我ê電影創作kah政治思考
主講／陳文彬 記錄／蔡天享
本文是2026/1/14講座ê記錄，講者是導演kah演員、彰化縣好德做工行善團祕書長、教育工作者。
Tsit擺講座ê講者陳文彬，做導演兼演員掠外，也ē編劇，得過電影金馬獎最佳編劇、台北電影節最佳男主角kah電視金鐘獎最佳劇情片。陳文彬ná紹介伊逐齣電影創作過程，也ná放電影作品ê片段hōo聽眾欣賞。
伊創作進前是先有政治思考，beh kā政治tsiânn做個人ê志業，對人ài有熱情、對國家ê發展有責任感hām正確ê判斷力，有ê人是負責國家安全，導演是用文學kah戲劇來hōo大眾接觸政治，親像Plato（『柏拉圖』）所講--ê：lán ài tshap政治，無，就ē hōo無才調ê政治人物來kā lán tshap。
1999年，陳文彬參加國際人道組織去柬埔寨，幫助內戰孤兒、兒童庇佑工廠。了後台灣發生九二一大地動，伊tuè『無殼蝸牛聯盟』tī台中石岡仔（Tsio̍h-kng-á）協助重建，蹛thiàn-tòo kah貨櫃年外，一寡在地少年人返鄉定居協助，尾--à kā拍做一齣記錄片。
陳文彬少年時ê夢是想beh學侯孝賢拍電影，受著牽手ê鼓勵去做，m̄-koh伊無影劇箍仔ê人面、無資金，就去kā鄭文堂導演學拍電影，uì駛車ê司機做起，扛水買便當，拍李喬寒夜三部曲《寒夜》、《荒村》、《孤燈》內ê「寒夜續曲」一冬。
In tī新竹五峰（Ngóo-hong）拍片，所在偏僻，ài準備80幾个人ê食si̍t，劇組冤家致使有人離開，伊就ài thap位。劇情需要日本自殺零式戰鬥機，揣著三義內山ê鐵工師傅，兩台做好，beh運去關西，siunn大台suah bē得過收費站，半暝仔kā飛機切塊，到位tsiah用電龜kā接--tńg-去——tse就是做工ê過程，任務完成就有成就感。
2004年，陳文彬頭一擺拍電視電影，是公視人生劇展《奔馳的縱貫線》，伊做導演兼編劇。Tsit齣戲leh講鹿港反『杜邦』設廠ê運動，描寫高中生對社會變化ê感受，kā魔幻hām寫實鬥鬥做伙。Suà--落-去，kā石岡仔ê故事拍做《家》，入圍金馬獎最佳紀錄片。2023年拍電視電影《唱歌予你聽》用仝tsit陣人，khah好合作。
伊也bat拍一支影片《泰雅千年》，是雪霸國家公園ê宣傳片，去到原住民部落，蹛兩年ê時間，起造一个舊式部落，呈現遷徙ê過程，因為種作無leh掖肥，時間到就換所在，hōo土地歇睏，後--來tsit个部落hōo導演魏德聖借去拍《賽德克．巴萊》ê前導片。Hām hia-ê原住民做伙生活，體會著文化ê複雜性，tuè日頭ê跤跡行，無tuè時鐘行。
陳文彬講，koh有「夢」，tio̍h-ài先有眠夢--著tsiah ē-sái。比論講約隔tńg工7點beh開工，若眠夢講bē-sái去，就bē-sái去，無法度照計畫表行，只好隨機應變，起雲霧就拍雲霧，無事先劇情安排。部落ê長老講夢著伊tī一隻大隻鳥頂--à，大胸金頭毛ê查某囡仔徛tī伊邊--a。後--來，tsit位長老kah伊做伙去美國參加影展，得著美國Houston（『休士頓』）國際影展民族文化類上大獎白金獎，長老去領獎hip相ê畫面，就是伊眠夢ê情景，坐大隻鳥就是坐飛行機。
Koh再來，是一个老爸抱查某囝beh uì天橋跳--落ê新聞，陳文彬2009年kā拍做電影《不能沒有你》，主角有一句名言「社會無公平--lah！」陳文彬tī tsit齣做男主角，有tio̍h金馬獎最佳編劇kah台北電影展最佳男主角。2020年ê時伊做賴清德副總統ê辦公室主任，辦公室看--出-去就是凱道，想起十年前ê家己tī hia leh演戲，想起真正社會事件ê hit个爸爸，想beh見總統陳情訴冤屈，suah hōo警察掠走ê情景，陳文彬感覺tse就是緣份奇妙ê所在。
《泰雅千年》是講歷史，beh探討原住民tī現代社會生活ê議題。三峽、鶯歌hit箍圍仔有原住民社區拄著拆厝遷徙ê問題，就kā in ê抗爭拍做電影《靈魂的旅程》。電影主要leh講原住民做kā人拆厝ê工人，suah也面對家己部落ê厝hōo人拆ê困境，只好騎oo-tóo-bái載祖靈tńg去部落ê tsit个過程。
早前無無人機thang uì空中hip，陳文彬拍片ê作業kah演員ê跤步，有時隔遠遠ê山頭，通訊ài靠中繼轉播站，費時了工。部落偏遠，學校師資欠缺，劇組ài去tàu教冊，家長寫tī家庭聯絡簿ê聯絡方式m̄是手機仔號碼，是寫「用huah--ê」，住址寫「山ê hit頭」。像tsia-ê心適代lóng tsiânn做導演創作ê肥底。
台灣1999年九二一大地動了後，陳文彬kā小林村滅村事件拍做記錄片《家》。小林夜祭是平埔族傳統出名ê民俗，有復原ê計畫。一擺，陳文彬穿有印『莫忘小林』ê T-shirt，坐電梯tn̄g著一个婦jîn人，提兩千箍hōo--伊，講「你ài保重！」原來伊誤解陳文彬是uì小林村來--ê，tsiânn可憐。陳文彬反思家己是m̄是用仝款ê想法leh看小林村？伊認為lán ài有同理心，m̄是同情心。
另外，《此後》記錄2009年八八風災翁大兄ê故事。伊ê家族11个人，kan-na伊逃過死劫，hām另外一个風災受難者結婚，kā囡仔「生--tńg-來」，講in ê婚姻kah囡仔出世，tse是一个『誌念逝去，而後重生』ê過程。仝tsit年《不能沒有你》tio̍h台北電影節首獎百萬獎金，陳文彬隨捐hōo八八風災ê受災者，雖然劇組iáu-koh負債，mā算是機緣，一件牽過一件。
陳文彬做過彰化縣文化局長，推動彰化「獨立電影節」、「言論自由日」kah社區劇場ê培訓。有一回，伊去二水巡古蹟碧雲禪寺ê時，發見hia有徛五星旗，suah hōo寺方ê人起跤動手，因為伊勘查著部份違建，mā促使縣政府tī 2018年強制拆除tsit間共匪仔廟。陳文彬講， tse是責任，m̄是beh出風頭。
2024年陳文彬拍《唱歌給你聽》，講一个爸爸lōng-liú-lian ê故事，少年出外無負家庭責任，到年老tsiah返鄉，m̄-koh囝兒無出脫，老母出家，長女只好擔起家庭重擔，夏靖庭、黃采儀主演，林生祥做配樂。隔tńg冬，電視劇《零日攻擊》陳文彬演出宋崇仁tsit个落選ê前總統，面對中共威脅ê危機，按怎kā政權和平轉移ê故事。
陳文彬真有自信講伊ē寫詩，唸寫hōo牽手ê台語現代詩《花開的日子》hōo現場ê聽眾聽。伊mā做過立法委員王拓ê助理，hit時立法院講beh遷徙去華山，文化界反對，伊就kah金枝演社去搬一齣戲kā khau洗，suah hōo警察掠去派出所，尾手tsiah有tsit-má ê華山文化創意產業園區。
伊現時tng-leh拍兩支影片：一支是《珍重少年身》記錄片，有關1949年中國山東流亡學生流轉到彰化員林ê事件；另外一支是《郊行鹿港》，是有關鹿港ê記錄片。上尾，陳文彬放送鹿港耆老唸ê〈鹿港普渡歌〉做tsit改演講ê結尾。
Tsit擺講座ê講者陳文彬，做導演兼演員掠外，也ē編劇，得過電影金馬獎最佳編劇、台北電影節最佳男主角kah電視金鐘獎最佳劇情片。陳文彬ná紹介伊逐齣電影創作過程，也ná放電影作品ê片段hōo聽眾欣賞。
伊創作進前是先有政治思考，beh kā政治tsiânn做個人ê志業，對人ài有熱情、對國家ê發展有責任感hām正確ê判斷力，有ê人是負責國家安全，導演是用文學kah戲劇來hōo大眾接觸政治，親像Plato（『柏拉圖』）所講--ê：lán ài tshap政治，無，就ē hōo無才調ê政治人物來kā lán tshap。
1999年，陳文彬參加國際人道組織去柬埔寨，幫助內戰孤兒、兒童庇佑工廠。了後台灣發生九二一大地動，伊tuè『無殼蝸牛聯盟』tī台中石岡仔（Tsio̍h-kng-á）協助重建，蹛thiàn-tòo kah貨櫃年外，一寡在地少年人返鄉定居協助，尾--à kā拍做一齣記錄片。
陳文彬少年時ê夢是想beh學侯孝賢拍電影，受著牽手ê鼓勵去做，m̄-koh伊無影劇箍仔ê人面、無資金，就去kā鄭文堂導演學拍電影，uì駛車ê司機做起，扛水買便當，拍李喬寒夜三部曲《寒夜》、《荒村》、《孤燈》內ê「寒夜續曲」一冬。
In tī新竹五峰（Ngóo-hong）拍片，所在偏僻，ài準備80幾个人ê食si̍t，劇組冤家致使有人離開，伊就ài thap位。劇情需要日本自殺零式戰鬥機，揣著三義內山ê鐵工師傅，兩台做好，beh運去關西，siunn大台suah bē得過收費站，半暝仔kā飛機切塊，到位tsiah用電龜kā接--tńg-去——tse就是做工ê過程，任務完成就有成就感。
2004年，陳文彬頭一擺拍電視電影，是公視人生劇展《奔馳的縱貫線》，伊做導演兼編劇。Tsit齣戲leh講鹿港反『杜邦』設廠ê運動，描寫高中生對社會變化ê感受，kā魔幻hām寫實鬥鬥做伙。Suà--落-去，kā石岡仔ê故事拍做《家》，入圍金馬獎最佳紀錄片。2023年拍電視電影《唱歌予你聽》用仝tsit陣人，khah好合作。
伊也bat拍一支影片《泰雅千年》，是雪霸國家公園ê宣傳片，去到原住民部落，蹛兩年ê時間，起造一个舊式部落，呈現遷徙ê過程，因為種作無leh掖肥，時間到就換所在，hōo土地歇睏，後--來tsit个部落hōo導演魏德聖借去拍《賽德克．巴萊》ê前導片。Hām hia-ê原住民做伙生活，體會著文化ê複雜性，tuè日頭ê跤跡行，無tuè時鐘行。
陳文彬講，koh有「夢」，tio̍h-ài先有眠夢--著tsiah ē-sái。比論講約隔tńg工7點beh開工，若眠夢講bē-sái去，就bē-sái去，無法度照計畫表行，只好隨機應變，起雲霧就拍雲霧，無事先劇情安排。部落ê長老講夢著伊tī一隻大隻鳥頂--à，大胸金頭毛ê查某囡仔徛tī伊邊--a。後--來，tsit位長老kah伊做伙去美國參加影展，得著美國Houston（『休士頓』）國際影展民族文化類上大獎白金獎，長老去領獎hip相ê畫面，就是伊眠夢ê情景，坐大隻鳥就是坐飛行機。
Koh再來，是一个老爸抱查某囝beh uì天橋跳--落ê新聞，陳文彬2009年kā拍做電影《不能沒有你》，主角有一句名言「社會無公平--lah！」陳文彬tī tsit齣做男主角，有tio̍h金馬獎最佳編劇kah台北電影展最佳男主角。2020年ê時伊做賴清德副總統ê辦公室主任，辦公室看--出-去就是凱道，想起十年前ê家己tī hia leh演戲，想起真正社會事件ê hit个爸爸，想beh見總統陳情訴冤屈，suah hōo警察掠走ê情景，陳文彬感覺tse就是緣份奇妙ê所在。
《泰雅千年》是講歷史，beh探討原住民tī現代社會生活ê議題。三峽、鶯歌hit箍圍仔有原住民社區拄著拆厝遷徙ê問題，就kā in ê抗爭拍做電影《靈魂的旅程》。電影主要leh講原住民做kā人拆厝ê工人，suah也面對家己部落ê厝hōo人拆ê困境，只好騎oo-tóo-bái載祖靈tńg去部落ê tsit个過程。
早前無無人機thang uì空中hip，陳文彬拍片ê作業kah演員ê跤步，有時隔遠遠ê山頭，通訊ài靠中繼轉播站，費時了工。部落偏遠，學校師資欠缺，劇組ài去tàu教冊，家長寫tī家庭聯絡簿ê聯絡方式m̄是手機仔號碼，是寫「用huah--ê」，住址寫「山ê hit頭」。像tsia-ê心適代lóng tsiânn做導演創作ê肥底。
台灣1999年九二一大地動了後，陳文彬kā小林村滅村事件拍做記錄片《家》。小林夜祭是平埔族傳統出名ê民俗，有復原ê計畫。一擺，陳文彬穿有印『莫忘小林』ê T-shirt，坐電梯tn̄g著一个婦jîn人，提兩千箍hōo--伊，講「你ài保重！」原來伊誤解陳文彬是uì小林村來--ê，tsiânn可憐。陳文彬反思家己是m̄是用仝款ê想法leh看小林村？伊認為lán ài有同理心，m̄是同情心。
另外，《此後》記錄2009年八八風災翁大兄ê故事。伊ê家族11个人，kan-na伊逃過死劫，hām另外一个風災受難者結婚，kā囡仔「生--tńg-來」，講in ê婚姻kah囡仔出世，tse是一个『誌念逝去，而後重生』ê過程。仝tsit年《不能沒有你》tio̍h台北電影節首獎百萬獎金，陳文彬隨捐hōo八八風災ê受災者，雖然劇組iáu-koh負債，mā算是機緣，一件牽過一件。
陳文彬做過彰化縣文化局長，推動彰化「獨立電影節」、「言論自由日」kah社區劇場ê培訓。有一回，伊去二水巡古蹟碧雲禪寺ê時，發見hia有徛五星旗，suah hōo寺方ê人起跤動手，因為伊勘查著部份違建，mā促使縣政府tī 2018年強制拆除tsit間共匪仔廟。陳文彬講， tse是責任，m̄是beh出風頭。
2024年陳文彬拍《唱歌給你聽》，講一个爸爸lōng-liú-lian ê故事，少年出外無負家庭責任，到年老tsiah返鄉，m̄-koh囝兒無出脫，老母出家，長女只好擔起家庭重擔，夏靖庭、黃采儀主演，林生祥做配樂。隔tńg冬，電視劇《零日攻擊》陳文彬演出宋崇仁tsit个落選ê前總統，面對中共威脅ê危機，按怎kā政權和平轉移ê故事。
陳文彬真有自信講伊ē寫詩，唸寫hōo牽手ê台語現代詩《花開的日子》hōo現場ê聽眾聽。伊mā做過立法委員王拓ê助理，hit時立法院講beh遷徙去華山，文化界反對，伊就kah金枝演社去搬一齣戲kā khau洗，suah hōo警察掠去派出所，尾手tsiah有tsit-má ê華山文化創意產業園區。
伊現時tng-leh拍兩支影片：一支是《珍重少年身》記錄片，有關1949年中國山東流亡學生流轉到彰化員林ê事件；另外一支是《郊行鹿港》，是有關鹿港ê記錄片。上尾，陳文彬放送鹿港耆老唸ê〈鹿港普渡歌〉做tsit改演講ê結尾。
