建立活tī台灣ê儀式感
/ 主講／鄭家和 記錄／Huī-kun
本文是2025/12/10講座ê記錄，講者是公視台語台「下暗新聞」主播兼「這是台灣款」主持人、歌仔戲大日小生。
八點檔kám真正ē-tàng學台語？台語教育kám真正kah現實有精差？……今仔日ê講者鄭家和uì 幾个仔問題起鼓，hōo聽眾家己思考。其中一个問題是：文創商品借用文化元素kám免借語言？鄭家和認為借用台灣文化ê文創商品，一定ài kā台語tshuā--入-去，若無，iáu-koh用華語ê角度去思考，顛倒是不答不七。
鄭家和指出，lán生活中出現tsiânn濟「華語音表台語」ê現象（編註：用華語音ê漢字來寫台語），tsit款現象表示「台語」iáu算是大多數人聽有ê語言，m̄-tsiah有法度sńg『諧音梗』。M̄-koh，鄭家和mā表示，真濟台灣人對家己ê母語tsiânn有自信，khîng真kan-na聽ê能力iáu ē-sái，講、讀kah寫ê部份lóng需要加強。
Lán對故鄉ê了解有偌濟？
鄭家和接suà講，台灣人對家己故鄉ê了解，一般來講m̄-nā不足koh無夠自信。Tse是因為了解不足致使無自信，iah是因為無自信所以無想beh認bat？一个囡仔tī tsiânn做大人ê過程中，ē沓沓仔學習新ê智識，kā無需要、àu舊ê mi̍h件tàn掉，m̄-koh若是kā tshiânn養家己ê故鄉記持、語言文化lóng總hìnn-sak，腹內無膏變成一个無自我意識ê人，suah想beh學高尚、假影是『文青』，án-ne kám m̄是「無毛雞假大格」？
2023中國影響力指數顯示，台灣傳媒kah社會受中國影響排名全世界第一，根據台灣民主實驗室專案經理李唐ê分析，台灣tī tsit兩方面hōo中國影響，是因為中國利用軟實力加上台灣媒體、宗教慈善團體kah文化機構等管道，深入台灣做社會滲透。鄭家和引述tsia-ê數據kah分析指出，目前ê台灣是一个嚴重受著中文／中國影響ê社會，伊進一步指出，lán ê先民uì中國來，tse是無法度改變ê事實，m̄-koh lán iáu是ē-tàng透過語言、文化去認bat台灣。
走揣台灣款、建立台灣感
鄭家和講，台灣是多元ê社會，thang包容無仝族群、宗教，人濟，衝突百面ē。透過媒體放送kah放大，一寡文化suah hông抹烏。講廟會siunn吵、八家將就是『8+9』，tse kám是事實？其實in lóng真美麗，tse是台灣ê傳統文化。Lán人lóng是有愛--ê，只是揀代誌去相信。Tsia--ê lóng是lán先民粒積ê見證，面對進步ê社會，lán ài了解啥mi̍h是文化風俗、啥mi̍h是科學。
有基本ê文化意識了後，鄭家和建議lán ē-tàng去走揣家己身軀邊ê台灣款，建立你ê台灣感。譬如講親身參與母語運動、生活中講母語、營造母語Wi-Fi、關心國際潮流下ê台灣、反思台灣ē-tàng按怎做。Lán mā ē-sái學一項才藝——煮台灣ê手路菜、學歌仔戲、布袋戲、學唸歌、彈月琴、做一个文化輸出ê YouTuber —— 以台灣立場思考，以台灣做主體，去認bat一項文化特色，認真參與、研究。
台語hōo生活koh-khah豐富
鄭家和講，因為有「台語」，hōo伊ê生活變kah koh-khah豐富。Tī生活中有tsiânn濟文化，ǹg望逐家thìng好去發現、追求，濟濟mi̍h件深入了解了後，ē發覺著無仝款ê世界。期待伊ê演講ē-tàng做一个起頭，tshuā逐家去觀察身軀邊ê大細項代誌，無的確會發見真趣味ê所在。Kā tsia-ê趣味tsiânn做個人頭殼內底、生活記持當中ê文化資產，tse lóng是別人搶bē走、屬tī家己ê寶貝，而且是一个tsiânn好交朋友、甚至是做國民外交ê好工具。
鄭家和認為，台灣人無需要自卑，也無需要hông看無。台灣就是璇石，每一面切角lóng有伊閃光ê所在。建立家己ê「台灣學」、「台灣主體」、「台灣意識」，對本身ke了解一寡，lán就ke一份勇氣kah精氣神。
八點檔kám真正ē-tàng學台語？台語教育kám真正kah現實有精差？……今仔日ê講者鄭家和uì 幾个仔問題起鼓，hōo聽眾家己思考。其中一个問題是：文創商品借用文化元素kám免借語言？鄭家和認為借用台灣文化ê文創商品，一定ài kā台語tshuā--入-去，若無，iáu-koh用華語ê角度去思考，顛倒是不答不七。
鄭家和指出，lán生活中出現tsiânn濟「華語音表台語」ê現象（編註：用華語音ê漢字來寫台語），tsit款現象表示「台語」iáu算是大多數人聽有ê語言，m̄-tsiah有法度sńg『諧音梗』。M̄-koh，鄭家和mā表示，真濟台灣人對家己ê母語tsiânn有自信，khîng真kan-na聽ê能力iáu ē-sái，講、讀kah寫ê部份lóng需要加強。
Lán對故鄉ê了解有偌濟？
鄭家和接suà講，台灣人對家己故鄉ê了解，一般來講m̄-nā不足koh無夠自信。Tse是因為了解不足致使無自信，iah是因為無自信所以無想beh認bat？一个囡仔tī tsiânn做大人ê過程中，ē沓沓仔學習新ê智識，kā無需要、àu舊ê mi̍h件tàn掉，m̄-koh若是kā tshiânn養家己ê故鄉記持、語言文化lóng總hìnn-sak，腹內無膏變成一个無自我意識ê人，suah想beh學高尚、假影是『文青』，án-ne kám m̄是「無毛雞假大格」？
2023中國影響力指數顯示，台灣傳媒kah社會受中國影響排名全世界第一，根據台灣民主實驗室專案經理李唐ê分析，台灣tī tsit兩方面hōo中國影響，是因為中國利用軟實力加上台灣媒體、宗教慈善團體kah文化機構等管道，深入台灣做社會滲透。鄭家和引述tsia-ê數據kah分析指出，目前ê台灣是一个嚴重受著中文／中國影響ê社會，伊進一步指出，lán ê先民uì中國來，tse是無法度改變ê事實，m̄-koh lán iáu是ē-tàng透過語言、文化去認bat台灣。
走揣台灣款、建立台灣感
鄭家和講，台灣是多元ê社會，thang包容無仝族群、宗教，人濟，衝突百面ē。透過媒體放送kah放大，一寡文化suah hông抹烏。講廟會siunn吵、八家將就是『8+9』，tse kám是事實？其實in lóng真美麗，tse是台灣ê傳統文化。Lán人lóng是有愛--ê，只是揀代誌去相信。Tsia--ê lóng是lán先民粒積ê見證，面對進步ê社會，lán ài了解啥mi̍h是文化風俗、啥mi̍h是科學。
有基本ê文化意識了後，鄭家和建議lán ē-tàng去走揣家己身軀邊ê台灣款，建立你ê台灣感。譬如講親身參與母語運動、生活中講母語、營造母語Wi-Fi、關心國際潮流下ê台灣、反思台灣ē-tàng按怎做。Lán mā ē-sái學一項才藝——煮台灣ê手路菜、學歌仔戲、布袋戲、學唸歌、彈月琴、做一个文化輸出ê YouTuber —— 以台灣立場思考，以台灣做主體，去認bat一項文化特色，認真參與、研究。
台語hōo生活koh-khah豐富
鄭家和講，因為有「台語」，hōo伊ê生活變kah koh-khah豐富。Tī生活中有tsiânn濟文化，ǹg望逐家thìng好去發現、追求，濟濟mi̍h件深入了解了後，ē發覺著無仝款ê世界。期待伊ê演講ē-tàng做一个起頭，tshuā逐家去觀察身軀邊ê大細項代誌，無的確會發見真趣味ê所在。Kā tsia-ê趣味tsiânn做個人頭殼內底、生活記持當中ê文化資產，tse lóng是別人搶bē走、屬tī家己ê寶貝，而且是一个tsiânn好交朋友、甚至是做國民外交ê好工具。
鄭家和認為，台灣人無需要自卑，也無需要hông看無。台灣就是璇石，每一面切角lóng有伊閃光ê所在。建立家己ê「台灣學」、「台灣主體」、「台灣意識」，對本身ke了解一寡，lán就ke一份勇氣kah精氣神。
