台中滋味——大麵鹼
/ 洪健勛
若講著台中出名ê食mi̍h，你ē想著啥？Kám是送禮第一名ê太陽餅？Iah是名聲tshìng kah國外去ê真珠奶茶？其實，台中有一款在地人tsiah知影ê飯頓——大麵鹼。
大麵鹼kah lán一般食ê羹無仝，因為大麵鹼ê做法，就是tī麵內面摻鹼粉，hōo麵條仔脹大，食著khah gâu飽。若lán leh食ê羹，是用太白粉iah是番薯粉kah水lā hōo tsiâu勻，tsiah倒入去湯汁內底牽羹。雖然lán tsit-má tī路--裡看著真濟kha̋ng-páng lóng寫「大麵羹」iah是「大麵焿」，m̄-koh若khah正確ê寫法是ài寫「大麵鹼」tsiah tio̍h！
黃huánn黃huánn ê湯頭、膨膨ê麵條仔，koh lām幾tsat仔韭菜、淋一寡蝦卑肉燥，tse是大麵鹼ê基本配置。大麵鹼看人食，因為伊有一款特殊ê鹼味，有ê人bē愛食，mā有人kah意lām烏醋iah是番薑仔醬kap味，íng過作穡人ē食tse做早頓，thang應付上班ê體力。
人講「一鄉一俗」，若beh了解一个新ê所在，上簡單ê方式就是uì食si̍t開始。我bat一擺中晝下課tī學校附近bā食--ê，行過柳川，看著三角窗一間紅色ê kha̋ng-páng寫「大麵鹼」，我tī別位m̄ bat聽--過，一時hònn奇就行入去kā試鹹tsiánn。我kā頭家huan咐一碗大麵鹼，伊隨uì大鼎內面hôo一khat koh過一khat黃gìm-gìm ê麵條仔，心內親像海波浪拍tī肉粽角一湧一湧tshînn倚--來，期待kah bē顧--得。
大麵鹼一下phâng--來，就鼻著鮮鮮ê鹼味，初初煩惱家己ē排斥，總--是第一喙ē驚驚，食--落-去了後，tsiah發現講無鼻--起-來hiah-nī恐怖，liam-mi就接受--ah，koh食著ē suà喙！傳承三代ê氣味，記錄以早艱苦過ê生活，交換台中人共同ê記持。
Lán台灣雖然細粒仔囝，m̄-koh逐所在lóng有屬於家己ê食si̍t文化。Tī lán家鄉ê路頭路尾，一定有lán所掛念ê滋味，凡勢是大碗koh滿墘，mā檢采是ha̍h味食慣勢，人人心中lóng有上讚ê台灣味！
大麵鹼kah lán一般食ê羹無仝，因為大麵鹼ê做法，就是tī麵內面摻鹼粉，hōo麵條仔脹大，食著khah gâu飽。若lán leh食ê羹，是用太白粉iah是番薯粉kah水lā hōo tsiâu勻，tsiah倒入去湯汁內底牽羹。雖然lán tsit-má tī路--裡看著真濟kha̋ng-páng lóng寫「大麵羹」iah是「大麵焿」，m̄-koh若khah正確ê寫法是ài寫「大麵鹼」tsiah tio̍h！
黃huánn黃huánn ê湯頭、膨膨ê麵條仔，koh lām幾tsat仔韭菜、淋一寡蝦卑肉燥，tse是大麵鹼ê基本配置。大麵鹼看人食，因為伊有一款特殊ê鹼味，有ê人bē愛食，mā有人kah意lām烏醋iah是番薑仔醬kap味，íng過作穡人ē食tse做早頓，thang應付上班ê體力。
人講「一鄉一俗」，若beh了解一个新ê所在，上簡單ê方式就是uì食si̍t開始。我bat一擺中晝下課tī學校附近bā食--ê，行過柳川，看著三角窗一間紅色ê kha̋ng-páng寫「大麵鹼」，我tī別位m̄ bat聽--過，一時hònn奇就行入去kā試鹹tsiánn。我kā頭家huan咐一碗大麵鹼，伊隨uì大鼎內面hôo一khat koh過一khat黃gìm-gìm ê麵條仔，心內親像海波浪拍tī肉粽角一湧一湧tshînn倚--來，期待kah bē顧--得。
大麵鹼一下phâng--來，就鼻著鮮鮮ê鹼味，初初煩惱家己ē排斥，總--是第一喙ē驚驚，食--落-去了後，tsiah發現講無鼻--起-來hiah-nī恐怖，liam-mi就接受--ah，koh食著ē suà喙！傳承三代ê氣味，記錄以早艱苦過ê生活，交換台中人共同ê記持。
Lán台灣雖然細粒仔囝，m̄-koh逐所在lóng有屬於家己ê食si̍t文化。Tī lán家鄉ê路頭路尾，一定有lán所掛念ê滋味，凡勢是大碗koh滿墘，mā檢采是ha̍h味食慣勢，人人心中lóng有上讚ê台灣味！
