推動台語復振委員會、
起造台語通行語法制
整理／台語政策推動聯盟
第二屆「全國台語政策民間會議」12月14 tī台師大文學院正式起鼓，tsit个會議是由李江却台語文教基金會、台灣公民參與協會、台灣台語路協會、台北市台灣語協會、台灣師範大學台灣語文學系等民間團體kah學術單位聯合舉辦ê會議，希望建立民間kah政府之間台語政策ê溝通平台。
Tsit擺會議邀請濟濟關心台語前途ê先進有志，做伙來交流、討論，形成具體ê政策主張。本屆會議提出四大訴求：
第一、要求成立中央kah地方ê台語復振委員會
第二、推動地方政府依法採用台語做地方通行語
第三、推動以台語tsiânn做教學語言ê台語學校
第四、為台語tsiânn做「全國通行語」建立法制準備
頂頭四項目標是tsit擺會議ê中心訴求，也希望ē有koh-khah濟人來關心台語ê未來，激共識、積極行動，落實台語ê轉型正義。
李江却台語文教基金會執行長陳豐惠表示，可能有ê有志ē想講，最近也有國家語言發展會議，kám有需要koh辦tsiok類似ê會議？M̄-koh，tse m̄-nā是文化部、教育部ê khang-khuè，阮是徛tī催生中央、地方政府政策ê角度。民間單位希望有koh-khah濟討論，hōo逐家了解台語復振ê khang-khuè。
會議召集人、李江却台語文教基金會董事許慧盈講--著，tsit-má主要leh tshui-sak成立台語復振委員會，根據2020年人口普查ê統計，有31% ê人口主要使用台語，54% ê人是次要使用，意思是講tsia-ê人雖然聽有台語，m̄-koh可能受著環境影響，所以無kā提出來用。語言上重要--ê就是環境，若是台語tsit欉樹仔下跤ê塗tīng-khong-khong，就無法度抽幼ínn。Lán ài tī生活中講、創造台語環境，tsiah有法度kā塗lā hōo鬆。
目前也有真濟NGO、議員leh tàu tshui-sak台語復振委員會。台語復振委員會有六大項ê目標：政策制定hām制度建設、教育體系改革支援、台語語言研究發展中心、媒體kah文化內容推動、公共領域語言環境建構、台語轉型正義。台語復振m̄是kan-na靠教育部hām文化部，因為若siāng時ài顧客語、原住民各族語等國家語言，beh注心台語有影是衫長手ńg短。若準未來中央、地方政府lóng有台語復振委員會，對台語ê發展ē ke真好勢。
另外，許慧盈也指出過去一冬有針對第一屆ê政策建議書ê 11條內容去tshui-sak，有做一寡溝通，mā有開始連署，希望ē-tàng制定有利台語發展ê法律。Tī教育方面，也有去揣教育部長、新北市教育局開座談會，也想beh解決課綱內底台語課ê名稱、師資培育、考試加分tsia-ê問題。另外，mā認為外國語無應該kah台語、客語、原住民各族語tsia-ê國家語言縛做伙，阮ē繼續hām中央、地方溝通，繼續來tshiâu tsit層代誌。
出席會議ê行政院政務委員林明昕指出，台語是台灣重要ê文化資產，也是形成台灣主體性不可欠缺ê部份，受過去政策ê影響，台語目前確實面對傳承危機。語言ê傳承m̄-thang kan-na靠民間ê力量，未來政府ē認真tshui-sak國家語言ê復振、傳承、發展khang-khuè。行政院kah各部會ē積極推動各方面ê台語khang-khuè，也ē tiānn-tiānn關心各界意見，希望ē-tàng透過政府kah民間ê合作，hōo台語復振大成功。
文化部次長李靜慧表示，台語ê問題m̄-nā是語言ê問題，也是文化、人權、民主ê問題，台語是lán自細漢學講話、學做人、學感情ê語言，m̄-koh因為khah早政策ê關係，致使lán離台語愈來愈遠。總--是，今仔日m̄是beh怨嘆過去，lán是beh向前行，kā台語ê政策討論清楚，政府kah民間ài按怎來合作，擔起時代ê責任。李靜慧相信，語言ê平權m̄是beh kā其他ê語言排斥掉，是逐種語言lóng有尊嚴kah未來，台灣民主tsiah ē-tàng徛--起-來。
教育部次長劉國偉講，國家語言ê發展非常重要，而且台語應該ài ke使用，hōo koh-khah濟人來認同。伊特別指出，沉浸式教育不止仔重要，lán未來ē-sái用台語來學生物、數學、社會，tse是lán後一步ê目標。上緊tī 2026年，嘉義就ē有一个台語沉浸學習基地，希望有koh-khah濟人來學台語。2025年12月初8，台語認證行向海外，tī美國完成試辦，劉國偉看著hiah濟人對台語有認同、有興趣，伊感覺是真好ê代誌，2026年mā ē繼續辦--落-去。
主辦單位強調，tī台灣ê多語當中，「台語」已經tī台灣本土釘根幾百年，而且koh是hānn族群ê「共通語」，tī lán beh積極突顯台灣主體性ê tsit-tsūn，確實是上ē-tàng代表台灣，mā是未來上ē-tàng倚靠ê存在。 根據調查，現此時台語「主動使用者」占總人口數三成，koh加上kā台語囥tī屜仔內ê台語「被動使用者」，án-ne台語iáu有真大ê基礎thang復振--起-來。
台語若beh復振成功，除了ài有台灣人全體hānn族群ê意識以外，相關語言政策ê制定是上關鍵--ê。Lán beh tī tsit个「全國台語政策民間會議」一年一年堅持，激出lán民間ê台語政策共識，積極推動、主動監督。期待政府kah民間合作，台語復振大成功！
Tsit擺會議邀請濟濟關心台語前途ê先進有志，做伙來交流、討論，形成具體ê政策主張。本屆會議提出四大訴求：
第一、要求成立中央kah地方ê台語復振委員會
第二、推動地方政府依法採用台語做地方通行語
第三、推動以台語tsiânn做教學語言ê台語學校
第四、為台語tsiânn做「全國通行語」建立法制準備
頂頭四項目標是tsit擺會議ê中心訴求，也希望ē有koh-khah濟人來關心台語ê未來，激共識、積極行動，落實台語ê轉型正義。
李江却台語文教基金會執行長陳豐惠表示，可能有ê有志ē想講，最近也有國家語言發展會議，kám有需要koh辦tsiok類似ê會議？M̄-koh，tse m̄-nā是文化部、教育部ê khang-khuè，阮是徛tī催生中央、地方政府政策ê角度。民間單位希望有koh-khah濟討論，hōo逐家了解台語復振ê khang-khuè。
會議召集人、李江却台語文教基金會董事許慧盈講--著，tsit-má主要leh tshui-sak成立台語復振委員會，根據2020年人口普查ê統計，有31% ê人口主要使用台語，54% ê人是次要使用，意思是講tsia-ê人雖然聽有台語，m̄-koh可能受著環境影響，所以無kā提出來用。語言上重要--ê就是環境，若是台語tsit欉樹仔下跤ê塗tīng-khong-khong，就無法度抽幼ínn。Lán ài tī生活中講、創造台語環境，tsiah有法度kā塗lā hōo鬆。
目前也有真濟NGO、議員leh tàu tshui-sak台語復振委員會。台語復振委員會有六大項ê目標：政策制定hām制度建設、教育體系改革支援、台語語言研究發展中心、媒體kah文化內容推動、公共領域語言環境建構、台語轉型正義。台語復振m̄是kan-na靠教育部hām文化部，因為若siāng時ài顧客語、原住民各族語等國家語言，beh注心台語有影是衫長手ńg短。若準未來中央、地方政府lóng有台語復振委員會，對台語ê發展ē ke真好勢。
另外，許慧盈也指出過去一冬有針對第一屆ê政策建議書ê 11條內容去tshui-sak，有做一寡溝通，mā有開始連署，希望ē-tàng制定有利台語發展ê法律。Tī教育方面，也有去揣教育部長、新北市教育局開座談會，也想beh解決課綱內底台語課ê名稱、師資培育、考試加分tsia-ê問題。另外，mā認為外國語無應該kah台語、客語、原住民各族語tsia-ê國家語言縛做伙，阮ē繼續hām中央、地方溝通，繼續來tshiâu tsit層代誌。
出席會議ê行政院政務委員林明昕指出，台語是台灣重要ê文化資產，也是形成台灣主體性不可欠缺ê部份，受過去政策ê影響，台語目前確實面對傳承危機。語言ê傳承m̄-thang kan-na靠民間ê力量，未來政府ē認真tshui-sak國家語言ê復振、傳承、發展khang-khuè。行政院kah各部會ē積極推動各方面ê台語khang-khuè，也ē tiānn-tiānn關心各界意見，希望ē-tàng透過政府kah民間ê合作，hōo台語復振大成功。
文化部次長李靜慧表示，台語ê問題m̄-nā是語言ê問題，也是文化、人權、民主ê問題，台語是lán自細漢學講話、學做人、學感情ê語言，m̄-koh因為khah早政策ê關係，致使lán離台語愈來愈遠。總--是，今仔日m̄是beh怨嘆過去，lán是beh向前行，kā台語ê政策討論清楚，政府kah民間ài按怎來合作，擔起時代ê責任。李靜慧相信，語言ê平權m̄是beh kā其他ê語言排斥掉，是逐種語言lóng有尊嚴kah未來，台灣民主tsiah ē-tàng徛--起-來。
教育部次長劉國偉講，國家語言ê發展非常重要，而且台語應該ài ke使用，hōo koh-khah濟人來認同。伊特別指出，沉浸式教育不止仔重要，lán未來ē-sái用台語來學生物、數學、社會，tse是lán後一步ê目標。上緊tī 2026年，嘉義就ē有一个台語沉浸學習基地，希望有koh-khah濟人來學台語。2025年12月初8，台語認證行向海外，tī美國完成試辦，劉國偉看著hiah濟人對台語有認同、有興趣，伊感覺是真好ê代誌，2026年mā ē繼續辦--落-去。
主辦單位強調，tī台灣ê多語當中，「台語」已經tī台灣本土釘根幾百年，而且koh是hānn族群ê「共通語」，tī lán beh積極突顯台灣主體性ê tsit-tsūn，確實是上ē-tàng代表台灣，mā是未來上ē-tàng倚靠ê存在。 根據調查，現此時台語「主動使用者」占總人口數三成，koh加上kā台語囥tī屜仔內ê台語「被動使用者」，án-ne台語iáu有真大ê基礎thang復振--起-來。
台語若beh復振成功，除了ài有台灣人全體hānn族群ê意識以外，相關語言政策ê制定是上關鍵--ê。Lán beh tī tsit个「全國台語政策民間會議」一年一年堅持，激出lán民間ê台語政策共識，積極推動、主動監督。期待政府kah民間合作，台語復振大成功！
