黃金甕仔
/ 藍春瑞
今仔日我有kah做風水ê施--先-生約tī大寮ê公塚見面，beh iang伊kā阮家族仔囥金斗ê靈塔門喙hùn闊，tsiah另外做一扇白鐵ê門框kah鎖頭ē-tàng關--起-來ê工事，伊提文工尺（bûn-kong-tshioh）出來量長短、kuân低，tsiânn緊就kā厚薄、大細講定著，我無kā出價，tuè手付伊五千箍ê定銀，koh約新曆ê雙十節beh動工，就徙跤做伙行落來公塚ê小路，緊beh趕去別搭koh做khang-khuè。
倒手爿ê路邊有一間黃金甕仔（hông-kim-àng-á）tuì內底囤到外口供桌前ê萬善祠，我問施--先-生講tsiah濟粒金斗排kah tsa̍t-tsa̍t-tsa̍t，是tuì佗來--ê？伊回話講對面ê地主，tī 30冬前tshiànn lu塗機整地，tánn-tia̍p beh開貨櫃場ê時tsūn，kā tsia-ê無名姓ê金斗總khioh倚--來，koh起tsit間萬善祠hōo in蹛到tann，香火mā不止仔旺--neh，是年是節mài算，差不多逐工lóng有人來問一寡有--ê無--ê。伊koh講伊若來tsia做khang-khuè，mā ē先tshuân果子仔kā in拜拜，求一下仔平安niā-niā。我koh問伊講有siànn--無？伊講有信就有siànn，kám m̄是--leh？
話tsiah煞，阮pha車ê所在mā到--ah，就隨人駛車tńg--去。
Íng過ê人塗葬，六冬後tio̍h-ài tshiànn土公仔khioh骨，囥入去差不多三尺kuân ê黃金甕仔內底，m̄-koh tsit-tsūn ê人顛倒用燒--ê占khah大面，té骨頭hu ê罈仔tsiah一尺kuân，khah bē像黃金甕仔hiah鎮位，阮阿爸kah阿母過身了後lóng是用燒--ê，有精差--ê是阿母過身未滿一冬，tio̍h-ài做對年煞tsiah ē-tàng進金，現此時先寄tī深澳坑仔ê『台北聖城』，thìng候明年ê清明hit工，進金兼培墓做一改同齊。
論真來講，kā tīng-khok-khok ê骨頭iah是燒--過ê骨hu，囥入去iap-thiap ê公塚，m̄管是墓龜iah是靈塔，lóng據在伊leh生菇臭phú，決定bē koh有人kā píng出來挲挲看看--leh，mā無人ē koh去斟酌、siàu念tsia-ê死人骨頭，囝kah新婦有tang時仔iáu ē想著阿爸阿母，啊若隔一沿腹肚皮ê孫仔輩，是喙bóng唸niâ，早to kā阿公阿媽phiann去十三天外，若kah án-ne，刁工kā骨頭kah骨hu khioh起來當做寶，kám有啥路用--leh？
Tsit站仔ê官廳lóng leh tshui-sak人過身了後ê海葬kah樹仔葬，上無仝--ê是無墓龜mā無tshāi墓牌，厝內底mā ē-sái免tshāi神主牌仔，kám m̄是tsiânn好--leh？
倒手爿ê路邊有一間黃金甕仔（hông-kim-àng-á）tuì內底囤到外口供桌前ê萬善祠，我問施--先-生講tsiah濟粒金斗排kah tsa̍t-tsa̍t-tsa̍t，是tuì佗來--ê？伊回話講對面ê地主，tī 30冬前tshiànn lu塗機整地，tánn-tia̍p beh開貨櫃場ê時tsūn，kā tsia-ê無名姓ê金斗總khioh倚--來，koh起tsit間萬善祠hōo in蹛到tann，香火mā不止仔旺--neh，是年是節mài算，差不多逐工lóng有人來問一寡有--ê無--ê。伊koh講伊若來tsia做khang-khuè，mā ē先tshuân果子仔kā in拜拜，求一下仔平安niā-niā。我koh問伊講有siànn--無？伊講有信就有siànn，kám m̄是--leh？
話tsiah煞，阮pha車ê所在mā到--ah，就隨人駛車tńg--去。
Íng過ê人塗葬，六冬後tio̍h-ài tshiànn土公仔khioh骨，囥入去差不多三尺kuân ê黃金甕仔內底，m̄-koh tsit-tsūn ê人顛倒用燒--ê占khah大面，té骨頭hu ê罈仔tsiah一尺kuân，khah bē像黃金甕仔hiah鎮位，阮阿爸kah阿母過身了後lóng是用燒--ê，有精差--ê是阿母過身未滿一冬，tio̍h-ài做對年煞tsiah ē-tàng進金，現此時先寄tī深澳坑仔ê『台北聖城』，thìng候明年ê清明hit工，進金兼培墓做一改同齊。
論真來講，kā tīng-khok-khok ê骨頭iah是燒--過ê骨hu，囥入去iap-thiap ê公塚，m̄管是墓龜iah是靈塔，lóng據在伊leh生菇臭phú，決定bē koh有人kā píng出來挲挲看看--leh，mā無人ē koh去斟酌、siàu念tsia-ê死人骨頭，囝kah新婦有tang時仔iáu ē想著阿爸阿母，啊若隔一沿腹肚皮ê孫仔輩，是喙bóng唸niâ，早to kā阿公阿媽phiann去十三天外，若kah án-ne，刁工kā骨頭kah骨hu khioh起來當做寶，kám有啥路用--leh？
Tsit站仔ê官廳lóng leh tshui-sak人過身了後ê海葬kah樹仔葬，上無仝--ê是無墓龜mā無tshāi墓牌，厝內底mā ē-sái免tshāi神主牌仔，kám m̄是tsiânn好--leh？
（Tsit篇文章bat刊tī教育部電子報，漢羅用字有調整，原文網址：https://reurl.cc/NOAxMm）
