Tâi-oân Lō͘
（本文是漢羅合用kap全羅馬字一段一段對照）
作者：陳雷
過--來ê 50年，對台灣影響上大--ê應該是地球ê環境變化。不過，che m̄是lán今仔日討論ê問題。Lán beh講--ê是台灣ê政治環境。
Kòe--lâi ê 50 nî, tùi Tâi-oân éng-hióng siōng tōa ê eng-kai sī tē-kiû ê khoân-kéng piàn-hòa. Put-kò, che m̄ sī lán kin-á-ji̍t thó-lūn ê būn-tê. Lán beh kóng--ê sī Tâi-oân ê chèng-tī khoân-kéng.
Lán有400冬被殖民ê歷史，真知台灣人ê安全kap自由需要獨立主權ê國家，chiah ē-tàng保證。Chit條就是lán beh行ê台灣路。但是chit條路m̄是狹chiⁿ ê國家主義。因為lán ê地理是海洋，lán ê海四邊開放，人人來往，lán也是自然ê國際主義者。Kap全世界ê國家平等來往。國際主義hō͘ lán進步、富裕、安全。所以台灣路有雙chōa，主權國家kap合作ê國際主義。
Lán ū 400 tang pī si̍t-bîn ê le̍k-sú, chin chai Tâi-oân-lâng ê an-choân kap chū-iû su-iàu to̍k-li̍p chú-koân ê kok-ka, chiah ē-tàng pó-chèng. Chit tiâu tō sī lán beh kiâⁿ ê Tâi-oân lō͘. Tān-sī chit tiâu lō͘ m̄ sī e̍h-chiⁿ ê kok-ka chú-gī. In-ūi lán ê tē-lí sī hái-iûⁿ, lán ê hái sì-piⁿ khai-hòng, lâng-lâng lâi-óng, lán iā sī chū-jiân ê kok-chè chú-gī chiá. Kap choân sè-kài ê kok-ka pêng-téng lâi-óng. Kok-chè chú-gī hō͘ lán chìn-pō͘, hù-jū, an-choân. Só͘-í Tâi-oân lō͘ ū siang chōa, chú-koân kok-ka kap ha̍p-chok ê kok-chè chú-gī.
上kài反對台灣路--ê是中國共產黨政權。In beh侵占台灣、控制台灣。In ê野心是最後控制全世界ê人kap資源，親像in chit-má控制全中國仝款。Che是目前台灣上大ê危險，第一敵人。Lán一定tio̍h看真in ê本質，chiah ē-tàng保護家己。
Siōng-kài hoán-tùi Tâi-oân lō͘--ê sī Tiong-kok Kiōng-sán-tóng chèng-koân. In beh chhim-chiàm Tâi-oân, khòng-chè Tâi-oân. In ê iá-sim sī chòe-āu khòng-chè choân sè-kài ê lâng kap chu-goân, chhin-chhiūⁿ in chit-má khòng-chè choân Tiong-kok kāng-khoán. Che sī bo̍k-chêng Tâi-oân siōng tōa ê hûi-hiám, tē-it te̍k-jîn. Lán it-tēng tio̍h khòaⁿ-chin in ê pún-chit, chiah ē-tàng pó-hō͘ ka-tī.
台灣路坎坎坷坷，用lán ê智慧、眼光，決心ná行ná開路。Che是lán獨獨一條好koh長ê出路。
Tâi-oân lō͘ kham-kham-khek-khek, iōng lán ê tì-hūi, gán-kong, koat-sim ná kiâⁿ ná khui-lō͘. Che sī lán to̍k-to̍k 1 tiâu hó koh tn̂g ê chhut-lō͘.
#寫hō͘學生朋友ê代誌 專欄，本文使用教育部推薦漢字kap傳統白話字。
台文通訊BONG報334期，2022年1月出刊。
歡迎捐款贊助 #李江却台語文教基金會
（捐款可抵稅，匯款後請通知02-23112199）
郵政劃撥：19021486戶名：財團法人李江却台語文教基金會
電匯：123-20-050514-2華南銀行士林分行活儲戶名：財團法人李江却台語文教基金會
李江却台語文教基金會需要你ê定期捐款，逐個月捐助NT$200以上，lán做伙來推動復振台灣語文ê事工，歡迎利用劃撥、電匯、信用卡、郵局『存簿儲金自動轉帳』扣款iah是線頂捐款、現金贊助。
◎逐個月贊助本會（台文通訊BONG報發行單位）NT$200（iah是逐冬NT$2,400）以上，做伙支持基金會事工kap雜誌編印發行費用。歡迎利用郵局劃撥、信用卡（寫捐款單）、線頂捐款、現金贊助、銀行/ATM轉帳（轉帳了後請通知）、支票、郵局戶頭自動轉帳扣繳（寫授權書），捐款收據ē-tàng做『列舉扣除額』抵稅ê用途。
