作者：台灣師範大學台灣語文學系
高雄捷運（下面簡省做「高捷」）輕鐵列車內底「輕鐵」tsit个詞m̄用台語，針對tsit件代誌，本系做一个台灣語文專業ê學系，有阮ê社會責任，所以提出下面ê呼籲kah聲明。
一、根據《大眾運輸工具播音語言平等保障法》kah《國家語言發展法》，高捷應該愛照法律kā台語放送做hōo好tsiah tio̍h。
二、高雄市政府捷運工程局（下面簡省做「工程局」）回應講「light rail」是外來語，m̄免刁工翻譯做台語。M̄-koh外來語透過翻譯tsua̋nn變普及是真sù常ê代誌，華語『輕軌』tsit个詞mā是uì新詞來--ê，用台語放送根本to bē有誤解kah無利便ê問題。
三、台語表達「light rail」ê詞彙早就有--ah。譬論：台北淡海輕鐵放送就是用「輕鐵」（khin-thih）tsit个詞；公視台語台、台視台語新聞、華視台語新聞mā有用「輕鐵」、「輕便鐵路」（khin-piān thih-lōo）等等ê稱呼。Koh再講，車內to iáu有別个語言ê放送--leh，工程局tī tsit个詞無beh採用台語ê理由並無成立。
四、台語自來就是台灣實質上ê共通語，因為錯誤ê語言政策造成台語緊mé teh流--去。Lán國tī 2018年有通過《國家語言發展法》，政府、公部門tio̍h-ài實踐tsit phō法律ê立法精神，踮逐層面hōo台語出聲，用新詞稱呼新ê事物，尤其是要緊ê khang-khuè。
本系呼籲高捷ài趕緊將台語放送內底用華語播音ê『輕軌』tsit个詞改做台語「輕鐵」。交通主管機關mā ài全面檢查、協助確保全國公共運輸lóng有正確ê台語放送。
歡迎捐款贊助 #李江却台語文教基金會
（捐款可抵稅，匯款後請通知02-23112199）
郵政劃撥：19021486戶名：財團法人李江却台語文教基金會
電匯：123-20-050514-2華南銀行士林分行活儲戶名：財團法人李江却台語文教基金會
#李江却台語文教基金會 需要你ê定期捐款，逐年贊助本會（台文通訊BONG報發行單位）NT$2,400，lán做伙復振台灣語文ê事工kap雜誌編印發行費用，捐款thang抵稅。
