「陳雷先生紀念追思會」筆記
/ Tân Lō͘
2025年6月27（台灣時間），陳雷先生tī Canada來過身。
2025年11月初1，tī成功大學台文系台語講堂，蔣發太孫玉枝台語文教育基金會主辦「陳雷先生紀念追思會」。Tī 2025年khah早，in mā有發起「Siàu-liām陳雷」ê徵文kap「紀念文集助印募資」計畫，招大家做伙來行動。
Hit日，歡喜來到現場，有陳雷先--ê ê親友，專工ùi海外倒tńg來參與，koh有前總統阿扁--à來致詞。原來，阿扁--à是陳雷先--ê in妹婿（叔伯小妹ê翁婿），ài叫伊一聲「大哥」--lio͘h！
活動起鼓，靚舞集Satsangdance負責開場演出，作品《天光》是ùi《最後ê甘蔗園》內底ê故事改編，少年月琴藝旦——張雅淳編曲、唸歌。第二支「海洋ê後代」，雅淳kō͘優美ê曲調演唱，舞者穿大紅色、現代設計ê大襟衫（tōa-khim-saⁿ），用舞蹈寫詩，講lán ê祖先ùi sì-kè渡海來到台灣，釘根生湠ê故事，大家看kah起雞母皮chok感動。
接sòa致詞，阿扁--à kā lán分享伊kap陳雷先--ê以早sio-bat ê故事。一擺去Canada蹛in兜，chiah知影「台語白話字」chit項台語ê寶貝kap先--ê伊teh做ê事工。2023年陳雷先--ê上尾擺tńg來台灣，阿扁--à有kā邀請chiūⁿ伊主持ê《有夢上水》廣播節目，好佳哉有kā先--ê ê故事做訪問、記錄、保存--落-來，囥踮YouTube頂面，hō͘所有ê人ē-tàng去看。
2025年5--月左右，in上尾擺通電話，先--ê kā阿扁--à講，伊想beh kap已經過身ê阿嬸，做伙去食in自細漢食kah大漢、厝邊ê hit間碗粿，結果講m̄-tio̍h間，阿扁--à緊kā提醒，是開khah久、khah好食--ê hit間chiah tio̍h。阿扁--à解soeh，che正正就是陳雷先chiâⁿ做一个正港台灣人ê明證，koh-khah按怎，想beh食--ê iáu是故鄉土地ê滋味，我聽了目箍沃tâm、真認同。
另外，tī《有夢上水》廣播節目hit擺訪談，lán知影陳雷先--ê本名是「Ngô͘ Kéng-iông（吳景榕）」，「Ngô͘ Kéng-jū（吳景裕）」是報戶口ê名，tī家族內包括阿珍--a（阿扁總統ê牽手）lóng叫先--ê「Kéng-iông（景榕）」 ，真濟人lóng m̄知chit層代誌。
後壁koh有濟濟早前陳雷先--ê ê朋友kap有志，in lóng來分享kap陳雷先生交陪、鬥陣做台語文事工ê經驗，lán chiah知影「陳雷公」chit个名，有影m̄是凊彩號--ê——伊ê意志堅定可比璇石，評論話語bē輸tân雷公，做人溫柔知伸勼，教育後輩gâu牽教，是一等一ê台灣人。文筆koh-khah免講，若是kā陳雷《鄉史補記》提去申請Nobel Prize in Literature（『諾貝爾文學獎』），絕對是無人比先--ê khah有資格。
下晡，記念會徙到「台越文學館」辦理，仝一工，內底有「第2屆陳雷文學展」開幕，上重要是有放送「陳雷記錄片」，che是真濟陳雷ê讀者kap台文有志做伙收集，特別走去Canada揣陳雷先--ê 訪談留--落-來，真珍貴ê影片。因為2023年我真好運，有參與「第1屆陳雷文學節」，有hām先--ê做伙讀冊、開講、chhit-thô，taⁿ koh看--著，心內是chok思念、chok m̄甘。
瑞士台語社ê A-koan有分享，陳雷先--ê身體teh衰bái hit時，bat專工來讀冊伴群組留話，ài讀冊伴繼續拍拚，kā逐家鼓勵，mā私底下kā講m̄-thang悲傷，伊ē tī一个有光koh溫暖ê所在kap阮相會，ē kā逐家攬tiâu-tiâu，流歡喜ê目屎。
希望lán現此時，tng beh行入台語文領域ê朋友，無論年歲，lóng來認bat陳雷文學，kō͘台灣人ê語文，寫lán台灣族ê故事。
2025年11月初1，tī成功大學台文系台語講堂，蔣發太孫玉枝台語文教育基金會主辦「陳雷先生紀念追思會」。Tī 2025年khah早，in mā有發起「Siàu-liām陳雷」ê徵文kap「紀念文集助印募資」計畫，招大家做伙來行動。
Hit日，歡喜來到現場，有陳雷先--ê ê親友，專工ùi海外倒tńg來參與，koh有前總統阿扁--à來致詞。原來，阿扁--à是陳雷先--ê in妹婿（叔伯小妹ê翁婿），ài叫伊一聲「大哥」--lio͘h！
活動起鼓，靚舞集Satsangdance負責開場演出，作品《天光》是ùi《最後ê甘蔗園》內底ê故事改編，少年月琴藝旦——張雅淳編曲、唸歌。第二支「海洋ê後代」，雅淳kō͘優美ê曲調演唱，舞者穿大紅色、現代設計ê大襟衫（tōa-khim-saⁿ），用舞蹈寫詩，講lán ê祖先ùi sì-kè渡海來到台灣，釘根生湠ê故事，大家看kah起雞母皮chok感動。
接sòa致詞，阿扁--à kā lán分享伊kap陳雷先--ê以早sio-bat ê故事。一擺去Canada蹛in兜，chiah知影「台語白話字」chit項台語ê寶貝kap先--ê伊teh做ê事工。2023年陳雷先--ê上尾擺tńg來台灣，阿扁--à有kā邀請chiūⁿ伊主持ê《有夢上水》廣播節目，好佳哉有kā先--ê ê故事做訪問、記錄、保存--落-來，囥踮YouTube頂面，hō͘所有ê人ē-tàng去看。
2025年5--月左右，in上尾擺通電話，先--ê kā阿扁--à講，伊想beh kap已經過身ê阿嬸，做伙去食in自細漢食kah大漢、厝邊ê hit間碗粿，結果講m̄-tio̍h間，阿扁--à緊kā提醒，是開khah久、khah好食--ê hit間chiah tio̍h。阿扁--à解soeh，che正正就是陳雷先chiâⁿ做一个正港台灣人ê明證，koh-khah按怎，想beh食--ê iáu是故鄉土地ê滋味，我聽了目箍沃tâm、真認同。
另外，tī《有夢上水》廣播節目hit擺訪談，lán知影陳雷先--ê本名是「Ngô͘ Kéng-iông（吳景榕）」，「Ngô͘ Kéng-jū（吳景裕）」是報戶口ê名，tī家族內包括阿珍--a（阿扁總統ê牽手）lóng叫先--ê「Kéng-iông（景榕）」 ，真濟人lóng m̄知chit層代誌。
後壁koh有濟濟早前陳雷先--ê ê朋友kap有志，in lóng來分享kap陳雷先生交陪、鬥陣做台語文事工ê經驗，lán chiah知影「陳雷公」chit个名，有影m̄是凊彩號--ê——伊ê意志堅定可比璇石，評論話語bē輸tân雷公，做人溫柔知伸勼，教育後輩gâu牽教，是一等一ê台灣人。文筆koh-khah免講，若是kā陳雷《鄉史補記》提去申請Nobel Prize in Literature（『諾貝爾文學獎』），絕對是無人比先--ê khah有資格。
下晡，記念會徙到「台越文學館」辦理，仝一工，內底有「第2屆陳雷文學展」開幕，上重要是有放送「陳雷記錄片」，che是真濟陳雷ê讀者kap台文有志做伙收集，特別走去Canada揣陳雷先--ê 訪談留--落-來，真珍貴ê影片。因為2023年我真好運，有參與「第1屆陳雷文學節」，有hām先--ê做伙讀冊、開講、chhit-thô，taⁿ koh看--著，心內是chok思念、chok m̄甘。
瑞士台語社ê A-koan有分享，陳雷先--ê身體teh衰bái hit時，bat專工來讀冊伴群組留話，ài讀冊伴繼續拍拚，kā逐家鼓勵，mā私底下kā講m̄-thang悲傷，伊ē tī一个有光koh溫暖ê所在kap阮相會，ē kā逐家攬tiâu-tiâu，流歡喜ê目屎。
希望lán現此時，tng beh行入台語文領域ê朋友，無論年歲，lóng來認bat陳雷文學，kō͘台灣人ê語文，寫lán台灣族ê故事。
