字幕是教學用a̍h是娛樂用
——Uì《送葬的Hu-lí-liàn》台文字幕講起
/ 吳孟儒
作者是《人間失格》台文版譯者、 翻譯學碩士，tng-leh讀語言社會學博士班
《送葬的Hu-lí-liàn》tsit齣日本bàng-gà，應該bē少人有看--過。聽講濟濟少年家本底無leh興台文，mā因為tsit齣專工來看，甚至感覺台語版配音比華語版讚。
M̄知來看ê人kám有注意--著，《送葬的Hu-lí-liàn》是台華雙字幕，一tsuā台文一tsuā華文。是按怎beh án-ne？有人可能想講，啊m̄就慣勢看華文--ê就看華文，慣勢看台文--ê就看台文字幕，tse哪有啥？
有做過字幕翻譯ê有志應該知，字幕占畫面，加減ē影響觀眾欣賞，原則上是愈束結愈好。而且，現此時就算是講台語、寫台文ê語平運動者，恐驚mā是華文字幕看khah緊。若對畫面演出ê效果來講，其實華文字幕就有夠。
不而過，公視台語台本身有傳承本土語言ê任務，觀眾台語聽有，無代表台文看有。台華文字幕一句對一句，除了服務台語有可能聽無ê人，mā有可能是為著服務學台文ê人。若斟酌看，其實線索bē少。
比如講，台華字幕基本上結構一模一樣。Tsit齣bàng-gà ê台語顧問陳建中有講著一寡例1：
生臭坊主 （日）
臭和尚 （華／木棉花版）2
你這箍臭和尚 （台）
你這個臭和尚 （華／公視版）
暗いよ怖いよ （日）
好黑喔！好可怕喔！ （華／木棉花版）
暗摸摸 驚死人 （台）
好黑喔 嚇死人了 （華／公視版）
M̄-nā頂kuân tsit款短句語法一模一樣，斷句mā斷tī仝所在，其他長句mā是：
言い方 ひどくない？// 年をとった僕も / なかなかイケメンだろ？ （日）
妳講話也太過分了吧 // 我上了年紀也挺帥的吧 （華／木棉花版）
你講話嘛傷超過矣，我老罔老毋過仝款緣投乎？ （台）
妳講話也太過分了，我雖然老但也依然英俊吧？ （華／公視版）
我特別去請教建中先生，伊講Hu-lí-liàn tse字幕，是用木棉花版ê華文字幕來翻做台文字幕，m̄-koh字幕ài koh標語氣、斷句等等，tsiah是實際上用來配音ê配音稿。配音員配完音，領班kah台語顧問審聽，kah配音團隊修改翻譯kah配音，上尾是字幕審查，ē配合台語配音來修改華文字幕。
其實，兩年外前《派對咖孔明》台語版hōo逐家注意著台配bàng-gà hit時，「亞特聊聊天」tsit个節目就bat訪問台語配音員。內底有講著台語配音he稿是日語翻華語，tsiah-koh翻做台語，m̄-koh，配音員mā ē-tàng修改，kah台語顧問參詳án-ne 3。
是按怎ē日翻華，華翻台，koh台翻華，tsiah厚工--leh？
一--來，是因為台日雙語精通ê人本底就少；二--來，m̄是ē-hiáu兩種語言就有才調做翻譯。就算有hit个才調做日翻台，mā無一定有時間a̍h是熱情來舞。Uì台灣國內專業譯者人才來源來看，揣日翻華tsiah-koh揣華翻台，mā反映出國內翻譯kah影視產業長期以來獨尊華語tsit个現實，有影是姑不而將。
有人可能ē講：台華本底就是無仝語言，kám有需要句讀結構mā縛做伙，án-ne kám bē 感覺縛跤縛手？比如頂kuân hit句「你講話mā siunn超過--ah，我老bóng老m̄-koh仝款緣投--honnh？」，kánn-ná免tuè華語hiah近？日語原文若kā直翻，無定ē-tàng翻做：「Án-ne講kám bē siunn超過？我年歲大mā iáu-koh tsiânn緣投--neh？」
當然，mā m̄是講原文是問句，譯文就一定ài翻做問句。日語ê問句tiānn-tiānn m̄是leh問，是kā個人意見包做疑問，hōo人感覺khah客氣。仝一種語境，台灣人有可能ē直接講：「你講話mài siunn超過，我老bóng老，iáu-koh tsiânn緣投！」若beh khah趣味--leh，mā ē-tàng翻做「講án-ne？看我老，哪無看著我緣投？」仝款ē-tàng發揮tsit句台詞需要ê戲劇效果。
雖bóng台華雙字幕ē語法調整kah beh仝beh仝，看ē出濟濟字詞lóng專工揣khah有台語khuì ê用法。比如『這個』改做「tsit箍」、『好黑喔』改做「暗bong-bong」、『雖然老」改做「老bóng老」，看ē著製作團隊用心計較，無看著台華共同詞就放hōo伊過。
話講倒tńg--來，雙語對照tī hia，講khah白--leh其實就是方便觀眾去比較。最近上tshìng ê台文詩集《日花閃爍》，仝款有台華對照，hōo逐家ē-tàng用華語翻譯來確認意思。《送葬的Hu-lí-liàn》ê台華雙字幕既然ē-tàng hōo慣勢華文字幕ê觀眾順suà學台文，兩種語言ê字幕就無方便差siunn濟。
不而過，有時日語ē-tàng直接借--ê，顛倒為著kah華語無仝來改詞，比如：
今のは 一般攻撃魔法です （日）
剛才那是一般攻擊魔法 （華／木棉花版）
拄才是普通攻擊魔法爾 （台）
剛才是一般攻擊魔法而已 （華）
「一般」tsit个漢字詞算是台日華三種語言ê共同詞，台語版配音改做「普通」，應該是因為台語口語khah tsia̍p án-ne講。若是kā「一般攻擊魔法」當做專業名詞，直接借入來台語mā無要緊。
另外，第三集有一句：
あれがゾルトラーク / やつが開発した いわゆる… / “人を殺す魔法”だよ （日）
那就是殺人魔法 / 由他開發出來, 也就是所謂的 / “將人殺死的魔法”（華／木棉花版）
彼就是伊開發的 / 殺人魔法 也就是人講的 / “共人刣死的魔法” （台）
那就是他開發的 / 殺人魔法 也就是所謂的 / “將人殺死的魔法” （華／公視版）
「ゾルトラーク」（Zorutorāku）tsit招魔法翻做「殺人魔法」，後壁koh解sueh tse是「kā人刣--死ê魔法」，tse……kánn-ná ke講--ê？
「ゾルトラーク」tsit个日語詞應該是作者自創--ê，日語若無說明，日本觀眾m̄知是啥意思。台語既然翻做「殺人魔法」，後壁其實就免koh解sueh，無，可能ē hōo人感覺Hu-lí-liàn leh練痟話。若是調整做「彼就是伊開發的 / 殺人魔法 / 會當共人刣死」，a̍h是tuè原文khah近--一-屑-仔，翻做「彼就是Tsoo-lú-tóo-là-kù / 是伊開發出來的 就是人講的 / “殺人魔法”」。M̄-koh án-ne字數有khah濟，mā無一定適合。可能木棉花ê華語字幕mā是考慮著「ゾルトラーク」音譯siunn長，tsiah刁工無án-ne做。
一寡生活中已經慣勢講台語、看台文ê有志，可能ē感覺tsit款台華雙字幕ê設計khah倚「hōo華語人學台語ê翻譯」，khah無成「hōo台語人看戲看kah暢ê翻譯」。只是，翻譯本底就是hānn語言、hānn文化ê溝通，無可能真正翻kah kah原文ê效果一模一樣；koh再講，配音是聲音ê表演，台語配音員mā無好揣，Hu-lí-liàn台語版有法度做kah比華語版tshìng，已經tsiok了不起--ah。
Lán ē-tàng理解目前台語文作品ke減有「教台語」ê壓力，有時難免小可犧牲戲劇效果。M̄-koh，tse有一部份mā ē-tàng看做語言復振過程中ê姑不而將。Tsit-má台語沓沓仔開始正常化，相信有一工外國作品翻做台語版免koh考慮「方便觀眾學台文」，專心服務台語使用者就好。
期待看著愈來愈濟台語翻譯相關ê娛樂作品！
M̄知來看ê人kám有注意--著，《送葬的Hu-lí-liàn》是台華雙字幕，一tsuā台文一tsuā華文。是按怎beh án-ne？有人可能想講，啊m̄就慣勢看華文--ê就看華文，慣勢看台文--ê就看台文字幕，tse哪有啥？
有做過字幕翻譯ê有志應該知，字幕占畫面，加減ē影響觀眾欣賞，原則上是愈束結愈好。而且，現此時就算是講台語、寫台文ê語平運動者，恐驚mā是華文字幕看khah緊。若對畫面演出ê效果來講，其實華文字幕就有夠。
不而過，公視台語台本身有傳承本土語言ê任務，觀眾台語聽有，無代表台文看有。台華文字幕一句對一句，除了服務台語有可能聽無ê人，mā有可能是為著服務學台文ê人。若斟酌看，其實線索bē少。
比如講，台華字幕基本上結構一模一樣。Tsit齣bàng-gà ê台語顧問陳建中有講著一寡例1：
生臭坊主 （日）
臭和尚 （華／木棉花版）2
你這箍臭和尚 （台）
你這個臭和尚 （華／公視版）
暗いよ怖いよ （日）
好黑喔！好可怕喔！ （華／木棉花版）
暗摸摸 驚死人 （台）
好黑喔 嚇死人了 （華／公視版）
M̄-nā頂kuân tsit款短句語法一模一樣，斷句mā斷tī仝所在，其他長句mā是：
言い方 ひどくない？// 年をとった僕も / なかなかイケメンだろ？ （日）
妳講話也太過分了吧 // 我上了年紀也挺帥的吧 （華／木棉花版）
你講話嘛傷超過矣，我老罔老毋過仝款緣投乎？ （台）
妳講話也太過分了，我雖然老但也依然英俊吧？ （華／公視版）
我特別去請教建中先生，伊講Hu-lí-liàn tse字幕，是用木棉花版ê華文字幕來翻做台文字幕，m̄-koh字幕ài koh標語氣、斷句等等，tsiah是實際上用來配音ê配音稿。配音員配完音，領班kah台語顧問審聽，kah配音團隊修改翻譯kah配音，上尾是字幕審查，ē配合台語配音來修改華文字幕。
其實，兩年外前《派對咖孔明》台語版hōo逐家注意著台配bàng-gà hit時，「亞特聊聊天」tsit个節目就bat訪問台語配音員。內底有講著台語配音he稿是日語翻華語，tsiah-koh翻做台語，m̄-koh，配音員mā ē-tàng修改，kah台語顧問參詳án-ne 3。
是按怎ē日翻華，華翻台，koh台翻華，tsiah厚工--leh？
一--來，是因為台日雙語精通ê人本底就少；二--來，m̄是ē-hiáu兩種語言就有才調做翻譯。就算有hit个才調做日翻台，mā無一定有時間a̍h是熱情來舞。Uì台灣國內專業譯者人才來源來看，揣日翻華tsiah-koh揣華翻台，mā反映出國內翻譯kah影視產業長期以來獨尊華語tsit个現實，有影是姑不而將。
有人可能ē講：台華本底就是無仝語言，kám有需要句讀結構mā縛做伙，án-ne kám bē 感覺縛跤縛手？比如頂kuân hit句「你講話mā siunn超過--ah，我老bóng老m̄-koh仝款緣投--honnh？」，kánn-ná免tuè華語hiah近？日語原文若kā直翻，無定ē-tàng翻做：「Án-ne講kám bē siunn超過？我年歲大mā iáu-koh tsiânn緣投--neh？」
當然，mā m̄是講原文是問句，譯文就一定ài翻做問句。日語ê問句tiānn-tiānn m̄是leh問，是kā個人意見包做疑問，hōo人感覺khah客氣。仝一種語境，台灣人有可能ē直接講：「你講話mài siunn超過，我老bóng老，iáu-koh tsiânn緣投！」若beh khah趣味--leh，mā ē-tàng翻做「講án-ne？看我老，哪無看著我緣投？」仝款ē-tàng發揮tsit句台詞需要ê戲劇效果。
雖bóng台華雙字幕ē語法調整kah beh仝beh仝，看ē出濟濟字詞lóng專工揣khah有台語khuì ê用法。比如『這個』改做「tsit箍」、『好黑喔』改做「暗bong-bong」、『雖然老」改做「老bóng老」，看ē著製作團隊用心計較，無看著台華共同詞就放hōo伊過。
話講倒tńg--來，雙語對照tī hia，講khah白--leh其實就是方便觀眾去比較。最近上tshìng ê台文詩集《日花閃爍》，仝款有台華對照，hōo逐家ē-tàng用華語翻譯來確認意思。《送葬的Hu-lí-liàn》ê台華雙字幕既然ē-tàng hōo慣勢華文字幕ê觀眾順suà學台文，兩種語言ê字幕就無方便差siunn濟。
不而過，有時日語ē-tàng直接借--ê，顛倒為著kah華語無仝來改詞，比如：
今のは 一般攻撃魔法です （日）
剛才那是一般攻擊魔法 （華／木棉花版）
拄才是普通攻擊魔法爾 （台）
剛才是一般攻擊魔法而已 （華）
「一般」tsit个漢字詞算是台日華三種語言ê共同詞，台語版配音改做「普通」，應該是因為台語口語khah tsia̍p án-ne講。若是kā「一般攻擊魔法」當做專業名詞，直接借入來台語mā無要緊。
另外，第三集有一句：
あれがゾルトラーク / やつが開発した いわゆる… / “人を殺す魔法”だよ （日）
那就是殺人魔法 / 由他開發出來, 也就是所謂的 / “將人殺死的魔法”（華／木棉花版）
彼就是伊開發的 / 殺人魔法 也就是人講的 / “共人刣死的魔法” （台）
那就是他開發的 / 殺人魔法 也就是所謂的 / “將人殺死的魔法” （華／公視版）
「ゾルトラーク」（Zorutorāku）tsit招魔法翻做「殺人魔法」，後壁koh解sueh tse是「kā人刣--死ê魔法」，tse……kánn-ná ke講--ê？
「ゾルトラーク」tsit个日語詞應該是作者自創--ê，日語若無說明，日本觀眾m̄知是啥意思。台語既然翻做「殺人魔法」，後壁其實就免koh解sueh，無，可能ē hōo人感覺Hu-lí-liàn leh練痟話。若是調整做「彼就是伊開發的 / 殺人魔法 / 會當共人刣死」，a̍h是tuè原文khah近--一-屑-仔，翻做「彼就是Tsoo-lú-tóo-là-kù / 是伊開發出來的 就是人講的 / “殺人魔法”」。M̄-koh án-ne字數有khah濟，mā無一定適合。可能木棉花ê華語字幕mā是考慮著「ゾルトラーク」音譯siunn長，tsiah刁工無án-ne做。
一寡生活中已經慣勢講台語、看台文ê有志，可能ē感覺tsit款台華雙字幕ê設計khah倚「hōo華語人學台語ê翻譯」，khah無成「hōo台語人看戲看kah暢ê翻譯」。只是，翻譯本底就是hānn語言、hānn文化ê溝通，無可能真正翻kah kah原文ê效果一模一樣；koh再講，配音是聲音ê表演，台語配音員mā無好揣，Hu-lí-liàn台語版有法度做kah比華語版tshìng，已經tsiok了不起--ah。
Lán ē-tàng理解目前台語文作品ke減有「教台語」ê壓力，有時難免小可犧牲戲劇效果。M̄-koh，tse有一部份mā ē-tàng看做語言復振過程中ê姑不而將。Tsit-má台語沓沓仔開始正常化，相信有一工外國作品翻做台語版免koh考慮「方便觀眾學台文」，專心服務台語使用者就好。
期待看著愈來愈濟台語翻譯相關ê娛樂作品！
1 送葬的Hu-lí-liàn EP1-2 話語選 https://kiantiong.com/blog/hulilian_1/#fn:1
2 木棉花是一間代理日本bàng-gà ê台灣公司，有kā包kuà《送葬的Hu-lí-liàn》濟濟作品ê字幕翻做華語。
3 （亞特聊聊天）台語話故事｜【專訪】「英子！這是啥？！」
《派對咖孔明》台語版－聲音演員江志倫、葉又菁、穆宣名（13:50-27:20）
https://podcasts.apple.com/us/podcast/id1516859421?i=1000637734588
編註：本文有關台語字幕ê漢羅用字，舉例kah文中討論按怎調整ê部份照原文、無調整漢羅用字；文中單純討論譯法、講法ê部份，有調整漢羅用字。
2 木棉花是一間代理日本bàng-gà ê台灣公司，有kā包kuà《送葬的Hu-lí-liàn》濟濟作品ê字幕翻做華語。
3 （亞特聊聊天）台語話故事｜【專訪】「英子！這是啥？！」
《派對咖孔明》台語版－聲音演員江志倫、葉又菁、穆宣名（13:50-27:20）
https://podcasts.apple.com/us/podcast/id1516859421?i=1000637734588
編註：本文有關台語字幕ê漢羅用字，舉例kah文中討論按怎調整ê部份照原文、無調整漢羅用字；文中單純討論譯法、講法ê部份，有調整漢羅用字。
