2021年是逐家生活變化kài大ê一冬，疫情減輕、穩定--落-來，一冬mā beh煞尾--ah。學生囡仔開始tńg去學校上課、大人tńg去上班，m̄知有慣勢--無？Tī tsit期雜誌內底，lán看著真濟種無仝ê「阿母」。囡仔拄出世--ê，leh講看〈母奶kah配方奶〉佗一種khah好？講實在--ê，ē-tàng hōo嬰仔kap阿母lóng sù-sī--ê，上好！〈開學〉是阿母第一擺送囡仔去學校，m̄甘ê心情，酸酸mā甜甜。〈讀冊〉ê阿母bóng操煩，mā是有看著囡仔leh進步、大漢，感覺真安慰。你是佗一種爸母--leh？Iah是，tsia-ê情景hōo你想起家己ê爸母？
有關囡仔ê主題看了來看大人。〈心悶故鄉舊地六龜鄉〉kā siàu念ê古早時代lóng記錄--落-來。〈黃昏ê故鄉〉kā lán講看「文夏」ê台灣歌按怎hōo台語行過戒嚴禁令，thang留一口khuì？上尾，〈台文淵源十年冬〉kā hām《台文通訊BONG報》ê緣份lóng講hōo逐家知，對阮編輯室來講，是真溫暖ê鼓勵！
台文通訊BONG報332期，2021年11月出刊。
歡迎捐款贊助 #李江却台語文教基金會
（捐款可抵稅，匯款後請通知02-23112199）
郵政劃撥：19021486戶名：財團法人李江却台語文教基金會
電匯：123-20-050514-2華南銀行士林分行活儲戶名：財團法人李江却台語文教基金會
李江却台語文教基金會需要你ê定期捐款，逐個月捐助NT$200以上，lán做伙來推動復振台灣語文ê事工，歡迎利用劃撥、電匯、信用卡、郵局『存簿儲金自動轉帳』扣款iah是線頂捐款、現金贊助。
◎逐個月贊助本會（台文通訊BONG報發行單位）NT$200（iah是逐冬NT$2,400）以上，做伙支持基金會事工kap雜誌編印發行費用。歡迎利用郵局劃撥、信用卡（寫捐款單）、線頂捐款、現金贊助、銀行/ATM轉帳（轉帳了後請通知）、支票、郵局戶頭自動轉帳扣繳（寫授權書），捐款收據ē-tàng做『列舉扣除額』抵稅ê用途。
