台灣蜂味、人間機蜜：蜂蜜、蜜蜂、花
主講／陳志東
記錄／Huī-kun
本文是2026/4/11蠻野講堂記錄，講者陳志東是食材產地專業gâu人kah新聞工作者。
天氣愈來愈燒熱，表示春天ê跤步愈來愈倚。你kám bat注意著百花開，tī花欉中ng nǹg來nǹg去、逐工無閒tshih-tshih ê蜜蜂？台灣蠻野心足生態協會tsiânn歡喜邀請食材產地記者陳志東，來hām逐家分享蜜蜂生態ê趣味，mā邀請來參與ê朋友做伙tām-sám特殊ê蜂蜜。
Tshím頭，陳志東先kā紮--來ê蜜提出來囥tī桌仔頂，排排--leh總共有53種，m̄-koh tse是in厝--裡ê一半niâ，伊收藏超過100種ê蜂蜜！現場ê 53種內面至少有40幾種是台灣khah罕得看--見--ê。除了khah tsia̍p買ē著mā食ē著ê荔枝、龍眼、百花蜂蜜，koh有柚仔蜜、柳丁蜜，甚至有水筆仔蜜。
陳志東問逐家，lán人leh食甜but-but ê蜂蜜ê時tsūn，kám ē hònn玄一隻細細隻ê蜜蜂是按怎kā花蜜變做好食ê蜂蜜？蜜蜂對人類ê貢獻m̄-nā有蜂蜜koh有蜂王奶、蜂膠，ē-sái講全世界植物ê授粉，一大部份lóng ài倚靠tsit隻iáu無3公分ê蜜蜂。
蜜蜂社會ê工廠作業
大多數ê蜜蜂lóng是母--ê，kan-na有一隻ē tsiânn做女王蜂，賰--ê lóng是做khang-khuè ê工蜂，一隻工蜂雖bóng只有短短40工ê性命，每一个階段、每一日lóng有無仝款ê任務。拄出卵ê幼蜂（1～3日齡）ài清siū保溫；4日齡--ê ài負責調製蜂ê糧食；6～12日齡--ê分泌蜂王奶飼小弟小妹做奶母；12日齡了後ài做siū、熟sāi蜂siū ê位；一直到20日齡tsiah做外勤蜂，負責採花蜜、花粉，到伊性命ê最後一工。
蜜蜂只需要20分鐘就thìng好做一格蜂siū，若是有一直食蜂王奶ê蜜蜂ē tsiânn做蜂王，ē-sái活兩冬。準若獨獨食三工ê蜂王奶、suà--落食花蜜--ê ē變做工蜂，雖bóng mā是母--ê suah kan-na活40工左右niā-niā。到底siáng ē做女王蜂只要負責生卵，tsiâ koh應該是ài一直作穡ê工蜂，目前iáu是一个謎！另外，公ê蜜蜂唯一ê khang-khuè就是hōo女王蜂生囡仔，其他代誌lóng免做，bē輸ná華語講ê『渣男』1。
陳志東mā用心適ê方式說明蜜蜂ê分工：外勤蜂ná像一般ê食頭路人，「下班了後m̄-thang koh luā-luā趖，緊tńg去厝khah實在」、「年歲若到退休了，ē-sái去做保全顧門跤口」。
台灣蜂蜜ê多元種類
你kám有想過台灣hông號做「水果王國」，檨仔、弓蕉kah王梨tiānn-tiānn有，市面上suah看bē著in ê蜜？
事實上，蜜蜂ē採王梨花，m̄-koh王梨無需要蜜蜂授粉，而且大部份ê王梨lóng是人工催花，無授粉ê狀況下mā有法度發育做果子。加上若是授粉成功，王梨內底ē生種子，án-ne m̄-nā無好看mā khah歹食，所以tsiok罕得有王梨蜜。
檨仔屬於漆樹科，蜜蜂ē感覺伊ê味臭臭，致使檨仔ê授粉其實是倚靠「胡蠅」。弓蕉大部份是改良品種，m̄免授粉就tàng結果，而且長條型ê弓蕉花也無方便蜜蜂採蜜。後改若有機會食著蜂蜜，ē-sái好好仔體會tsit陣細細隻仔ê「勞工」，日日採花、揀花欉拍拚作穡骨力ê滋味。
台灣蜂蜜種類tsiânn多元，除了大眾ê龍眼kah荔枝蜜，koh包括：
蜂產品ê醫療用途kah生態意義
經濟價值方面，無仝蜂產品ê價siàu bē輸樓梯一坎一坎。Uì 1公克五角ê蜂臘、一箍ê蜂蜜kah蜂蝦，到10箍ê蜂王奶，甚至是1公克ài 200箍、ē-sái做醫學用途ê「蜂毒」2。其中，「蜂膠」因為有類黃酮kah抗發炎ê特性，每毫升價值50箍，價siàu真kuân、tsiânn有價值。就án-ne，蜜蜂ê功能uì「產蜜」提升到「授粉服務」，一般大眾ài認bat蜜蜂是現代農業tsiânn重要ê一部份，保護蜜蜂就是守護糧食安全。
Ài按怎保護蜜蜂？陳志東表示，其實真簡單，只要ke種花就好。Hōo蜜蜂替koh-khah濟植物授粉，tsiah ē-tàng hōo lán ê環境生態koh-khah好。就親像「台灣蠻野心足生態協會」uì 2019年開始辦台語講座，野生動物ê棲地需要保護，母語ê環境kah流傳mā ài好好仔珍惜。台灣本來就是多語言ê國家，hām lán ê生態仝款有各種植物、動物，lóng需要每一个人來維持、寶惜。
天氣愈來愈燒熱，表示春天ê跤步愈來愈倚。你kám bat注意著百花開，tī花欉中ng nǹg來nǹg去、逐工無閒tshih-tshih ê蜜蜂？台灣蠻野心足生態協會tsiânn歡喜邀請食材產地記者陳志東，來hām逐家分享蜜蜂生態ê趣味，mā邀請來參與ê朋友做伙tām-sám特殊ê蜂蜜。
Tshím頭，陳志東先kā紮--來ê蜜提出來囥tī桌仔頂，排排--leh總共有53種，m̄-koh tse是in厝--裡ê一半niâ，伊收藏超過100種ê蜂蜜！現場ê 53種內面至少有40幾種是台灣khah罕得看--見--ê。除了khah tsia̍p買ē著mā食ē著ê荔枝、龍眼、百花蜂蜜，koh有柚仔蜜、柳丁蜜，甚至有水筆仔蜜。
陳志東問逐家，lán人leh食甜but-but ê蜂蜜ê時tsūn，kám ē hònn玄一隻細細隻ê蜜蜂是按怎kā花蜜變做好食ê蜂蜜？蜜蜂對人類ê貢獻m̄-nā有蜂蜜koh有蜂王奶、蜂膠，ē-sái講全世界植物ê授粉，一大部份lóng ài倚靠tsit隻iáu無3公分ê蜜蜂。
蜜蜂社會ê工廠作業
大多數ê蜜蜂lóng是母--ê，kan-na有一隻ē tsiânn做女王蜂，賰--ê lóng是做khang-khuè ê工蜂，一隻工蜂雖bóng只有短短40工ê性命，每一个階段、每一日lóng有無仝款ê任務。拄出卵ê幼蜂（1～3日齡）ài清siū保溫；4日齡--ê ài負責調製蜂ê糧食；6～12日齡--ê分泌蜂王奶飼小弟小妹做奶母；12日齡了後ài做siū、熟sāi蜂siū ê位；一直到20日齡tsiah做外勤蜂，負責採花蜜、花粉，到伊性命ê最後一工。
蜜蜂只需要20分鐘就thìng好做一格蜂siū，若是有一直食蜂王奶ê蜜蜂ē tsiânn做蜂王，ē-sái活兩冬。準若獨獨食三工ê蜂王奶、suà--落食花蜜--ê ē變做工蜂，雖bóng mā是母--ê suah kan-na活40工左右niā-niā。到底siáng ē做女王蜂只要負責生卵，tsiâ koh應該是ài一直作穡ê工蜂，目前iáu是一个謎！另外，公ê蜜蜂唯一ê khang-khuè就是hōo女王蜂生囡仔，其他代誌lóng免做，bē輸ná華語講ê『渣男』1。
陳志東mā用心適ê方式說明蜜蜂ê分工：外勤蜂ná像一般ê食頭路人，「下班了後m̄-thang koh luā-luā趖，緊tńg去厝khah實在」、「年歲若到退休了，ē-sái去做保全顧門跤口」。
台灣蜂蜜ê多元種類
你kám有想過台灣hông號做「水果王國」，檨仔、弓蕉kah王梨tiānn-tiānn有，市面上suah看bē著in ê蜜？
事實上，蜜蜂ē採王梨花，m̄-koh王梨無需要蜜蜂授粉，而且大部份ê王梨lóng是人工催花，無授粉ê狀況下mā有法度發育做果子。加上若是授粉成功，王梨內底ē生種子，án-ne m̄-nā無好看mā khah歹食，所以tsiok罕得有王梨蜜。
檨仔屬於漆樹科，蜜蜂ē感覺伊ê味臭臭，致使檨仔ê授粉其實是倚靠「胡蠅」。弓蕉大部份是改良品種，m̄免授粉就tàng結果，而且長條型ê弓蕉花也無方便蜜蜂採蜜。後改若有機會食著蜂蜜，ē-sái好好仔體會tsit陣細細隻仔ê「勞工」，日日採花、揀花欉拍拚作穡骨力ê滋味。
台灣蜂蜜種類tsiânn多元，除了大眾ê龍眼kah荔枝蜜，koh包括：
- 果子樹類：龍眼、荔枝、柚仔、柳丁、藍莓、a-bú-khá-looh（酪梨）等。
- 樹林木類：苦楝舅、水筆仔、斑芝樹等。
- 花草類：刺查某、甜麥、日頭花等。
蜂產品ê醫療用途kah生態意義
經濟價值方面，無仝蜂產品ê價siàu bē輸樓梯一坎一坎。Uì 1公克五角ê蜂臘、一箍ê蜂蜜kah蜂蝦，到10箍ê蜂王奶，甚至是1公克ài 200箍、ē-sái做醫學用途ê「蜂毒」2。其中，「蜂膠」因為有類黃酮kah抗發炎ê特性，每毫升價值50箍，價siàu真kuân、tsiânn有價值。就án-ne，蜜蜂ê功能uì「產蜜」提升到「授粉服務」，一般大眾ài認bat蜜蜂是現代農業tsiânn重要ê一部份，保護蜜蜂就是守護糧食安全。
Ài按怎保護蜜蜂？陳志東表示，其實真簡單，只要ke種花就好。Hōo蜜蜂替koh-khah濟植物授粉，tsiah ē-tàng hōo lán ê環境生態koh-khah好。就親像「台灣蠻野心足生態協會」uì 2019年開始辦台語講座，野生動物ê棲地需要保護，母語ê環境kah流傳mā ài好好仔珍惜。台灣本來就是多語言ê國家，hām lán ê生態仝款有各種植物、動物，lóng需要每一个人來維持、寶惜。
1編註：台語leh形容『渣男』有一个倚意ê比喻，就叫做「採花蜂」，m̄-koh實際上leh採花蜜ê工蜂lóng是母--ê。
2蜂毒、蜂膠等蜂產品價siàu ē因為品質、加工製程、純度等因素有tsiânn大ê精差，tī tsia是講者為方便聽眾理解量約仔掠ê數字。
2蜂毒、蜂膠等蜂產品價siàu ē因為品質、加工製程、純度等因素有tsiânn大ê精差，tī tsia是講者為方便聽眾理解量約仔掠ê數字。
