分組論壇第五組：台語教學ê ǹg望
主講／洪鈺彬、黃振彬、游勝榮、宋宜蓁
整理／台語政策推動聯盟、編輯部
第二屆「全國台語政策民間會議」分組論壇第五組邀請台北市台灣語協會ê會長洪鈺彬主持，台北市台灣語協會前會長黃振彬、台北市台灣語協會理事游勝榮、宋宜蓁，做伙來討論「台語教學ê ǹg望」。
台語一直以來無委員會，無政府ê支持，民間團體就ài真拚勢。所致，台北市台灣語協會uì 2003年就開始推廣台語。透過創新課程hām多元文化活動，吸引少年人來學台語，也積極培養專業老師。進前，in也得著本土語言傑出貢獻獎。目標m̄-nā是beh保存台語，mā beh hōo台語tsiânn做後一代文化交流ê連結。
無台語復振委員會 對教學ê影響
洪鈺彬是台師大台文所第一屆ê碩士班學生，伊教台語20外年，lóng無台語復振委員會，所致台北市台灣語協會lóng ài靠家己來khîng錢維持。也有人ē講，台語是障礙，ē影響學生學習英語hām其他ê科目，m̄-koh，台語ê課程也有濟濟智識，百面bē去影響著其他ê學習表現。洪鈺彬講：「Lán若有講，台語就ē活；lán若有教，台語就ē傳；lán若有創新，台語就ē飛--出-去。」
台北市台灣語協會前會長黃振彬分享，原民會tī 1996年成立了後有真濟獎勵方案、福利，就是因為in有專款專用，族語家庭kah通過認證考試ê人lóng ē-tàng有獎勵；客委會tī 2001年成立，leh sak客家族群ê文化、語言。Se̍h翻頭來看台語，全台灣使用台語為主ê人差不多有三成，次要使用者有五成左右，加加--起-來也有八成外，suah無台語委員會，beh推動教育、辦活動，半sián錢to無。
黃振彬表示，2025年，已經有高雄、基隆兩位首長答應beh編預算，成立地方ê台語復振委員會，伊希望各縣市lóng來成立台語復振委員會。若是中央政府ē-tàng tàu-sann-kāng，促進語言平等發展、避免歧視，ē ke真好勢。另外，也ài鼓勵逐家學台語、考認證，提升台灣人ê台語能力。落尾，世代傳承也需要拍拚，若準釘根--落-來，台語就有法度代代生湠。
本土語kah新住民語ê競合
台北市台灣語協會理事游勝榮指出，108課綱內底所使用ê「本土語」tsit个詞，其實是真闊ê稱呼，代表tsit phiàn土地生成、自然ê語言；「母語」是一个人出世了後使用ê頭一个語言。所致，「本土語」是以群體ê角度來想，「母語」是uì個人ê角度來看。108課綱ê語文課程有真值得來討論ê所在。108學年度uì國小一年仔開始，除了原底ê本土語文（台語1、客語、原住民語）課程以外，也kā新住民語文課程，列做小學ē-tàng學習ê課程之一。
根據108年新課綱規定，《九年一貫課程綱要》內底ê「本土語言」變做「本土語文／新住民語文」，除了原本有ê台語、客語、原住民各族語以外，也增加印尼、泰國、緬甸、柬埔寨、越南、菲律賓、馬來西亞等七國ê官方語文，m̄-koh，無增加學習節數。雖然教育部講kah真好聽，但是游勝榮質疑，tsit款假多元ê世界創舉「替新住民開設母國ê母語課」，到底是好iah bái、是利iah弊？
游勝榮說明《九年一貫課程綱要》內底「語文領域」ê架構hām節數分配，語文領域包含三項科目——國語文，授課時數是逐禮拜五節課；英語，授課時數是逐禮拜三節課；本土語言，授課時數是逐禮拜一節課，ē-tàng揀「台語」、「客語」、「原住民族語」。Tsit-má 108課綱ê本土語言課koh增加新住民語文，定著ē影響著教育現場。
根據教育部法規，只要有學生選修新住民語文，校方行政人員tio̍h-ài揣師資開課，tse是增加校方ê困擾。選修新住民語文ê學生無kài濟，有一寡學校ē-tàng tī本土語文時間開設，有ê suah tī早起上課前、歇晝ê時tsūn開課。游勝榮建議，新住民語ē-tàng另外開設課後社團，tse ē koh-khah理想。
游勝榮指出，語言hām文化ê關係ba̍t-tsiuh-tsiuh。以台灣平埔族做例，平埔族ê傳統文化無傳--落-來，上大ê原因就是已經無人ē-hiáu講平埔族語。M̄-tsiah講，政府逐年增加國家語言發展預算，就是為著beh來維護國家語言ê存續kah民族文化ê流傳。
若是因為婚姻iah是其他因素移民台灣ê新住民，台灣政府lóng有開辦補校，替新住民提供語言學習ê機會；新住民也lóng拍拚學習台灣ê語言（通常是華語），希望ē用得順利踮台灣生活。新住民ê囡仔tī台灣出世、大漢，若是tī就學期間，ē-tàng隨班學習本土語言，接收語言內底ê台灣文化，也ē-tàng對台灣文化有認同感。
各行各業用台語ê現況
台北市台灣語協會理事宋宜蓁表示，lán台語ê運用ē-tàng分做四个方面：在地化、國際化、實用性、文化性。親像選舉ê時tsūn，候選人kah選民ē用台語講「我是台灣人」、「當選！」。輝達執行長黃仁勳ê母語就是台語，所致伊不管去到佗lóng是講台語。長榮航空公司也ē要求空服人員ài ē-hiáu講台語，真濟銀行也ē要求行員ài講台語。Tsia--ê lóng是各行各業台語在地化ê例。
Koh來，是台語ê國際化。宋宜蓁分享，tī Berkeley大學（『加州大學柏克萊分校』），因為真濟人beh學台語，所以in tī 2024年就有開台語課程、徵求台語老師。蘋果公司進前也宣佈beh招募台語講kah真liú-lia̍h ê工程師，beh hōo Siri ē-hiáu講台語。
實用性ê部份，tī台灣一寡醫學院課程內底，台語是in選修ê課程，因為若拄著講台語ê病患，醫生ē-hiáu講台語，對醫病關係kah溝通真有幫贊。有一寡廣告，像保力達B、維士比、全國電子，也是用台語增加逐家ê印象。文化性ê部份，歌仔戲、布袋戲就是用台語來表演，mā有歌手ê台語歌得著金曲獎、金鐘獎ê肯定。宋宜蓁講，有台灣ê語言、文字，tsiah有台灣ê文學。
語言是文化ê載體，語言若是消失，文化就ē雲煙四散。Lán tio̍h-ài hōo台語親像鼓吹花仝款，愈開愈suí。
台語一直以來無委員會，無政府ê支持，民間團體就ài真拚勢。所致，台北市台灣語協會uì 2003年就開始推廣台語。透過創新課程hām多元文化活動，吸引少年人來學台語，也積極培養專業老師。進前，in也得著本土語言傑出貢獻獎。目標m̄-nā是beh保存台語，mā beh hōo台語tsiânn做後一代文化交流ê連結。
無台語復振委員會 對教學ê影響
洪鈺彬是台師大台文所第一屆ê碩士班學生，伊教台語20外年，lóng無台語復振委員會，所致台北市台灣語協會lóng ài靠家己來khîng錢維持。也有人ē講，台語是障礙，ē影響學生學習英語hām其他ê科目，m̄-koh，台語ê課程也有濟濟智識，百面bē去影響著其他ê學習表現。洪鈺彬講：「Lán若有講，台語就ē活；lán若有教，台語就ē傳；lán若有創新，台語就ē飛--出-去。」
台北市台灣語協會前會長黃振彬分享，原民會tī 1996年成立了後有真濟獎勵方案、福利，就是因為in有專款專用，族語家庭kah通過認證考試ê人lóng ē-tàng有獎勵；客委會tī 2001年成立，leh sak客家族群ê文化、語言。Se̍h翻頭來看台語，全台灣使用台語為主ê人差不多有三成，次要使用者有五成左右，加加--起-來也有八成外，suah無台語委員會，beh推動教育、辦活動，半sián錢to無。
黃振彬表示，2025年，已經有高雄、基隆兩位首長答應beh編預算，成立地方ê台語復振委員會，伊希望各縣市lóng來成立台語復振委員會。若是中央政府ē-tàng tàu-sann-kāng，促進語言平等發展、避免歧視，ē ke真好勢。另外，也ài鼓勵逐家學台語、考認證，提升台灣人ê台語能力。落尾，世代傳承也需要拍拚，若準釘根--落-來，台語就有法度代代生湠。
本土語kah新住民語ê競合
台北市台灣語協會理事游勝榮指出，108課綱內底所使用ê「本土語」tsit个詞，其實是真闊ê稱呼，代表tsit phiàn土地生成、自然ê語言；「母語」是一个人出世了後使用ê頭一个語言。所致，「本土語」是以群體ê角度來想，「母語」是uì個人ê角度來看。108課綱ê語文課程有真值得來討論ê所在。108學年度uì國小一年仔開始，除了原底ê本土語文（台語1、客語、原住民語）課程以外，也kā新住民語文課程，列做小學ē-tàng學習ê課程之一。
根據108年新課綱規定，《九年一貫課程綱要》內底ê「本土語言」變做「本土語文／新住民語文」，除了原本有ê台語、客語、原住民各族語以外，也增加印尼、泰國、緬甸、柬埔寨、越南、菲律賓、馬來西亞等七國ê官方語文，m̄-koh，無增加學習節數。雖然教育部講kah真好聽，但是游勝榮質疑，tsit款假多元ê世界創舉「替新住民開設母國ê母語課」，到底是好iah bái、是利iah弊？
游勝榮說明《九年一貫課程綱要》內底「語文領域」ê架構hām節數分配，語文領域包含三項科目——國語文，授課時數是逐禮拜五節課；英語，授課時數是逐禮拜三節課；本土語言，授課時數是逐禮拜一節課，ē-tàng揀「台語」、「客語」、「原住民族語」。Tsit-má 108課綱ê本土語言課koh增加新住民語文，定著ē影響著教育現場。
根據教育部法規，只要有學生選修新住民語文，校方行政人員tio̍h-ài揣師資開課，tse是增加校方ê困擾。選修新住民語文ê學生無kài濟，有一寡學校ē-tàng tī本土語文時間開設，有ê suah tī早起上課前、歇晝ê時tsūn開課。游勝榮建議，新住民語ē-tàng另外開設課後社團，tse ē koh-khah理想。
游勝榮指出，語言hām文化ê關係ba̍t-tsiuh-tsiuh。以台灣平埔族做例，平埔族ê傳統文化無傳--落-來，上大ê原因就是已經無人ē-hiáu講平埔族語。M̄-tsiah講，政府逐年增加國家語言發展預算，就是為著beh來維護國家語言ê存續kah民族文化ê流傳。
若是因為婚姻iah是其他因素移民台灣ê新住民，台灣政府lóng有開辦補校，替新住民提供語言學習ê機會；新住民也lóng拍拚學習台灣ê語言（通常是華語），希望ē用得順利踮台灣生活。新住民ê囡仔tī台灣出世、大漢，若是tī就學期間，ē-tàng隨班學習本土語言，接收語言內底ê台灣文化，也ē-tàng對台灣文化有認同感。
各行各業用台語ê現況
台北市台灣語協會理事宋宜蓁表示，lán台語ê運用ē-tàng分做四个方面：在地化、國際化、實用性、文化性。親像選舉ê時tsūn，候選人kah選民ē用台語講「我是台灣人」、「當選！」。輝達執行長黃仁勳ê母語就是台語，所致伊不管去到佗lóng是講台語。長榮航空公司也ē要求空服人員ài ē-hiáu講台語，真濟銀行也ē要求行員ài講台語。Tsia--ê lóng是各行各業台語在地化ê例。
Koh來，是台語ê國際化。宋宜蓁分享，tī Berkeley大學（『加州大學柏克萊分校』），因為真濟人beh學台語，所以in tī 2024年就有開台語課程、徵求台語老師。蘋果公司進前也宣佈beh招募台語講kah真liú-lia̍h ê工程師，beh hōo Siri ē-hiáu講台語。
實用性ê部份，tī台灣一寡醫學院課程內底，台語是in選修ê課程，因為若拄著講台語ê病患，醫生ē-hiáu講台語，對醫病關係kah溝通真有幫贊。有一寡廣告，像保力達B、維士比、全國電子，也是用台語增加逐家ê印象。文化性ê部份，歌仔戲、布袋戲就是用台語來表演，mā有歌手ê台語歌得著金曲獎、金鐘獎ê肯定。宋宜蓁講，有台灣ê語言、文字，tsiah有台灣ê文學。
語言是文化ê載體，語言若是消失，文化就ē雲煙四散。Lán tio̍h-ài hōo台語親像鼓吹花仝款，愈開愈suí。
1編註：目前tī 108課綱使用ê名稱是「閩南語文」。
