chōa。In ê人tī幸福漢藥店等lín--ah。」
「天公保庇，余欣，lán有救兵--ah。」
施無khà想接sòa--來ē發生啥代誌，kan-na緊揣到漢藥店ê路，一路ná閃公安ná揣。入門了後，看見兩个人漢草真勇，胸坎上無三尺厚，二頭筋比頭koh-khah大。
「Is she all right？伊人有好勢--無？」施一時驚--著，想bē到che美國人ē-hiáu講台灣話。
「佗一个是Rubio？阮需要幫忙。」施應。
「Rubio已經tī飛行機等--lín。你現此時安全--ah，che是lín兩人ê護照——lín是美國人，無人ē-sái kā lín tín動--著。」
「Rubio是？Hit个美國國務卿！」施m̄ bat想--過，有che thang做靠山，想講kám ē是騙局，一路iáu m̄敢放鬆。一直到機場，直接行專屬路線，看見有美國國旗ê飛行機。
就tī上尾gate check ê時，一陣公安走--來，施趕緊攬余欣走向空橋，hit兩个美國安全人員kā公安擋--leh。
「What the fuck you want, they are Americans. You don’t wanna make mistakes here and now. Back off.」
公安一時m̄知beh按怎，姑不將放in走，目睭金金看飛行機起飛。Taⁿ，施有影ē-sái tháu一口khùi--ah。伊越頭看余欣，伊已經倒tī軟轎頂koân，一手koh mo͘h腹肚。
第六章｜犧牲
《紐約時報》用「Implanting A Baby's Heart」做標題，公開評批中共ê hiau-hēng代。報導有三四張圖，一張基因配對圖，一張立法委員林懷仁ê捐器官簽約書，kah一張bak血、紅kì-kì ê手術相片——he紅嬰仔細細粒仔，身軀hō͘藍布khàm-tiâu--leh，胸坎已經hiauh開，一粒心臟hō͘人看現現。
國際社會開始討論中共ê歹德行，講取紅嬰仔心臟hō͘高層官員繼續活--落-去是真野蠻ê行為。網路開始出現「誠恩m̄是工具」ê關鍵字，有一粒白色心臟hō͘一肢紅色ê手la̍k-tiâu ê符號mā leh湠。
林懷仁當然無想著ē有chit工。立法院頭前有超過一百萬人chiūⁿ街頭，要求停止《兩岸數位醫療資訊平台法》、要求傅崑旻出來說明。一位明進黨查某立委tī質詢台問：「Che就是lín兩黨講ê兩岸一家親，親kah願意提家己ê囡仔去交換家己ê利益？Lín是人iah是精牲，iah是一隻無血無目屎ê ka-choa̍h？」
無人替林懷仁講話，mā無人願意繼續tī chit个議題tńg-se̍h。「委員，chia--ê lóng是假新聞。時間到--ah，阮半數以上通過ê法案，無需要koh再討論。」韓院長án-ne回答。就算外口ê民眾抗議，伊猶原踏硬，無beh抽退。
「就hit間2266病房ê人換藥仔，無換ē死。我臨時請chit位護士來tàu-saⁿ-kāng。」
「Hit間，我知……」守衛仔m̄敢ke問，緊放in走。守衛仔驚惹著麻煩，án-ne m̄-nā頭路無，凡勢性命mā無。
Koh最後一个門，in就ē-sái離開che病院--ah。Siáng知，tī第三个門，soah遇著蘇二豐。
In兩人sio對目，káⁿ-ná有話beh講，soah lóng無講話。所有ê一切hō͘病院內冷冷ê空氣，吹kah勼--起-來，bē-tín-bē動。
蘇先拍破che礙虐ê氣氛，「你beh去佗位？」
「拄巡房巡了，beh下班--ah，無--leh？我mā需要歇睏。」
蘇雄雄感覺家己ê口氣無啥好，小可歹勢歹勢，無應該án-ne問chit位同窗。
「應該無人比你清楚，知影我想beh做一件大事業。你知影我以前就……」蘇態度落軟，ná講。
「是--lah，我知。我mā知大頭家ê心思，m̄是lán ē-sái問--ê。」施用以前笑詼ê khùi口講，bē輸leh kā ge。Siuⁿ過自然，soah hō͘蘇一時m̄知按怎應--tńg-去。
「……你知影你ài做啥就好。」蘇講煞，讓in過。看in過，感覺káⁿ-ná佗位怪怪，soah講bē出--來。只是感覺施願意kah伊tī chia拍拚，是真好ê開始。
逃出病院了後，接sòa--來就是緊揣飛行機飛tńg來台灣。
「美華，我kā余欣救--出-來--ah。Kám有人來接--阮？Ài緊，我驚余欣ê身體擋bē久。」訊息傳--出-去了後，就緊揣一台計程車直接駛向機場。一路，kan-na祈禱台灣ê有志有看著訊息，mā祈禱無人發現，無人jiok--來。
到機場ê時，一大堆公安已經tī hia--ah。看--起-來病院已經發現施儀中援助余欣逃走。Che代誌若公開，絕對是全球頭條。北京ê天phú色無光，in khû tī車站地下通道，心肝leh chùn，直直想到底beh按怎逃。
Tng-leh兩人m̄知beh按怎ê時，手機仔訊息傳--來。「我ê美國朋友Rubio ē-sái載lín一chōa。In ê人tī幸福漢藥店等lín--ah。」
「天公保庇，余欣，lán有救兵--ah。」
施無khà想接sòa--來ē發生啥代誌，kan-na緊揣到漢藥店ê路，一路ná閃公安ná揣。入門了後，看見兩个人漢草真勇，胸坎上無三尺厚，二頭筋比頭koh-khah大。
「Is she all right？伊人有好勢--無？」施一時驚--著，想bē到che美國人ē-hiáu講台灣話。
「佗一个是Rubio？阮需要幫忙。」施應。
「Rubio已經tī飛行機等--lín。你現此時安全--ah，che是lín兩人ê護照——lín是美國人，無人ē-sái kā lín tín動--著。」
「Rubio是？Hit个美國國務卿！」施m̄ bat想--過，有che thang做靠山，想講kám ē是騙局，一路iáu m̄敢放鬆。一直到機場，直接行專屬路線，看見有美國國旗ê飛行機。
就tī上尾gate check ê時，一陣公安走--來，施趕緊攬余欣走向空橋，hit兩个美國安全人員kā公安擋--leh。
「What the fuck you want, they are Americans. You don’t wanna make mistakes here and now. Back off.」
公安一時m̄知beh按怎，姑不將放in走，目睭金金看飛行機起飛。Taⁿ，施有影ē-sái tháu一口khùi--ah。伊越頭看余欣，伊已經倒tī軟轎頂koân，一手koh mo͘h腹肚。
第六章｜犧牲
《紐約時報》用「Implanting A Baby's Heart」做標題，公開評批中共ê hiau-hēng代。報導有三四張圖，一張基因配對圖，一張立法委員林懷仁ê捐器官簽約書，kah一張bak血、紅kì-kì ê手術相片——he紅嬰仔細細粒仔，身軀hō͘藍布khàm-tiâu--leh，胸坎已經hiauh開，一粒心臟hō͘人看現現。
國際社會開始討論中共ê歹德行，講取紅嬰仔心臟hō͘高層官員繼續活--落-去是真野蠻ê行為。網路開始出現「誠恩m̄是工具」ê關鍵字，有一粒白色心臟hō͘一肢紅色ê手la̍k-tiâu ê符號mā leh湠。
林懷仁當然無想著ē有chit工。立法院頭前有超過一百萬人chiūⁿ街頭，要求停止《兩岸數位醫療資訊平台法》、要求傅崑旻出來說明。一位明進黨查某立委tī質詢台問：「Che就是lín兩黨講ê兩岸一家親，親kah願意提家己ê囡仔去交換家己ê利益？Lín是人iah是精牲，iah是一隻無血無目屎ê ka-choa̍h？」
無人替林懷仁講話，mā無人願意繼續tī chit个議題tńg-se̍h。「委員，chia--ê lóng是假新聞。時間到--ah，阮半數以上通過ê法案，無需要koh再討論。」韓院長án-ne回答。就算外口ê民眾抗議，伊猶原踏硬，無beh抽退。
林懷仁，猶原無出面解soeh，有人甚至懷疑伊是m̄是iáu tī台灣。
「你ài tńg去台灣開記者會，講che是你願意--ê。囡仔iáu未出世就腦死，器官捐--出-來是利益別人，延續lín後生ê性命。」高金梅án-ne kā命令。
「有必要ê時，我ē替你講幾句仔話，提供醫學ê證明。」蘇二豐án-ne接話。
「我kám定著ài tńg去台灣？我beh按怎面對社會？」林懷仁應。
「你一定ài tńg去說明，而且ài kah傅維持立法院ê運作。接sòa--來ê國防預算kah法案lóng ài kā cha̍h--落-來。」高金梅koh再強調。
想bē到林懷仁tńg來台灣ê消息早就放送hō͘人知，傅就招伊做伙tī機場直接開記者會。
「我m̄是兇手。我是一个老爸，支持將器官koh再利用是人類文明ê表現。我ê後生伊無法度活--落-來，che是伊ê運命。總--是，伊koh活tī-leh別人ê身--上。伊m̄是犧牲，伊用另一種形式活tī chit个世間。」林無tài任何表情，親像che稿早就準備好--ah，無接受任何人提問，bē輸驚hông tu̍h破背後ê計謀。
「伊講白賊！伊是兇手，我ê囡仔是伊親手害--死--ê。」余欣m̄知tang時出現tī記者會，大聲hoah。
「我是誠恩ê老母，林懷仁ê牽手，伊是刣死阮囝ê兇手。」接sòa--落-來，余欣kā腹肚hiàn--出-來，一條開刀ê號ùi心臟窟仔到肚臍，看著有影hō͘人驚惶，眾人起憤慨。
「我是施儀中，我bih tī慈愛病院調查揣證據，天公伯--à有保庇，hō͘我救余欣tńg--來。好佳哉，有美國朋友tàu-saⁿ-kāng，若無，che真相無可能顯明。」
蘇看見施儀中，兩人sio對看，蘇目神充滿怨恨，想beh講話ê款。施眼神堅定，利劍劍kā in ê氣勢壓kah無tè看。傅看m̄是勢，緊chhōa in離開記者會。
Che法案後--來就像傅ê拍算，beh辦公投來決定，講khah好聽--leh是hō͘人民決定。In真清楚，有一半ê人根本m̄知leh投啥，甚至bē去投票。民主ê路狹chiⁿ-chiⁿ，是ài靠幾若代人ê犧牲chiah有--ê，soah iáu有一半ê人睏kah m̄知人，m̄知che民主ê珍貴。
（第二部煞）
「你ài tńg去台灣開記者會，講che是你願意--ê。囡仔iáu未出世就腦死，器官捐--出-來是利益別人，延續lín後生ê性命。」高金梅án-ne kā命令。
「有必要ê時，我ē替你講幾句仔話，提供醫學ê證明。」蘇二豐án-ne接話。
「我kám定著ài tńg去台灣？我beh按怎面對社會？」林懷仁應。
「你一定ài tńg去說明，而且ài kah傅維持立法院ê運作。接sòa--來ê國防預算kah法案lóng ài kā cha̍h--落-來。」高金梅koh再強調。
想bē到林懷仁tńg來台灣ê消息早就放送hō͘人知，傅就招伊做伙tī機場直接開記者會。
「我m̄是兇手。我是一个老爸，支持將器官koh再利用是人類文明ê表現。我ê後生伊無法度活--落-來，che是伊ê運命。總--是，伊koh活tī-leh別人ê身--上。伊m̄是犧牲，伊用另一種形式活tī chit个世間。」林無tài任何表情，親像che稿早就準備好--ah，無接受任何人提問，bē輸驚hông tu̍h破背後ê計謀。
「伊講白賊！伊是兇手，我ê囡仔是伊親手害--死--ê。」余欣m̄知tang時出現tī記者會，大聲hoah。
「我是誠恩ê老母，林懷仁ê牽手，伊是刣死阮囝ê兇手。」接sòa--落-來，余欣kā腹肚hiàn--出-來，一條開刀ê號ùi心臟窟仔到肚臍，看著有影hō͘人驚惶，眾人起憤慨。
「我是施儀中，我bih tī慈愛病院調查揣證據，天公伯--à有保庇，hō͘我救余欣tńg--來。好佳哉，有美國朋友tàu-saⁿ-kāng，若無，che真相無可能顯明。」
蘇看見施儀中，兩人sio對看，蘇目神充滿怨恨，想beh講話ê款。施眼神堅定，利劍劍kā in ê氣勢壓kah無tè看。傅看m̄是勢，緊chhōa in離開記者會。
Che法案後--來就像傅ê拍算，beh辦公投來決定，講khah好聽--leh是hō͘人民決定。In真清楚，有一半ê人根本m̄知leh投啥，甚至bē去投票。民主ê路狹chiⁿ-chiⁿ，是ài靠幾若代人ê犧牲chiah有--ê，soah iáu有一半ê人睏kah m̄知人，m̄知che民主ê珍貴。
（第二部煞）
