後龍阿公ê ta̍p-ta̍p滴滴
/ 陳掄瑜
16歲出國以前，逐年過年阮lóng ē tuì台北tńg去苗栗後龍（Āu-lâng）看阿公阿媽。細漢時，阿公tsiânn少kah我講話，極ke叫一聲名。我一直叫是阿公無啥熟sāi--我，畢竟伊有20 thóng个孫仔囝。平常時，阿公面看--起-來歹歹，真少笑，mā真少講話。我有淡薄仔驚--伊，m̄敢看--伊，koh bē-hiáu叫人。阿公tiānn-tiānn投講我無喙花。
讀小學ê時，有一擺阿公阿媽起來台北看--阮。阿母想講tshuā in去華西街se̍h街食飯看鬧熱。結果規條街仔人山人海。我hit-tsūn仔iáu-koh是一个矮矮ê小學生，行tī一群烏khâm-khâm ê人湧中ng，看--著--ê lóng是人ê胸坎kah kueh-lang-kha，根本看bē著路，規个人suah開始起緊張。
一下越頭，看著阿公直直tuì人上濟ê所在行--入-去，驚阿公phàng見，就khah緊tuè tī阿公後壁，kā伊ê手牽--起-來。規下晡，lóng無講話，kan-na kā阿公ê人tuè-ân-ân，koh kā伊ê手牽tiâu-tiâu，精神mā m̄敢放輕鬆。想bē到，下暗tńg--去了後，阿公偌仔歡喜--leh，kā逐家講：「掄--ā今仔日對我tsiânn好！平常時仔lóng bē叫，今仔日tī外口顛倒規工kā我牽tiâu-tiâu。」
另外一擺，mā是阿公阿媽來台北tshit-thô。Hit-tsūn仔，阮兜拄好徛tī學校正後壁。Hit工，我上課bē記得紮跳舞課ài換ê衫仔褲。趁練琴課ê時間，我看著阿母tī陽台phi衫，就大聲kā huah講：「媽！媽！Ē-sái kā我ê跳舞衫仔褲提來學校--無？」
阿公聽--著了後，隨叫阮老母kā衫仔褲包hōo好，囥tī袋仔內。阿公無張無持，雄雄就kā phi衫ê大枝竹篙攑--落-來，kā袋仔long起去竹篙。
Suà--落，伊kánn-ná一个勇士，kā規枝竹篙攑起來se̍h tuì我二樓琴房ê方向。勻勻仔，阿公竟然kā衫仔褲tuì阮兜三樓陽台tu到學校二樓琴房hōo--我。等我提著袋仔，阿公又koh kā重khuâinn-khuâinn ê竹篙收--tńg-去，實在無簡單！
邊--a琴房幾个同學看著阿公大粒汗細粒汗成功送mi̍h件過來hōo--我，直直kā阿公拍pho̍k仔加油。落尾，阿公ná拭汗ná ia̍t手講：「好--ah好--ah！緊去上課--ah！」
16歲hit年，阮移民出國。讀高中ê時，阿公阿媽頭一擺來美國。阿公tsiânn歡喜，行到佗lóng beh叫人kā伊hip相。頭擺看著正港烏人，阿公講：「Khah早有人來庄內講tī美國看著烏人。Hit時我想講騙痟--ê，哪有啥mih人生成是烏--ê。Tsit-má看--起-來，tsiânn實是有烏人，有ê koh不止仔烏--neh。」
大學ê時，歇熱tńg去台灣看阿公阿媽，陪伴--in--幾-工-仔。阿公無問我讀書讀kah好--無，kan-na講一句：「查某囡仔讀啥mih大學？」我知影伊心內ê意思是無希望阮離in siunn遠siunn久。
Hit幾工，阿公kah平常時仝款tiānn-tiānn去厝邊隔壁揣朋友lim茶偷食薰，叫我bē-sái hōo阿媽知影。我心內暗爽，想講tse是我kah阿公ê頭一个祕密，一定ài替伊保守hōo好。Siáng知影過無偌久，阿姑就kā我講，其實逐家lóng知影阿公偷食薰ê代誌。
Beh離開後龍hit工，阿公恬恬仔seh一个紅包hōo--我，害我tshuah一tiô m̄敢提。以早伊m̄ bat包紅包hōo孫仔囝，因為孫仔輩人實在siunn濟。阿公koh主動beh騎跤踏車載我去火車頭。Tsit世人真少親像án-ne thang koh攬阿公，到tann iáu真懷念。
其實，阿公m̄是我細漢時想ê hiah-nī仔雷公面，伊只是khah無愛講話。
Tsit-má身軀邊kan-na賰一張阿公kah阿媽坐tī田--裡作穡ê相片，siàu念阿公ê時tsūn就提出來看一下仔in心適ê笑容。
讀小學ê時，有一擺阿公阿媽起來台北看--阮。阿母想講tshuā in去華西街se̍h街食飯看鬧熱。結果規條街仔人山人海。我hit-tsūn仔iáu-koh是一个矮矮ê小學生，行tī一群烏khâm-khâm ê人湧中ng，看--著--ê lóng是人ê胸坎kah kueh-lang-kha，根本看bē著路，規个人suah開始起緊張。
一下越頭，看著阿公直直tuì人上濟ê所在行--入-去，驚阿公phàng見，就khah緊tuè tī阿公後壁，kā伊ê手牽--起-來。規下晡，lóng無講話，kan-na kā阿公ê人tuè-ân-ân，koh kā伊ê手牽tiâu-tiâu，精神mā m̄敢放輕鬆。想bē到，下暗tńg--去了後，阿公偌仔歡喜--leh，kā逐家講：「掄--ā今仔日對我tsiânn好！平常時仔lóng bē叫，今仔日tī外口顛倒規工kā我牽tiâu-tiâu。」
另外一擺，mā是阿公阿媽來台北tshit-thô。Hit-tsūn仔，阮兜拄好徛tī學校正後壁。Hit工，我上課bē記得紮跳舞課ài換ê衫仔褲。趁練琴課ê時間，我看著阿母tī陽台phi衫，就大聲kā huah講：「媽！媽！Ē-sái kā我ê跳舞衫仔褲提來學校--無？」
阿公聽--著了後，隨叫阮老母kā衫仔褲包hōo好，囥tī袋仔內。阿公無張無持，雄雄就kā phi衫ê大枝竹篙攑--落-來，kā袋仔long起去竹篙。
Suà--落，伊kánn-ná一个勇士，kā規枝竹篙攑起來se̍h tuì我二樓琴房ê方向。勻勻仔，阿公竟然kā衫仔褲tuì阮兜三樓陽台tu到學校二樓琴房hōo--我。等我提著袋仔，阿公又koh kā重khuâinn-khuâinn ê竹篙收--tńg-去，實在無簡單！
邊--a琴房幾个同學看著阿公大粒汗細粒汗成功送mi̍h件過來hōo--我，直直kā阿公拍pho̍k仔加油。落尾，阿公ná拭汗ná ia̍t手講：「好--ah好--ah！緊去上課--ah！」
16歲hit年，阮移民出國。讀高中ê時，阿公阿媽頭一擺來美國。阿公tsiânn歡喜，行到佗lóng beh叫人kā伊hip相。頭擺看著正港烏人，阿公講：「Khah早有人來庄內講tī美國看著烏人。Hit時我想講騙痟--ê，哪有啥mih人生成是烏--ê。Tsit-má看--起-來，tsiânn實是有烏人，有ê koh不止仔烏--neh。」
大學ê時，歇熱tńg去台灣看阿公阿媽，陪伴--in--幾-工-仔。阿公無問我讀書讀kah好--無，kan-na講一句：「查某囡仔讀啥mih大學？」我知影伊心內ê意思是無希望阮離in siunn遠siunn久。
Hit幾工，阿公kah平常時仝款tiānn-tiānn去厝邊隔壁揣朋友lim茶偷食薰，叫我bē-sái hōo阿媽知影。我心內暗爽，想講tse是我kah阿公ê頭一个祕密，一定ài替伊保守hōo好。Siáng知影過無偌久，阿姑就kā我講，其實逐家lóng知影阿公偷食薰ê代誌。
Beh離開後龍hit工，阿公恬恬仔seh一个紅包hōo--我，害我tshuah一tiô m̄敢提。以早伊m̄ bat包紅包hōo孫仔囝，因為孫仔輩人實在siunn濟。阿公koh主動beh騎跤踏車載我去火車頭。Tsit世人真少親像án-ne thang koh攬阿公，到tann iáu真懷念。
其實，阿公m̄是我細漢時想ê hiah-nī仔雷公面，伊只是khah無愛講話。
Tsit-má身軀邊kan-na賰一張阿公kah阿媽坐tī田--裡作穡ê相片，siàu念阿公ê時tsūn就提出來看一下仔in心適ê笑容。
