阿媽ê葵扇
/ 簡綾仙
細漢ê時tsūn，逐遍九降風起頭，iah是風颱beh來進前，門口hit tsūn風聲siuh-siuh叫，親像一陣tio̍h傷ê虎豹leh háu，聽著大細漢lóng ē phi̍h-phi̍h-tshuah。風若透，吹kah心肝頭phi̍h-pho̍k跳。
阿媽tiānn-tiānn恬恬坐tī門口埕hit隻藤椅，身軀小可倒勼，親像一欉檨仔欉ê老根，深深釘入tsit phiàn土地，伊手攑一枝已經有鬚ê葵扇，khuann-khuann仔ia̍t--leh ia̍t--leh，m̄知影阿媽leh ia̍t啥，kan-na感覺hit枝葵扇ia̍t--出-來ê風，比電風koh-khah涼、koh-khah穩。我看天色uì青tńg烏，阿媽suah老神在在、微微仔笑，講：「囡仔mài驚，心肝若好，風水免討。」
Hit-tang-tsūn ê我，聽無tsit句話內底ê深意，我想講阿媽講ê「風水」是hit款ài請地理師來看ê風水，mā kā「心肝好」當做kan-na是序大勸人做好事、se̍h-se̍h唸ê話。到家己結婚了後，真正出社會面對人情世事ê冷暖，我tsiah真正知影，tsit句話ê份量有偌重。原來，阿媽教--我ê地理，m̄-nā是看山看水，koh是「看心田」。
Lán人活tī tsit个世間，逐家lóng leh揣一塊「福地」，掠準厝宅有好地理，人生就ē順利，suah bē記得厝ê性命是蹛tī內底ê人。若是一家伙仔心頭bē定，外口凊彩一tsūn風吹草動，厝內就起風湧，suà--落-來koh拄著別人suān削、khau洗，lán就心神大亂。He就親像大門無tshuànn，外口ê pùn-sò隨風飛--入-來，驚動囡仔安寧。家庭教育上大ê失敗，tiānn-tiānn是大人先失去定性，hōo外面ê風透入來灶跤。
我iáu ē記得有一擺，厝邊隔壁因為一寡土地糾紛，來阮門口大細聲，講話真歹聽，我氣kah話講bē出--來，阿媽suah kan-na牽我ê手，輕輕仔搭我ê手心，叫我入去鬥陣lim一碗溫溫ê麥仔茶。伊講：「人講ê話是風，lán ê心是壁，壁若起hōo穩，風過就無痕，你若tuè風leh弄，你就變做風ê一部份。」
Hit个時tsūn，我看著阿媽ê目神，無半點怨恨iah是驚惶，he就是伊喙講ê「心頭定」，mā是一个家庭上穩當ê靠山。
現此時我家己mā做人ê爸母--ah，我sù常想起阿媽hit枝葵扇，mā沓沓仔了解，huānn家上深ê學問，是按怎tī透風落雨ê時tsūn，kā心肝頭hit pha燈火顧hōo好。世間上好ê地理，其實就tī lán家己ê身--上——心頭若定，無論行到佗位，lóng是上好ê風水寶地。
阿媽tiānn-tiānn恬恬坐tī門口埕hit隻藤椅，身軀小可倒勼，親像一欉檨仔欉ê老根，深深釘入tsit phiàn土地，伊手攑一枝已經有鬚ê葵扇，khuann-khuann仔ia̍t--leh ia̍t--leh，m̄知影阿媽leh ia̍t啥，kan-na感覺hit枝葵扇ia̍t--出-來ê風，比電風koh-khah涼、koh-khah穩。我看天色uì青tńg烏，阿媽suah老神在在、微微仔笑，講：「囡仔mài驚，心肝若好，風水免討。」
Hit-tang-tsūn ê我，聽無tsit句話內底ê深意，我想講阿媽講ê「風水」是hit款ài請地理師來看ê風水，mā kā「心肝好」當做kan-na是序大勸人做好事、se̍h-se̍h唸ê話。到家己結婚了後，真正出社會面對人情世事ê冷暖，我tsiah真正知影，tsit句話ê份量有偌重。原來，阿媽教--我ê地理，m̄-nā是看山看水，koh是「看心田」。
Lán人活tī tsit个世間，逐家lóng leh揣一塊「福地」，掠準厝宅有好地理，人生就ē順利，suah bē記得厝ê性命是蹛tī內底ê人。若是一家伙仔心頭bē定，外口凊彩一tsūn風吹草動，厝內就起風湧，suà--落-來koh拄著別人suān削、khau洗，lán就心神大亂。He就親像大門無tshuànn，外口ê pùn-sò隨風飛--入-來，驚動囡仔安寧。家庭教育上大ê失敗，tiānn-tiānn是大人先失去定性，hōo外面ê風透入來灶跤。
我iáu ē記得有一擺，厝邊隔壁因為一寡土地糾紛，來阮門口大細聲，講話真歹聽，我氣kah話講bē出--來，阿媽suah kan-na牽我ê手，輕輕仔搭我ê手心，叫我入去鬥陣lim一碗溫溫ê麥仔茶。伊講：「人講ê話是風，lán ê心是壁，壁若起hōo穩，風過就無痕，你若tuè風leh弄，你就變做風ê一部份。」
Hit个時tsūn，我看著阿媽ê目神，無半點怨恨iah是驚惶，he就是伊喙講ê「心頭定」，mā是一个家庭上穩當ê靠山。
現此時我家己mā做人ê爸母--ah，我sù常想起阿媽hit枝葵扇，mā沓沓仔了解，huānn家上深ê學問，是按怎tī透風落雨ê時tsūn，kā心肝頭hit pha燈火顧hōo好。世間上好ê地理，其實就tī lán家己ê身--上——心頭若定，無論行到佗位，lóng是上好ê風水寶地。
