어쩔수가없다，無ta你ôa
/ Tân Lō͘
Chit幾冬，有時也ē去看韓國電影，chhím頭仔是感覺趣味、hòⁿ玄，感覺韓國文化chiâⁿ生份，佳哉阮má-chih--ê是韓國時行博士博，講著韓國文藝界伊應該無幾个bē認--得，就是伊紹介我看幾若齣韓國電影，koh不止仔心適，有藝術性、娛樂性kap哲學，拍片手路有影mā無khah輸Hollywood koh。
Chia我beh先品明，我sòa--來beh紹介ê chit齣電影名，中文翻譯實在無súi-khùi，影響人對電影廣告chhím看ê感受，啥mi̍h teh『徵人啟弒』，che kap韓文原文意思完全走精，硬beh kō͘ hit款中文世界「文字chhōa頭」ê邏輯號名，實在是看了真倒tōaⁿ。
「어쩔수가없다」（eojjeolsuga-eobsda）1韓文名ê意思是「無伊法度」、「無ta你ôa」2，一下看就ē hō͘人思考，啥mih代誌、事件、狀況無ta-ôa？無法度解決？觀眾先有chit个基本準備了後，入去電影院看著ē真緊掠著重點，或者是看kah落尾翻頭看he名，雄雄智覺著導演是按怎beh號chit个名。Che mā是看電影真要緊ê其中一款趣味， taⁿ中文翻譯號án-ne，有影是剝削、阻擋觀眾，無法度直接感受導演號名ê趣味。所擺m̄-chiah有人講，中文字是製造社會階級、封建時代統治者控制思想ê工具，無形中制限使用者ê認知。
Chit齣電影搬兩點外鐘久，初初看時間，感覺驚驚，有歲--ah koh禁尿傷身體，m̄-koh實際看--loeh，劇情teh行順順tah-bā bē拖沙，凡勢導演本身有才情，故事路線切換ê時chūn bē tùn-teⁿ，bē hông感覺sa無cháng頭。韓國戲劇內底經典ê笑詼、hàm古、起痟狂，逐項lóng有。其實lán看演員名單就知機，chit幾个主演--ê lóng是老鳥、老先覺--ah，gâu演koh有經驗，人性一寡極端狀況ê感情kap面水péng變，演kah真真真，實在看kah chok暢，笑kah目屎用bùn--ê，驚kah心肝íⁿ仔ē ui、ē酸kiuh-kiuh。
基本tek，chit齣電影是teh講現代資本社會勞工ê故事，而且講kah倚近事實、血sai-sai，有影是無ta-ôa。你若踏入chit个現實社會，就ài面對故事內底一寡o͘-ló͘-bo̍k-chè、食人夠夠ê代誌。逐个角色lóng有無仝ê無奈，正當ê選擇真有可能liam-mi就歪chhoa̍h--去，堅持無的確ē出脫，掠狂起痟凡勢chiah行有路。聽--起-來chok hàm古，m̄-koh lán若斟酌kā想，本質koh有影是án-ne，어쩔수가없다，無ta你ôa。
阮má-chih--ê tiāⁿ-tiāⁿ講著電影beh按怎分鏡、按怎kō͘畫面講故事，見擺阮電影看了koh ē坐落來討論劇情內容kah畫面ê安排、導演a̍h是編劇teh想啥mi̍h、kám有khah好ê表現手路，自頭koh liū一擺，有影chok心適。若是拄著chit款好看--ê，實在ē講kah bē收煞。推薦lán讀者朋友來看chit齣電影，看出名演員拚戲、使面水演技、看奇巧劇情，欣賞韓國導演ê電影藝術作品。
Chia我beh先品明，我sòa--來beh紹介ê chit齣電影名，中文翻譯實在無súi-khùi，影響人對電影廣告chhím看ê感受，啥mi̍h teh『徵人啟弒』，che kap韓文原文意思完全走精，硬beh kō͘ hit款中文世界「文字chhōa頭」ê邏輯號名，實在是看了真倒tōaⁿ。
「어쩔수가없다」（eojjeolsuga-eobsda）1韓文名ê意思是「無伊法度」、「無ta你ôa」2，一下看就ē hō͘人思考，啥mih代誌、事件、狀況無ta-ôa？無法度解決？觀眾先有chit个基本準備了後，入去電影院看著ē真緊掠著重點，或者是看kah落尾翻頭看he名，雄雄智覺著導演是按怎beh號chit个名。Che mā是看電影真要緊ê其中一款趣味， taⁿ中文翻譯號án-ne，有影是剝削、阻擋觀眾，無法度直接感受導演號名ê趣味。所擺m̄-chiah有人講，中文字是製造社會階級、封建時代統治者控制思想ê工具，無形中制限使用者ê認知。
Chit齣電影搬兩點外鐘久，初初看時間，感覺驚驚，有歲--ah koh禁尿傷身體，m̄-koh實際看--loeh，劇情teh行順順tah-bā bē拖沙，凡勢導演本身有才情，故事路線切換ê時chūn bē tùn-teⁿ，bē hông感覺sa無cháng頭。韓國戲劇內底經典ê笑詼、hàm古、起痟狂，逐項lóng有。其實lán看演員名單就知機，chit幾个主演--ê lóng是老鳥、老先覺--ah，gâu演koh有經驗，人性一寡極端狀況ê感情kap面水péng變，演kah真真真，實在看kah chok暢，笑kah目屎用bùn--ê，驚kah心肝íⁿ仔ē ui、ē酸kiuh-kiuh。
基本tek，chit齣電影是teh講現代資本社會勞工ê故事，而且講kah倚近事實、血sai-sai，有影是無ta-ôa。你若踏入chit个現實社會，就ài面對故事內底一寡o͘-ló͘-bo̍k-chè、食人夠夠ê代誌。逐个角色lóng有無仝ê無奈，正當ê選擇真有可能liam-mi就歪chhoa̍h--去，堅持無的確ē出脫，掠狂起痟凡勢chiah行有路。聽--起-來chok hàm古，m̄-koh lán若斟酌kā想，本質koh有影是án-ne，어쩔수가없다，無ta你ôa。
阮má-chih--ê tiāⁿ-tiāⁿ講著電影beh按怎分鏡、按怎kō͘畫面講故事，見擺阮電影看了koh ē坐落來討論劇情內容kah畫面ê安排、導演a̍h是編劇teh想啥mi̍h、kám有khah好ê表現手路，自頭koh liū一擺，有影chok心適。若是拄著chit款好看--ê，實在ē講kah bē收煞。推薦lán讀者朋友來看chit齣電影，看出名演員拚戲、使面水演技、看奇巧劇情，欣賞韓國導演ê電影藝術作品。
1用傳統白話字標音，倚近：o͘-chio-i sú-kah o̍p-tă。
2編註：官方英文名是No Other Choice。
2編註：官方英文名是No Other Choice。
