台語「露」
——心目中ê台灣國
/ 張祖寧
2月27到3月初1 tsit幾工，我ná親像行入心目中ê台灣國，kah 65組台語家庭做伙去露營，m̄免煩惱你講出喙ê話，對方ē聽無iah是ē表現kah真厭siān，心情tsiânn輕鬆。
原本驚ē忝kah，因為tse是我大漢了後第一改露營，koh tshuā一个晬七（tsè-tshit，編按：一歲七個月）ê囡仔，阮koh無駛車，佳哉共學團ê朋友kā阮載，無，m̄知ē有偌歹舞。因為無車，koh是露營ê菜鳥仔，阮是tī網路租露營設備送到營區，到位tsiah去領。Tng-leh想講m̄知ài搭偌久，就隨有一个gâu人Hong--ê來tàu-sann-kāng，hōo阮m̄免戴頭燈拚暝工。台語家庭之間tiānn-tiānn án-ne互相幫贊，實在hōo人真感心。
三工兩暝ê露營活動有夠phong-phài，第一工暗時是台語鹿親子樂團ê Vivi kah阿淵翁仔某來唱囡仔歌，阮兜原本就是迷眾，表演--ê lóng是阮tsa̋u囝平常時聽ê歌，伊就tī塗跤ná sńg ná聽，有一條歌號做〈虹〉，阮兜晬七ê囡仔竟然mā ē-hiáu認虹ê形，koh ē講出「khīng」tsit个詞--ah。
第二工（2/28）透早是賴一心先生來分享伊寫ê《台語憲章》，伊起頭就問逐家：「台語kám ē死？」大人lóng認為ē，感動--ê是一个四歲ê囡仔姊，手攑kah真緊koh真直，回答：「台語bē死！」
Suà--落，台語政策推動聯盟ê召集人Momo來hām逐家開講，伊驚氣氛siunn沉重，就邀請逐家先唱一條〈愛拚才會贏〉，我tsiah發現我siunn少年，頭前歌詞lóng bē-hiáu，kan-na ē-hiáu最後一句「ài拚tsiah ē贏」。真期待伊講ê課室語言執行方案！
第二工下晡是野球比賽，阮翁是台語路野球隊ê教練，tsit个活動自然就hōo伊來主持。2點28分ê時tsūn，伊請逐家先暫停--一-下，做伙比「Team Tawan」ê手勢，記念1947年kah 1980年無--去ê台灣前輩，mā表達lán心內永遠有台灣。
記念儀式結束，就看著平常時kánn-ná無所在消tháu ê幾个阿爸，tī野球場kuân頂衝、beh拚冠軍，落雨mā無leh要意，kah囡仔做伙sńg kah暢kah。
暗頓時間，王梨老師kā阮提醒有鰇魚糜，三大鼎ê鰇魚糜，有夠芳、有夠好食，m̄-koh tse koh是另外一个hōo人傷心ê二二八故事--ah。
下晡時阮翁雄雄hông叫去搬一个水電--ê ê角色，原來是暗時beh搬二二八行動劇。劇中ê角色tī發表家己拄--著ê hàm古代了後，一tsūn銃聲，台灣人就恬--去--ah。接--落-來是蕾蕾講《228小水牛》ê尪仔冊，農場ê細隻水牛大漢--ah，水牛阿母beh kā傳家寶傳hōo--伊，頂kuân刻三个數字「228」，水牛問阿母，原來就是農場主人ê人生故事。
暗時洗身軀ê時tsūn，我聽著隔壁間ê囡仔leh問阿母，為啥mi̍h uì中國來ê人beh kā台灣人ê mi̍h件搶--去？我tsiah真正智覺，原來kā lán台灣歷史講hōo iáu未國校仔ê囡仔聽，in mā聽ē出無合理、無公平ê所在，tse真正是tsiok有意義ê活動。
三工兩暝真緊就過--ah，tsit幾工暗時lóng落雨，但是透早lóng出日。我m̄免驚阮tsa̋u囝叫阿兄阿姊ê時tsūn無人tshap--伊，因為tsia-ê囡仔lóng講台語，伊ē-sái kah伊ê台語伴sńg kah真夠khuì。
Beh做台灣人真正無簡單，若是有leh講台語、學台文，自然就ē熟sāi一陣人kah你ê目標一致，鬥陣--起-來真自在mā真有力量。感謝台語路！
原本驚ē忝kah，因為tse是我大漢了後第一改露營，koh tshuā一个晬七（tsè-tshit，編按：一歲七個月）ê囡仔，阮koh無駛車，佳哉共學團ê朋友kā阮載，無，m̄知ē有偌歹舞。因為無車，koh是露營ê菜鳥仔，阮是tī網路租露營設備送到營區，到位tsiah去領。Tng-leh想講m̄知ài搭偌久，就隨有一个gâu人Hong--ê來tàu-sann-kāng，hōo阮m̄免戴頭燈拚暝工。台語家庭之間tiānn-tiānn án-ne互相幫贊，實在hōo人真感心。
三工兩暝ê露營活動有夠phong-phài，第一工暗時是台語鹿親子樂團ê Vivi kah阿淵翁仔某來唱囡仔歌，阮兜原本就是迷眾，表演--ê lóng是阮tsa̋u囝平常時聽ê歌，伊就tī塗跤ná sńg ná聽，有一條歌號做〈虹〉，阮兜晬七ê囡仔竟然mā ē-hiáu認虹ê形，koh ē講出「khīng」tsit个詞--ah。
第二工（2/28）透早是賴一心先生來分享伊寫ê《台語憲章》，伊起頭就問逐家：「台語kám ē死？」大人lóng認為ē，感動--ê是一个四歲ê囡仔姊，手攑kah真緊koh真直，回答：「台語bē死！」
Suà--落，台語政策推動聯盟ê召集人Momo來hām逐家開講，伊驚氣氛siunn沉重，就邀請逐家先唱一條〈愛拚才會贏〉，我tsiah發現我siunn少年，頭前歌詞lóng bē-hiáu，kan-na ē-hiáu最後一句「ài拚tsiah ē贏」。真期待伊講ê課室語言執行方案！
第二工下晡是野球比賽，阮翁是台語路野球隊ê教練，tsit个活動自然就hōo伊來主持。2點28分ê時tsūn，伊請逐家先暫停--一-下，做伙比「Team Tawan」ê手勢，記念1947年kah 1980年無--去ê台灣前輩，mā表達lán心內永遠有台灣。
記念儀式結束，就看著平常時kánn-ná無所在消tháu ê幾个阿爸，tī野球場kuân頂衝、beh拚冠軍，落雨mā無leh要意，kah囡仔做伙sńg kah暢kah。
暗頓時間，王梨老師kā阮提醒有鰇魚糜，三大鼎ê鰇魚糜，有夠芳、有夠好食，m̄-koh tse koh是另外一个hōo人傷心ê二二八故事--ah。
下晡時阮翁雄雄hông叫去搬一个水電--ê ê角色，原來是暗時beh搬二二八行動劇。劇中ê角色tī發表家己拄--著ê hàm古代了後，一tsūn銃聲，台灣人就恬--去--ah。接--落-來是蕾蕾講《228小水牛》ê尪仔冊，農場ê細隻水牛大漢--ah，水牛阿母beh kā傳家寶傳hōo--伊，頂kuân刻三个數字「228」，水牛問阿母，原來就是農場主人ê人生故事。
暗時洗身軀ê時tsūn，我聽著隔壁間ê囡仔leh問阿母，為啥mi̍h uì中國來ê人beh kā台灣人ê mi̍h件搶--去？我tsiah真正智覺，原來kā lán台灣歷史講hōo iáu未國校仔ê囡仔聽，in mā聽ē出無合理、無公平ê所在，tse真正是tsiok有意義ê活動。
三工兩暝真緊就過--ah，tsit幾工暗時lóng落雨，但是透早lóng出日。我m̄免驚阮tsa̋u囝叫阿兄阿姊ê時tsūn無人tshap--伊，因為tsia-ê囡仔lóng講台語，伊ē-sái kah伊ê台語伴sńg kah真夠khuì。
Beh做台灣人真正無簡單，若是有leh講台語、學台文，自然就ē熟sāi一陣人kah你ê目標一致，鬥陣--起-來真自在mā真有力量。感謝台語路！
