踏入台語田園ê點點滴滴
/ 陳煒翰
Lán人一生中所遭遇ê每一个挑戰，就親像tī bông霧ê迷宮內底，leh揣一條適合家己行ê路。若是tī成長過程中，有發現家己ê興趣來源，án-ne請你m̄-thang放棄，勇敢向前行。俗語講「有夢上suí，美夢相隨」，只要有堅定ê心去造夢，天公伯--à mā ē為你拍開一扇窗。
Ē記得讀國小ê時，阮兜就蹛tī學校邊，下晡一下放學，就ài家己揹冊包行tńg去厝。有一擺拄著老師騎oo-tóo-bái經過，伊就雄雄停--落-來，用伊溫暖ê聲音講：「我想beh栽培你來做學校ê台語選手，你有意願--無？」當時kan-ta iáu-koh四年ê我，心內想講若聽著beh徛tī台仔頂講話，我規个人就驚kah sih-sih-tsùn。Beh做台語選手tsit條路，kám ē-sái來kā試看māi？
經過tsit十幾冬ê訓練，ē-sái講是tsiânn辛苦ê一段路。自細漢我就真pì-sù，膽頭無kài在，beh tháu開家己ê心喙演講是kài無簡單。M̄-koh凡事ê mê角lóng是一項專業ê工夫，過程雖bóng坎坎坷坷，無論是咬字、講話ê khuì口或者是台仔頂ê儀態等等，有tang時ē sa無tsáng頭，無法度體會著作者ê情緒，就感覺壓力真大，目屎mā恬恬仔流--落-來。
Iáu ē記得逐擺ê比賽，無完全是有提名次tńg--來，有時mā ē摃龜。Iáu-m̄-koh我真感謝指導老師無放棄--我，無論歇熱a̍h是歇寒ê日子，一步一跤印來牽教，hōo我對台語抱真大ê期待，tshiâng-tsāi tī經驗中粒積，沓沓仔tshiau揣興趣，mā感謝序大人ê支持、同窗ê sio-thīn，in tshiâng-tsāi對我講：「你對家己ài有信心，戲棚跤徛久就是你ê，阮永遠是你ê頭號迷眾。」
年歲一年一年增加，栽培我ê老師mā已經退休--ah，tsit-má看著我iáu是真關心我leh創啥mi̍h。看我tī tsit條路繼續堅持ê心，聽我分享逐場比賽ê點點滴滴，喙角就bi-bi仔笑，因為伊知影當初hit个細粒子ê查埔囡仔，漸漸tī台語果子園leh聊聊仔puh-ínn大欉--looh！
Lán人lóng食一歲學一歲，tī佗位跋倒就tuì佗位peh--起-來，tī失敗中學著經驗kah教訓，tsiah有機會kā台語愈行愈有成就。想起khah早練習ê跤跡，心內有講bē出ê感動，因為凡事拍拚ê磨練，是萬年久遠ê記持kah成長。
Ē記得讀國小ê時，阮兜就蹛tī學校邊，下晡一下放學，就ài家己揹冊包行tńg去厝。有一擺拄著老師騎oo-tóo-bái經過，伊就雄雄停--落-來，用伊溫暖ê聲音講：「我想beh栽培你來做學校ê台語選手，你有意願--無？」當時kan-ta iáu-koh四年ê我，心內想講若聽著beh徛tī台仔頂講話，我規个人就驚kah sih-sih-tsùn。Beh做台語選手tsit條路，kám ē-sái來kā試看māi？
經過tsit十幾冬ê訓練，ē-sái講是tsiânn辛苦ê一段路。自細漢我就真pì-sù，膽頭無kài在，beh tháu開家己ê心喙演講是kài無簡單。M̄-koh凡事ê mê角lóng是一項專業ê工夫，過程雖bóng坎坎坷坷，無論是咬字、講話ê khuì口或者是台仔頂ê儀態等等，有tang時ē sa無tsáng頭，無法度體會著作者ê情緒，就感覺壓力真大，目屎mā恬恬仔流--落-來。
Iáu ē記得逐擺ê比賽，無完全是有提名次tńg--來，有時mā ē摃龜。Iáu-m̄-koh我真感謝指導老師無放棄--我，無論歇熱a̍h是歇寒ê日子，一步一跤印來牽教，hōo我對台語抱真大ê期待，tshiâng-tsāi tī經驗中粒積，沓沓仔tshiau揣興趣，mā感謝序大人ê支持、同窗ê sio-thīn，in tshiâng-tsāi對我講：「你對家己ài有信心，戲棚跤徛久就是你ê，阮永遠是你ê頭號迷眾。」
年歲一年一年增加，栽培我ê老師mā已經退休--ah，tsit-má看著我iáu是真關心我leh創啥mi̍h。看我tī tsit條路繼續堅持ê心，聽我分享逐場比賽ê點點滴滴，喙角就bi-bi仔笑，因為伊知影當初hit个細粒子ê查埔囡仔，漸漸tī台語果子園leh聊聊仔puh-ínn大欉--looh！
Lán人lóng食一歲學一歲，tī佗位跋倒就tuì佗位peh--起-來，tī失敗中學著經驗kah教訓，tsiah有機會kā台語愈行愈有成就。想起khah早練習ê跤跡，心內有講bē出ê感動，因為凡事拍拚ê磨練，是萬年久遠ê記持kah成長。
