唸歌kap歌仔冊
1月份ê salon講座邀請靜宜大學kap台灣師範大學ê助理教授石牧民來kap逐家討論台語歌仔冊kap囡仔歌。講座一開始，石教授就邀請逐家做伙來聽一首〈病囝歌〉，逐家發見「唸歌」實際上leh演唱ê時，確實比原本ê歌詞ke bē少音節kap音調ê變化，一句七字仔ē-tàng唱超過一分鐘！可見演唱kap歌仔冊記錄歌詞ê書面資料是無仝款ê代誌。聽過七字仔ê演唱了後，講者koh以一个西洋歌星ê演唱來舉例，beh hōo聽眾理解講，就算是仝一條歌，無仝ê場合、無仝ê聽眾，歌星ê唱法mā ē無仝，beh證明「表演」kap「歌詞」tiānn-tiānn lóng是兩个ē-tàng拆分開來看待ê mi̍h件。歌仔冊ê出版tsiah hōo唸歌ê內容漸漸「標準化」，早前ê唸歌是一款逐擺lóng無sio仝ê表演。
價值觀藏tī歌仔冊
Suà--落-來，石教授講tī研究歌仔冊過程發現，歌仔冊是hit時tsūn社會非常重要ê娛樂，因為讀ê人真濟，致使hōo政府當做是提倡某一寡價值觀ê傳播媒體來使用。比如講，《運河奇案》tsit个故事，1935年kap 1957年ê版本，男主角ê身份就無仝，uì一个社會運動者變做走水--ê，而且故事內底ê歌詞koh講ài「顧家內」。Tse真有可能就是政府為著無愛hōo人民tshap「社會代」所做ê改編。
唸歌ê故事呈現方式
唸歌表演ê一開始，通常演唱者ē先介紹家己是啥人，mā ē kā聽眾請安，甚至順suà賣膏藥mā有可能。演唱者leh表演ê過程，伊是講古ê人，m̄-koh，伊家己本身就是tsit个故事內底ê角色，扮演啥mih角色，就用啥mih聲調，「講古ê人」kap「故事角色」兩種身份是結合做伙--ê。
囡仔歌ê功用是啥？
囡仔歌ē-sái是永遠bē收煞ê歌，所有ē出現tī囡仔生活內底ê mih仔lóng ē-sái囥--入-去。囡仔歌其實就是一个leh hōo囡仔認bat mi̍h件ê過程kap工具。舉《春天tī佗位》tsit條歌做例，「春天tī佗位，我去問花蕊，花蕊講伊tsiah睏醒，叫我去問露水。春天tī佗位，我去問露水，露水講伊leh曝日，叫我去問白翎鷥……」，tsit段歌詞就親像大人用手leh kí mi̍h件hōo囡仔bat，透過歌曲，hōo囡仔學ē-hiáu花蕊、露水kap白翎鷥tsia-ê字詞。
無論是唸歌iah是囡仔歌，lóng是uì生活經驗起頭ê作品，ē-tàng一直編--落-去唱bē煞。
（本文是2020年1月初8 ê講座摘要記錄，主講者石牧民 是靜宜大學台灣文學系、國立臺灣師範大學臺灣語文學系兼任助理教授、國立臺灣文學館外譯計畫專員）
#台語sa攏有講座專欄，本文使用教育部推薦漢字kap臺灣閩南語羅馬字拼音方案。
台文通訊BONG報311期，2020年2月出刊。
--------------------------------------------
歡迎捐款贊助 李江却台語文教基金會 （捐款thang抵稅，匯款了後請通知02-23112199）
線上捐款(定期定額) https://ppt.cc/fF5bhx
線上捐款(單筆) https://ppt.cc/fcycox
郵政劃撥：19021486
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
李江却台語文教基金會需要你ê定期捐款，逐個月捐助NT$200以上，lán做伙來推動復振台灣語文ê事工，歡迎利用劃撥、電匯、信用卡、郵局『存簿儲金自動轉帳』扣款iah是線頂捐款、現金贊助。
◎逐個月贊助本會（台文通訊BONG報發行單位）NT$200（iah是逐冬NT$2,400）以上，做伙支持基金會事工kap雜誌編印發行費用。歡迎利用郵局劃撥、信用卡（寫捐款單）、線頂捐款、現金贊助、銀行/ATM轉帳（轉帳了後請通知）、支票、郵局戶頭自動轉帳扣繳（寫授權書），捐款收據ē-tàng做『列舉扣除額』抵稅ê用途。
