作者：洪以芯
頭一擺知影有「台羅（臺灣閩南語羅馬字拼音方案）」是兩冬外前，hit時tsūn心內有淡薄仔排斥，我想應該是因為生份。自細漢時到tsit-má，竟然m̄ bat知影台語有文字ē-tàng使用，hit當時偷偷仔囥tī心--上，逐擺tshuā阮囝參加台語共學活動，深深感覺若是beh hōo台語流傳--落-去，一定ài學台語ê文字，tsiah慢慢意識著學台羅真正tsiok重要。「Ē-liàn-tńg台語讀寫基礎班」第一節課，老師介紹真濟學台語ê資源，無疑悟過去我學過西班牙文、日文、英文，竟然對逐工teh講ê台語，一點仔熟sāi to無，想--著實在見笑。
講著學台語ê資源，民視台灣學堂ê「講台語當著時」節目，頭前幾集由文化面切入，對各種議題lóng有討論，26集lóng有台語智識ê說明、詞彙介紹，我看kah tsiok入迷，感覺家己不管tī台語應答iah是台羅基礎ê部份lóng進步真濟；m̄-koh學羅馬字需要時間適應kap練習，我ài koh繼續拍拚。
雖然台語因為政治ê因素已經m̄是大部份人主要teh使用ê語言，m̄-koh親像我tsit款有一點仔基礎ê人，若是ē-sái加強台語能力，進一步hōo身軀邊ê朋友mā有興趣做伙講，應該就是一件促進台語發展ê好代誌。
（作者是台北市港湖區台語親子共學團召集人，「Ē-liàn-tńg台語讀寫基礎班」第14期學員）
Lán來講看māi 專欄，本文使用教育部推薦漢字kap臺灣閩南語羅馬字拼音方案。
#台文通訊BONG報 342期，2022年9月出刊。
歡迎捐款贊助 #李江却台語文教基金會
（捐款可抵稅，匯款後請通知02-23112199）
郵政劃撥：19021486戶名：財團法人李江却台語文教基金會
電匯：123-20-050514-2華南銀行士林分行活儲戶名：財團法人李江却台語文教基金會
#李江却台語文教基金會 需要你ê定期捐款，逐年贊助本會（台文通訊BONG報發行單位）NT$2,400，lán做伙復振台灣語文ê事工kap雜誌編印發行費用，捐款thang抵稅。
