豐原漆藝： 工藝ê繁華kah永續
/ 林子瑋
Ta̋nn uì台東轉學tńg來到台中hit冬，新ê環境，lóng ē hōo我想beh去sì-kè行踏，好到位歹到位m̄是重點，想beh去看台中有啥mi̍h是別位無--ê。
Hit擺，我孤一个人坐火車，uì五權到豐原，本底是想beh去東勢，m̄-koh公車ná tuì hit个方向駛--去天就ná烏，上尾我tī豐原高中落車。一下落--來我就leh想講，來to來--ah，看附近有啥mih好食--ê，凡勢是已經下晡時，beh揣食--ê揣無，suah看著一間「豐原漆藝館」tī公園仔內，決定入去聽導覽kā故事食落去腹肚內。
「漆藝」ē興，上主要是「漆樹」做基礎。導覽員kā阮講：「漆樹是一種規年thàng天lóng ē開枝散葉ê樹仔，ē-tàng有七公尺ê樹身，1970年代台灣外銷漆器有九成lóng是豐原生產--ê--őo！」聽伊án-ne講，阮koh-khah hònn奇tsit款工藝ê發展kah演變到tsit-má tih-beh無--去ê原因。
漆藝館內底影片呈現「生漆」採集流程，工匠uì樹箍kā刻一个「V」字形，生漆就ē uì hit个V字形ê喙流--落-來，加工了後變做「色漆」tsiah thang來做運用。Tsia-ê漆是一種天然ê柴miâ，kā伊漆tī碗、盤仔頂kuân，伊ē kah空氣當中ê水氣結合、tiâu tī頂面。人講漆盤、漆碗是耐操、耐磨，蟲thuā koh ē驚「漆」ê成份m̄敢倚--過-來，ē-tàng講「色漆就是柴做ê盤仔ê鐵甲」。
豐原漆藝ê歷史，ē用得uì日本時代開始講。Hit-tsūn因為大雪山kah八仙山林場木材資源有夠額，加上日本人真gâu tia̍k算盤規畫推展漆器工業，訓練真濟工藝人才。1939年，日本人tī豐原設立漆器工場，tsiok注重tsit款thang外銷ê工藝品。1960年代，美國出錢、日本提供技術，tī豐原設立『米爾帕赫羅』（Morris Heller & Sons）工場1，專門生產漆碗，大量外銷日本。豐原是台灣漆藝tsit个領域上重要、上繁華ê城市。
總--是，漆藝真厚工、leh做真費氣，一件作品lóng tio̍h-ài重複ê工序，tsiah有法度完成。1980年代了後台灣柴ê資源減少、經濟轉型，加上市場價siàu競爭，漆藝產業衰微。M̄-koh，漆藝iáu是有真寶貴ê文化價值，親像hit工我去豐原漆藝館參觀，無íng過ê繁華，suah有一陣kah意漆藝ê導覽員leh kā我分享伊心所愛ê工藝品。
聯合國永續發展目標（SDGs）kā lán提醒講tio̍h-ài珍惜自然資源，推動永續產業。耐用、耐磨、好看ê漆碗、漆盤是漆樹ê天然柴miâ kah耐心、幼路koh頂真ê師傅堅持做--出-來--ê，lán ê社會m̄-thang一直大量剉柴、破壞生態環境，若無，tsit款工藝品緊tsua̍h慢無原料。
Hit工我tī漆藝館，欣賞每一件用心ê漆藝作品，tse m̄-nā hōo我感受著台中工藝發展真出名，mā體會漆藝beh傳達ê精神——尊重自然、疼惜文化。
Hit擺，我孤一个人坐火車，uì五權到豐原，本底是想beh去東勢，m̄-koh公車ná tuì hit个方向駛--去天就ná烏，上尾我tī豐原高中落車。一下落--來我就leh想講，來to來--ah，看附近有啥mih好食--ê，凡勢是已經下晡時，beh揣食--ê揣無，suah看著一間「豐原漆藝館」tī公園仔內，決定入去聽導覽kā故事食落去腹肚內。
「漆藝」ē興，上主要是「漆樹」做基礎。導覽員kā阮講：「漆樹是一種規年thàng天lóng ē開枝散葉ê樹仔，ē-tàng有七公尺ê樹身，1970年代台灣外銷漆器有九成lóng是豐原生產--ê--őo！」聽伊án-ne講，阮koh-khah hònn奇tsit款工藝ê發展kah演變到tsit-má tih-beh無--去ê原因。
漆藝館內底影片呈現「生漆」採集流程，工匠uì樹箍kā刻一个「V」字形，生漆就ē uì hit个V字形ê喙流--落-來，加工了後變做「色漆」tsiah thang來做運用。Tsia-ê漆是一種天然ê柴miâ，kā伊漆tī碗、盤仔頂kuân，伊ē kah空氣當中ê水氣結合、tiâu tī頂面。人講漆盤、漆碗是耐操、耐磨，蟲thuā koh ē驚「漆」ê成份m̄敢倚--過-來，ē-tàng講「色漆就是柴做ê盤仔ê鐵甲」。
豐原漆藝ê歷史，ē用得uì日本時代開始講。Hit-tsūn因為大雪山kah八仙山林場木材資源有夠額，加上日本人真gâu tia̍k算盤規畫推展漆器工業，訓練真濟工藝人才。1939年，日本人tī豐原設立漆器工場，tsiok注重tsit款thang外銷ê工藝品。1960年代，美國出錢、日本提供技術，tī豐原設立『米爾帕赫羅』（Morris Heller & Sons）工場1，專門生產漆碗，大量外銷日本。豐原是台灣漆藝tsit个領域上重要、上繁華ê城市。
總--是，漆藝真厚工、leh做真費氣，一件作品lóng tio̍h-ài重複ê工序，tsiah有法度完成。1980年代了後台灣柴ê資源減少、經濟轉型，加上市場價siàu競爭，漆藝產業衰微。M̄-koh，漆藝iáu是有真寶貴ê文化價值，親像hit工我去豐原漆藝館參觀，無íng過ê繁華，suah有一陣kah意漆藝ê導覽員leh kā我分享伊心所愛ê工藝品。
聯合國永續發展目標（SDGs）kā lán提醒講tio̍h-ài珍惜自然資源，推動永續產業。耐用、耐磨、好看ê漆碗、漆盤是漆樹ê天然柴miâ kah耐心、幼路koh頂真ê師傅堅持做--出-來--ê，lán ê社會m̄-thang一直大量剉柴、破壞生態環境，若無，tsit款工藝品緊tsua̍h慢無原料。
Hit工我tī漆藝館，欣賞每一件用心ê漆藝作品，tse m̄-nā hōo我感受著台中工藝發展真出名，mā體會漆藝beh傳達ê精神——尊重自然、疼惜文化。
1 編註：在地人叫「美國工場」。
