有儉，tsiah有底
/ 水晶
「有儉，tsiah有底」是uì「好天tio̍h存雨來糧」tsit句俗語引tshuā--來--ê，是爸母留hōo--我ê隨身寶，mā tiâu腹tī阮ê心肝ínn仔。自細漢我就是儉底--ê！Tse kám是阮阿母tshiâng-tsāi kā我洗腦所致--leh？檢采是去種著伊ê因端khah大面。
到底是儉beh-nî？頭起先，是hân-bān趁錢；suà--落-來，是食老m̄免kā人伸長手koh tio̍h看人頭面。雖bóng人生短短幾十年，應該ài好好仔享受tsiah tio̍h，iáu-m̄-koh，對我來講，勤儉早就tsiânn做習慣，錢bē sa leh烏白khai。
人lóng講：錢是愈來愈薄；壓力是愈來愈大；日子是愈來愈歹過。親像電視台報講風颱teh-beh來--ah，風雨iáu未到，菜價總夯ê huah聲suah先到，iáu-koh有倚年ê時tsūn mā仝款án-ne生，逐項mi̍h件lóng tuè leh起價。拄著直直tshìng-kuân ê物價，無儉哪有底--leh？
若án-ne，是beh按怎儉--leh？比論講，路頭近就騎鐵馬，m̄-nā省錢koh環保；衫仔褲用手nuá-nuá lù-lù--leh，suà手tsūn hōo ta，隨kā phi--起-來，省水兼省時間；mi̍h件欠用tsiah去買，mài買一寡lok-kò-sok-kò tńg來囤；洗菜ê水kah雨水ē-sái tshiâng便所、沃花。若是社區有人tàn mi̍h件，我lóng ē去揀有路用--ê，khioh來bóng用khah bē拍損，親像衫仔櫥、桌仔、椅仔、kuānn桶仔、電風、鍋仔……。論真來講，tsiok濟mi̍h件lóng iáu好liu-liu--neh，實在tsiânn討債人mi̍h！
「有儉，tsiah有底」，tsiah-nī仔簡單ê一句話，suah有hiah-nī仔深ê道理。Tsit句話跟tuè我一世人，mā是我教囝上要意ê基本道理。無疑悟，厝--裡suah出一个了尾仔囝，m̄-nā hōo pián仙仔拐百外萬--無-打-緊，koh kā起家厝霸占去蹛，bē輸是「乞食趕廟公」仝款，實在真厭氣ê厭氣！阮tsîng少年就勤勤儉儉到tann，為規家伙仔操心peh腹。囡仔細漢ê時，驚伊iau、驚伊寒，囡仔大漢，suah隨人行一路。
Ainnh！人生to已經行到半ló老ê坎站--ah，翻頭koh問家己：到底是儉beh-nî？Tsit時，我應該ài看hōo開tsiah tio̍h，管待伊去--ah！想著阮阿母講ê「有儉，tsiah有底」，有影--lah！Tsit-tsūn儉老本khah實在，食老tsiah bē拖屎連。規心kā家己身體顧hōo好勢，激hōo gōng-gōng khah好過日--lah！終其尾，tsiah深深體會著「有儉，tsiah有底」是啥意義。
到底是儉beh-nî？頭起先，是hân-bān趁錢；suà--落-來，是食老m̄免kā人伸長手koh tio̍h看人頭面。雖bóng人生短短幾十年，應該ài好好仔享受tsiah tio̍h，iáu-m̄-koh，對我來講，勤儉早就tsiânn做習慣，錢bē sa leh烏白khai。
人lóng講：錢是愈來愈薄；壓力是愈來愈大；日子是愈來愈歹過。親像電視台報講風颱teh-beh來--ah，風雨iáu未到，菜價總夯ê huah聲suah先到，iáu-koh有倚年ê時tsūn mā仝款án-ne生，逐項mi̍h件lóng tuè leh起價。拄著直直tshìng-kuân ê物價，無儉哪有底--leh？
若án-ne，是beh按怎儉--leh？比論講，路頭近就騎鐵馬，m̄-nā省錢koh環保；衫仔褲用手nuá-nuá lù-lù--leh，suà手tsūn hōo ta，隨kā phi--起-來，省水兼省時間；mi̍h件欠用tsiah去買，mài買一寡lok-kò-sok-kò tńg來囤；洗菜ê水kah雨水ē-sái tshiâng便所、沃花。若是社區有人tàn mi̍h件，我lóng ē去揀有路用--ê，khioh來bóng用khah bē拍損，親像衫仔櫥、桌仔、椅仔、kuānn桶仔、電風、鍋仔……。論真來講，tsiok濟mi̍h件lóng iáu好liu-liu--neh，實在tsiânn討債人mi̍h！
「有儉，tsiah有底」，tsiah-nī仔簡單ê一句話，suah有hiah-nī仔深ê道理。Tsit句話跟tuè我一世人，mā是我教囝上要意ê基本道理。無疑悟，厝--裡suah出一个了尾仔囝，m̄-nā hōo pián仙仔拐百外萬--無-打-緊，koh kā起家厝霸占去蹛，bē輸是「乞食趕廟公」仝款，實在真厭氣ê厭氣！阮tsîng少年就勤勤儉儉到tann，為規家伙仔操心peh腹。囡仔細漢ê時，驚伊iau、驚伊寒，囡仔大漢，suah隨人行一路。
Ainnh！人生to已經行到半ló老ê坎站--ah，翻頭koh問家己：到底是儉beh-nî？Tsit時，我應該ài看hōo開tsiah tio̍h，管待伊去--ah！想著阮阿母講ê「有儉，tsiah有底」，有影--lah！Tsit-tsūn儉老本khah實在，食老tsiah bē拖屎連。規心kā家己身體顧hōo好勢，激hōo gōng-gōng khah好過日--lah！終其尾，tsiah深深體會著「有儉，tsiah有底」是啥意義。
