繁華大稻埕
/ 施玉鳳
Tsiok久無來大稻埕，tsit改hām以早ê同事約tī大橋頭，sio招beh來大稻埕迪化街se̍h一輾。Tsit兜位是以早台灣貿易經營真重要ê所在，也是趁錢繁華ê所在。Tsia ê樓仔厝外觀看ē出--來真好額，建築lóng真講究，一排一排整齊店面，每一間妝thānn lóng無啥仝款，有貼thài-lù--ê，有巴洛克風格ê紅磚樓，iáu有日本式柴窗thuah門，hông感覺建築樸實有質感。
中晝阮四个人沿路行來到beh食飯ê所在，阮揀一間專門賣素食烏龍麵ê店。門口等位ê所在，tshāi幾若盆kuân-kuân低低ê盆栽，iáu有一liâu長椅liâu hōo人ē-sái坐--leh thìng候。阮真有福氣，無預定suah拄好有位thang坐，無延tshiân就入去店內用餐。
Tsit間店號做『無口小廚』，專門leh賣『拉麵』，有幾若種口味ê湯頭，像『塩味甘蔗』、『原味醬油』……『拉麵』有摻pû仔，阮第一改看--著，iáu有食材用豆腐kah豆皮做--ê、一盤一盤真講究ê mi̍h配。一大碗公真phong-phài，厚味ê麵湯真有飽足感，湯頭口味清爽，食材也鮮，實在講阮感覺tī台灣食『拉麵』，比踮tī日本食khah好食，阮leh想，凡勢是台灣口味khah ha̍h lán ê習慣。
Tsit間店面無kài大、狹狹--à，m̄-koh人mā真濟，有少年男女朋友、外國人，年歲khah有--ê，koh有規家伙仔來食--ê。Hit工m̄是歇睏日，人iáu是khó-khó生理真好。中晝食麵m̄敢thōng siunn久，門口iáu有人等beh食麵--leh！
阮四个人ná行ná看，tsia南北二路ê貨濟濟濟，當然tsia漢藥店mā真濟，中藥補品一包一包，iáu有宜蘭金桔仔糖、八仙果。沿路擔仔有幾若擔，leh賣日本草莓大福，iáu有豆花、杏仁茶配油tsia̍h粿。
同事有人建議去食一間出名ê豆花，號做『導演的豆花店』，tsit間店仝款外口tshāi幾若盆盆栽，koh ke一隻導演椅仔，店內底架仔頂排ê hip相機lóng是古董級--ê。豆花配料有伊ê特色，家己手工做ê古早味粉粿，koh有囥一湯匙磅米香，配豆花有ha̍h。阮四个人叫無仝配料，lóng食kah清氣溜溜。
迪化街建築厝間lóng真深落，可能是頭前做生理、後壁是徛家。Uì tsit條路店面行--入-去，經過天井thàng過另外一爿ê巷路。Tsia ê天井設計有影讚！Ē-sái看著天日，有光線、有空氣、ē落雨、有春夏秋冬，有大自然美景thang欣賞。Koh有看著種幾若欉植物，hām深落ê建築物真鬥搭，mā是生活ê智慧，留一屑仔空間，suah thang大大tháu放，真正sù-sī。
親像新芳春茶行，三層樓、柴窗花、thài-lù 壁，iáu有柴thuah門。啊若郭怡美書店，是巴洛克ê古典洋樓，門斗石壁頂有刻「海陸物產砂糖麥粉油類卸商」，邊--a刻兩隻神獸，中ng寫「郭怡美」，現此時是開冊店，mā仝款lè-táu。室內滿滿各種冊，無聲無sueh，恬恬仔享受看冊ê好所在，若有聽著人講話也是輕聲細sueh。
阮四个人沓沓仔行過一間一間做生理ê店面，目睭siòng-kuân-siòng低khuann-khuann仔hònn玄看mi̍h件，koh有看著「台灣LV」ka-tsì袋仔，花草百百款。若看著有leh賣杏仁茶配油tsia̍h粿，就是已經行到香火興旺、有200年歷史ê台北霞海城隍廟，e-e陣陣ê人來拜拜，拜月老求姻緣。
行過永樂戲院、永樂市場，二樓是布市仔，五花十色愛啥有啥。一樓菜市仔有濟濟俗價食si̍t，像日本料理ê sa-sí-mih、碗粿、米篩目……。市仔前hit規排ê紅磚樓hiánn目ê建築mā真有氣勢。
行tī大稻埕，hām阮同事ná行ná欣賞，逐家行kah跤痠--ah，揣著一間『幻猻家咖啡廳』。Kā門thuah--開，一樓人滿滿，阮逐家tsua̋nn peh起去到二樓坐。咖啡廳內底光線暗淡，tsia是khah早ê舊厝，親像七、八〇年代ê氣氛，親像京都ê「食茶店」（喫茶店）。桌仔邊點一pha古典ê座燈，燈光tshiō光hông感覺溫暖。同事沓沓仔講起生活日常拄--著ê種種。燈下ê花khann仔頂面有一蕊花枝，tī阮耳空邊輕輕傳來迷人ê歌曲……
寒夜無伴倚在桌邊1
看見tng開一蕊花枝
含著香味花紅葉青
引阮心內思念當時
踮tī台灣hit段苦難ê歲月，台灣子弟創作一首又一首ê歌謠，開出一蕊又一蕊迷人ê花蕊，「四月望雨」2寫出滿腹對tsit塊土地深情ê戀慕，tháu放台灣人苦悶ê心情。現此時繁華ê大稻埕也sio仝，是時間ê河、思念ê風、流金ê歲月，春夏秋冬彩色ê畫布，sio-thia̍p出歲月ê痕跡。
中晝阮四个人沿路行來到beh食飯ê所在，阮揀一間專門賣素食烏龍麵ê店。門口等位ê所在，tshāi幾若盆kuân-kuân低低ê盆栽，iáu有一liâu長椅liâu hōo人ē-sái坐--leh thìng候。阮真有福氣，無預定suah拄好有位thang坐，無延tshiân就入去店內用餐。
Tsit間店號做『無口小廚』，專門leh賣『拉麵』，有幾若種口味ê湯頭，像『塩味甘蔗』、『原味醬油』……『拉麵』有摻pû仔，阮第一改看--著，iáu有食材用豆腐kah豆皮做--ê、一盤一盤真講究ê mi̍h配。一大碗公真phong-phài，厚味ê麵湯真有飽足感，湯頭口味清爽，食材也鮮，實在講阮感覺tī台灣食『拉麵』，比踮tī日本食khah好食，阮leh想，凡勢是台灣口味khah ha̍h lán ê習慣。
Tsit間店面無kài大、狹狹--à，m̄-koh人mā真濟，有少年男女朋友、外國人，年歲khah有--ê，koh有規家伙仔來食--ê。Hit工m̄是歇睏日，人iáu是khó-khó生理真好。中晝食麵m̄敢thōng siunn久，門口iáu有人等beh食麵--leh！
阮四个人ná行ná看，tsia南北二路ê貨濟濟濟，當然tsia漢藥店mā真濟，中藥補品一包一包，iáu有宜蘭金桔仔糖、八仙果。沿路擔仔有幾若擔，leh賣日本草莓大福，iáu有豆花、杏仁茶配油tsia̍h粿。
同事有人建議去食一間出名ê豆花，號做『導演的豆花店』，tsit間店仝款外口tshāi幾若盆盆栽，koh ke一隻導演椅仔，店內底架仔頂排ê hip相機lóng是古董級--ê。豆花配料有伊ê特色，家己手工做ê古早味粉粿，koh有囥一湯匙磅米香，配豆花有ha̍h。阮四个人叫無仝配料，lóng食kah清氣溜溜。
迪化街建築厝間lóng真深落，可能是頭前做生理、後壁是徛家。Uì tsit條路店面行--入-去，經過天井thàng過另外一爿ê巷路。Tsia ê天井設計有影讚！Ē-sái看著天日，有光線、有空氣、ē落雨、有春夏秋冬，有大自然美景thang欣賞。Koh有看著種幾若欉植物，hām深落ê建築物真鬥搭，mā是生活ê智慧，留一屑仔空間，suah thang大大tháu放，真正sù-sī。
親像新芳春茶行，三層樓、柴窗花、thài-lù 壁，iáu有柴thuah門。啊若郭怡美書店，是巴洛克ê古典洋樓，門斗石壁頂有刻「海陸物產砂糖麥粉油類卸商」，邊--a刻兩隻神獸，中ng寫「郭怡美」，現此時是開冊店，mā仝款lè-táu。室內滿滿各種冊，無聲無sueh，恬恬仔享受看冊ê好所在，若有聽著人講話也是輕聲細sueh。
阮四个人沓沓仔行過一間一間做生理ê店面，目睭siòng-kuân-siòng低khuann-khuann仔hònn玄看mi̍h件，koh有看著「台灣LV」ka-tsì袋仔，花草百百款。若看著有leh賣杏仁茶配油tsia̍h粿，就是已經行到香火興旺、有200年歷史ê台北霞海城隍廟，e-e陣陣ê人來拜拜，拜月老求姻緣。
行過永樂戲院、永樂市場，二樓是布市仔，五花十色愛啥有啥。一樓菜市仔有濟濟俗價食si̍t，像日本料理ê sa-sí-mih、碗粿、米篩目……。市仔前hit規排ê紅磚樓hiánn目ê建築mā真有氣勢。
行tī大稻埕，hām阮同事ná行ná欣賞，逐家行kah跤痠--ah，揣著一間『幻猻家咖啡廳』。Kā門thuah--開，一樓人滿滿，阮逐家tsua̋nn peh起去到二樓坐。咖啡廳內底光線暗淡，tsia是khah早ê舊厝，親像七、八〇年代ê氣氛，親像京都ê「食茶店」（喫茶店）。桌仔邊點一pha古典ê座燈，燈光tshiō光hông感覺溫暖。同事沓沓仔講起生活日常拄--著ê種種。燈下ê花khann仔頂面有一蕊花枝，tī阮耳空邊輕輕傳來迷人ê歌曲……
寒夜無伴倚在桌邊1
看見tng開一蕊花枝
含著香味花紅葉青
引阮心內思念當時
踮tī台灣hit段苦難ê歲月，台灣子弟創作一首又一首ê歌謠，開出一蕊又一蕊迷人ê花蕊，「四月望雨」2寫出滿腹對tsit塊土地深情ê戀慕，tháu放台灣人苦悶ê心情。現此時繁華ê大稻埕也sio仝，是時間ê河、思念ê風、流金ê歲月，春夏秋冬彩色ê畫布，sio-thia̍p出歲月ê痕跡。
1編註：〈碎心花〉，鄧雨賢作曲，周添旺作詞，歌詞漢羅用字有調整。
2編註：〈四季紅〉、〈月夜愁〉、〈望春風〉、〈雨夜花〉四條歌合稱「四月望雨」。
2編註：〈四季紅〉、〈月夜愁〉、〈望春風〉、〈雨夜花〉四條歌合稱「四月望雨」。
