踏一tsuā旅行
/ 李天群
昨暗，心情to m̄是leh偌好，半暝3點半tsiah入眠，6點半就精神，無意無意mā睏bē去，只好起來洗喙、洗面，烏白食一塊pháng koh沖一杯烏咖啡，繼續寫報告、做投影片。寫--leh寫--leh，心內想講， tī宿舍屈--leh，khah輸出門行行--leh。想講拄來tsit間學校，mā m̄是tsiânn熟，hām阿宇借跤踏車騎，來tī校園內se̍h-se̍h--leh好--ah。
Hām阿宇約見面提鎖匙，伊問我講，kám有按beh去嘉義市一tsuā，橫直今仔日歇睏，騎khah遠--leh mā無要緊。我手攑鎖匙，行對伊停車ê所在去。好--lah，來去嘉義市行行--leh好--ah。心頭一時phi̍h-pho̍k跳，驚tsit tsuā路出代誌。Kā阿媽替我求ê平安符紮--leh，騎tsiūnn鐵馬，就無koh再烏白想，跤步一下踏，就出發--looh。
大學路m̄是一路落崎，平地iáu是khah濟，ài一直踏。心內leh想，kám有需要tsiah-nī痟？Beh反悔koh bē赴--ah，beh緊翻頭--無？心內各種思考一直tshi̍k，m̄-koh，倒uat入去台一線了後，雄雄啥mi̍h to無想beh管--ah，心內親像止水，真平靜。
跤枋一下一下踏，汗一滴一滴流，跤步綿爛，tī每一个青紅燈，tī每一个美麗ê景緻。直直騎，涼風也直直吹--來，陪伴路邊樹根ê青翠。過牛稠溪橋了後，看著tsiok濟大樓出現……市區就tī眼前--looh，嘉義市，我來--ah！
騎過圓環，先來到『檜意森活村』，對我來講，tsia就是一个文化園區，lóng是低厝仔，tsiânn有日本味，有真濟人租日本衫leh hip相。雖然我早就流kah一身軀汗--ah，心內iáu是tsiânn歡喜。家己無膽，煩惱同學ê跤踏車hōo人偷--去，出門koh bē記得紮水thang lim，se̍h--一-下-仔就緊koh跤踏車踏leh衝--looh。
M̄知按怎，tī嘉義市ê巷仔內，我按怎騎，就是揣無飲料店，是我家己一直騎過頭？Iah是天公伯--à leh創治？騎過一間排隊排tsiânn長ê沙鍋魚頭店，m̄-koh心內想beh先止喙ta，kā車停hōo好勢，就走去頭前ê豆花擔食一碗涼--ê。冰冰涼涼ê紅豆豆花實在是透心脾，喙--裡因為碎冰冷ki-ki，心中偌nī仔滿足。
Koh來，行翻頭去hit間tsiânn出名ê沙鍋魚頭店，因為是一个人，khah好安排，等無偌久就入座--looh。沙茶ê味芳koh厚，高麗菜、木耳、豆腐lóng tsiânn入味。家己細漢ê時有khê過魚刺，若無必要，我bē去點魚仔來食。雖然可惜，m̄-koh我點雞肉飯來食，mā有食著肉--lah。嘉義真正是雞肉飯ê天下，m̄管佗一間，lóng有伊ê特色，我lóng tsiânn kah意。
食飯飽，就tī文化路看衫仔，雖bóng是tsiânn流行、tsiânn飄撇，m̄-koh lóng無俗，人是「揀--啊揀，揀著一个賣龍眼」，我是揀--啊揀，看著價siàu，連試穿to貧惰。落尾，就tī路邊買一杯綠豆沙牛奶，跤踏車踏--leh準備來tńg。
一下騎，隨看著幾若間飲料店出現，心內一直怨嘆講，頭拄仔哪ē無騎tsit條。M̄-koh，to過--去--ah，就koh一直騎。騎過『森林之歌』（編註：一个裝置藝術），車一大堆，人有夠濟，我決定另日tsiah坐公車來，tsit-má直接tńg去學校好--ah。
直直騎，騎對我leh讀ê大學城去。不而過，到頭橋（編註：嘉義民雄ê一个地名）ê時，可能因為平常時欠仔運動，無啥leh tín動，大腿擋bē tiâu，kánn-ná beh糾筋--ah。趕緊落來用牽--ê，好佳哉拄好有一間便利商店tī巷仔口，車停hōo好就緊入去揣位坐落來歇睏。
歇睏ê時，我一直leh想，kám ē因為糾筋tsua̋nn無法度騎tńg去學校？佳哉是我想siunn濟，歇差不多半點鐘，大腿輕鬆--小-可，就koh再tsiūnn路--ah。騎無十分鐘，看著速食餐廳kuân-kuân ê kha̋ng-páng，大學路口已經tī面頭前，賰四公里--looh！Beh到--ah！Beh到--ah！
入來大學路了後，我決定kā速度放慢--落-來，khuann-khuann仔騎，想beh沿路看風景，看安全島頂面花草ê變化。沓沓仔，一切lóng恬靜--落-來，鳥仔自由自在leh飛，親像leh歡迎我tńg--來。一路上，喙am掛--leh ná唱歌，m̄管〈空笑夢〉iah是〈向前行〉，雖然結局就變卦、寂寞字看破，mā tio̍h啥mi̍h to m̄驚、趕緊來拍拚。
風吹--啊吹，想起tsit tsuā莫名其妙ê旅行，hōo我--ê是thàng海ê靜心，koh有心靈上ê排解。確實，有淡薄仔gōng呆，m̄-koh也是因為tsit份刺激，hōo家己去做原本做bē到ê代誌。
路--裡罩bông bo̍k-bo̍k泅，看著重點標誌ê hit時，菁仔欉探--出-來ê hit時……每一个動作lóng親身體會，每一幅風景lóng收入眼內、留tī心底，回想--起-來，iáu是tsiânn有滋味。其他無歡喜ê代誌lóng mài koh想，正能量kiōng-beh溢--出-來--ah。我希望家己未來若感覺無好ê時，想起tsit tsuā旅行，ē-sái有滿滿ê成就感，有滿滿ê歡喜。
Kā車牽入來學校，心內只有透心脾ê爽快，真正tsiok kah意tsit款感覺。車停hōo好勢，旅行就tī鎖「kha̍h」--起-去ê時結束--looh。
「Kha̍h！」
Hām阿宇約見面提鎖匙，伊問我講，kám有按beh去嘉義市一tsuā，橫直今仔日歇睏，騎khah遠--leh mā無要緊。我手攑鎖匙，行對伊停車ê所在去。好--lah，來去嘉義市行行--leh好--ah。心頭一時phi̍h-pho̍k跳，驚tsit tsuā路出代誌。Kā阿媽替我求ê平安符紮--leh，騎tsiūnn鐵馬，就無koh再烏白想，跤步一下踏，就出發--looh。
大學路m̄是一路落崎，平地iáu是khah濟，ài一直踏。心內leh想，kám有需要tsiah-nī痟？Beh反悔koh bē赴--ah，beh緊翻頭--無？心內各種思考一直tshi̍k，m̄-koh，倒uat入去台一線了後，雄雄啥mi̍h to無想beh管--ah，心內親像止水，真平靜。
跤枋一下一下踏，汗一滴一滴流，跤步綿爛，tī每一个青紅燈，tī每一个美麗ê景緻。直直騎，涼風也直直吹--來，陪伴路邊樹根ê青翠。過牛稠溪橋了後，看著tsiok濟大樓出現……市區就tī眼前--looh，嘉義市，我來--ah！
騎過圓環，先來到『檜意森活村』，對我來講，tsia就是一个文化園區，lóng是低厝仔，tsiânn有日本味，有真濟人租日本衫leh hip相。雖然我早就流kah一身軀汗--ah，心內iáu是tsiânn歡喜。家己無膽，煩惱同學ê跤踏車hōo人偷--去，出門koh bē記得紮水thang lim，se̍h--一-下-仔就緊koh跤踏車踏leh衝--looh。
M̄知按怎，tī嘉義市ê巷仔內，我按怎騎，就是揣無飲料店，是我家己一直騎過頭？Iah是天公伯--à leh創治？騎過一間排隊排tsiânn長ê沙鍋魚頭店，m̄-koh心內想beh先止喙ta，kā車停hōo好勢，就走去頭前ê豆花擔食一碗涼--ê。冰冰涼涼ê紅豆豆花實在是透心脾，喙--裡因為碎冰冷ki-ki，心中偌nī仔滿足。
Koh來，行翻頭去hit間tsiânn出名ê沙鍋魚頭店，因為是一个人，khah好安排，等無偌久就入座--looh。沙茶ê味芳koh厚，高麗菜、木耳、豆腐lóng tsiânn入味。家己細漢ê時有khê過魚刺，若無必要，我bē去點魚仔來食。雖然可惜，m̄-koh我點雞肉飯來食，mā有食著肉--lah。嘉義真正是雞肉飯ê天下，m̄管佗一間，lóng有伊ê特色，我lóng tsiânn kah意。
食飯飽，就tī文化路看衫仔，雖bóng是tsiânn流行、tsiânn飄撇，m̄-koh lóng無俗，人是「揀--啊揀，揀著一个賣龍眼」，我是揀--啊揀，看著價siàu，連試穿to貧惰。落尾，就tī路邊買一杯綠豆沙牛奶，跤踏車踏--leh準備來tńg。
一下騎，隨看著幾若間飲料店出現，心內一直怨嘆講，頭拄仔哪ē無騎tsit條。M̄-koh，to過--去--ah，就koh一直騎。騎過『森林之歌』（編註：一个裝置藝術），車一大堆，人有夠濟，我決定另日tsiah坐公車來，tsit-má直接tńg去學校好--ah。
直直騎，騎對我leh讀ê大學城去。不而過，到頭橋（編註：嘉義民雄ê一个地名）ê時，可能因為平常時欠仔運動，無啥leh tín動，大腿擋bē tiâu，kánn-ná beh糾筋--ah。趕緊落來用牽--ê，好佳哉拄好有一間便利商店tī巷仔口，車停hōo好就緊入去揣位坐落來歇睏。
歇睏ê時，我一直leh想，kám ē因為糾筋tsua̋nn無法度騎tńg去學校？佳哉是我想siunn濟，歇差不多半點鐘，大腿輕鬆--小-可，就koh再tsiūnn路--ah。騎無十分鐘，看著速食餐廳kuân-kuân ê kha̋ng-páng，大學路口已經tī面頭前，賰四公里--looh！Beh到--ah！Beh到--ah！
入來大學路了後，我決定kā速度放慢--落-來，khuann-khuann仔騎，想beh沿路看風景，看安全島頂面花草ê變化。沓沓仔，一切lóng恬靜--落-來，鳥仔自由自在leh飛，親像leh歡迎我tńg--來。一路上，喙am掛--leh ná唱歌，m̄管〈空笑夢〉iah是〈向前行〉，雖然結局就變卦、寂寞字看破，mā tio̍h啥mi̍h to m̄驚、趕緊來拍拚。
風吹--啊吹，想起tsit tsuā莫名其妙ê旅行，hōo我--ê是thàng海ê靜心，koh有心靈上ê排解。確實，有淡薄仔gōng呆，m̄-koh也是因為tsit份刺激，hōo家己去做原本做bē到ê代誌。
路--裡罩bông bo̍k-bo̍k泅，看著重點標誌ê hit時，菁仔欉探--出-來ê hit時……每一个動作lóng親身體會，每一幅風景lóng收入眼內、留tī心底，回想--起-來，iáu是tsiânn有滋味。其他無歡喜ê代誌lóng mài koh想，正能量kiōng-beh溢--出-來--ah。我希望家己未來若感覺無好ê時，想起tsit tsuā旅行，ē-sái有滿滿ê成就感，有滿滿ê歡喜。
Kā車牽入來學校，心內只有透心脾ê爽快，真正tsiok kah意tsit款感覺。車停hōo好勢，旅行就tī鎖「kha̍h」--起-去ê時結束--looh。
「Kha̍h！」
