特別ê一chōa文學行讀
/ 陳秀枝
2026年1月24，tī我個人ê性命冊內，是色彩漆kah chhiⁿ-chhioh koh豐富ê一頁，mā是hō͘阮走揣台灣人苦thàng歷史ê深刻記持。Chit工就是參加打狗台文促進會主辦ê「陳雷台語短篇小說」行讀會。
Chiok想beh hoah：「陳雷先，阮來台南揣--你--ah！」負責導覽主講ê Hê-bí先生準備hām紹介kah真點陳，踏塗踏地掠出作者創作ê短篇小說ê一寡場景，chhuā逐家行踏，體會一下仔作者hiàng時日常活動ê跤跡。
雖bóng有部份學員已經tī線頂ê讀冊會讀過陳雷先生ê短篇小說，m̄-koh，「三日無liū，peh-chiūⁿ樹」，阮chit幾个koh一擺重讀chit幾篇短篇小說，lóng感覺ná像記持無刻落心肝仝款。陳雷先ê《Khí-siáu-hue》、《暗殺者》、《演講家》、《圖書館的秘密》、《出國這項代誌》，讀--leh讀--leh，頭殼內底ē浮出陳雷先在生ê時，有tī線頂kā阮解答疑問ê情景。想bē到，chiah聽講伊身體有淡薄仔狀況，siáng知哪ē chiah-nī緊就去做仙--lo͘h！Hō͘阮bē-tàng koh跟tòe伊學習，逐家感覺chiâⁿ m̄甘。
2023年hit冬陳雷先生親身chhuā學員行讀，我無tòe--著，tī伊過身了後，chit擺我就趕緊把握機會參加。逐家koh來複習一擺陳雷先tī圖書館借禁冊、lim茶；tī台南一中ê校園leh tia̍k玻璃珠仔；koh聽一擺教會內底有人做jiàu耙仔，替政府監督二二八ê菁英份子……以早tī線頂讀著文字書寫，chit工到實在ê地點，看著實際ê場景，想像éng年ê事件，真正chit種ê文學行讀kah一般ê行讀無sio-siâng。
導覽Hê-bí先生講，陳雷先kah《台文通訊》ê關係真深，一般人lóng無啥知。伊講陳雷先生是《台文通訊》ê作者kah編輯，koh是台文運動ê chhui-sak者。陳雷先生大約有12冬做編輯ê khang-khòe，《台文通訊BONG報》發行到taⁿ大約有35年1，陳雷先就負責三份一ê時間。陳雷先因為有chit項任務，mā培養伊固定寫作hām發表ê習慣，lán chiah有chiah好ê台文作品thang欣賞。
Chit幾篇寫ê背景，差不多lóng是tī國民政府ùi中國退守台灣以後發生--ê，就是二二八hām白色恐怖發生ê期間，陳雷先生用chit站ê政治環境寫出台灣人hông監視、hông枉屈做政治犯、hông處決iah是掠去關chia-ê種種ê代誌，hō͘台灣有錢有才能--ê，真濟拚出去台灣，chiâⁿ做siàu念故鄉bē得tńg--來ê台灣人。
看著舊相片，對照小說內底，hit-tang-chūn台灣人tī he日本式摻中國式iah是西洋式lām--leh ê建築空間leh生活。樸實ê庄跤，規庄頭lóng熟sāi，親hò͘-hò͘連食飯to有人叫就食，人kah人ê關係chiah-nī仔親密；mā iáu ē有人去做jiàu耙仔，kā庄民監督、掠證據，甚至偽造證據，kā人送去櫳仔內食無錢飯；mā有人bē堪得別人有色ê眼光看待，就精神錯亂--去--ah。我蹛ê庄頭mā有類似chit款情形ê代誌發生，國民黨政府屠殺台灣菁英ê做法，真濟人受牽連，真正悲慘。
法國哲學家René Descartes（『笛卡兒』）講：『我思故我在』，lán思考家己ê存在，體會著chhiâⁿ養家己ê故鄉，是提供家己存在發展ê養份，就ē koh-khah珍惜家己ê故鄉。就算bē-tàng tńg--來，故鄉ê人文風俗、地理hām歷史，lóng是hiah-nī仔清楚、hiah-nī有感情。
陳雷先生對台南chit塊土地，大概就是án-ne熟sāi了解，而且伊mā是白色恐怖ê受害者，烏名單一公佈，阻擋伊tńg來故鄉ê路，心內ê苦楚無人知。Kánn是chia種種ê因素，陳雷先生寫出chiah濟篇出tioh ê政治小說，hō͘ lán閱讀活跳跳ê文學作品ê時chūn，mā體會著hit个時代ê殖民政治，hō͘台灣人有偌nī仔痛苦。
行tī台南市已經消失--去ê竹管溪、公園路20番（陳雷先生ê舊厝），雖bóng景物完全無仝，tī跤步beh hoa̍h--出-去ê時，bē輸體會著「人親塗親」ê感覺，台南ê街仔路，除了有一般遊客kah意ê南部khùi口，koh有陳雷先生bat tī chia生活ê氣味。
Chit擺ê行踏，是真特別ê一chōa文學行讀，感謝主辦單位打狗台文促進會、感謝導覽ê Hê-bí。感謝陳雷先生勇敢活--落-來，創作chiah濟優秀ê台語小說，hō͘逐家讀kah感動流目屎。
Chiok想beh hoah：「陳雷先，阮來台南揣--你--ah！」負責導覽主講ê Hê-bí先生準備hām紹介kah真點陳，踏塗踏地掠出作者創作ê短篇小說ê一寡場景，chhuā逐家行踏，體會一下仔作者hiàng時日常活動ê跤跡。
雖bóng有部份學員已經tī線頂ê讀冊會讀過陳雷先生ê短篇小說，m̄-koh，「三日無liū，peh-chiūⁿ樹」，阮chit幾个koh一擺重讀chit幾篇短篇小說，lóng感覺ná像記持無刻落心肝仝款。陳雷先ê《Khí-siáu-hue》、《暗殺者》、《演講家》、《圖書館的秘密》、《出國這項代誌》，讀--leh讀--leh，頭殼內底ē浮出陳雷先在生ê時，有tī線頂kā阮解答疑問ê情景。想bē到，chiah聽講伊身體有淡薄仔狀況，siáng知哪ē chiah-nī緊就去做仙--lo͘h！Hō͘阮bē-tàng koh跟tòe伊學習，逐家感覺chiâⁿ m̄甘。
2023年hit冬陳雷先生親身chhuā學員行讀，我無tòe--著，tī伊過身了後，chit擺我就趕緊把握機會參加。逐家koh來複習一擺陳雷先tī圖書館借禁冊、lim茶；tī台南一中ê校園leh tia̍k玻璃珠仔；koh聽一擺教會內底有人做jiàu耙仔，替政府監督二二八ê菁英份子……以早tī線頂讀著文字書寫，chit工到實在ê地點，看著實際ê場景，想像éng年ê事件，真正chit種ê文學行讀kah一般ê行讀無sio-siâng。
導覽Hê-bí先生講，陳雷先kah《台文通訊》ê關係真深，一般人lóng無啥知。伊講陳雷先生是《台文通訊》ê作者kah編輯，koh是台文運動ê chhui-sak者。陳雷先生大約有12冬做編輯ê khang-khòe，《台文通訊BONG報》發行到taⁿ大約有35年1，陳雷先就負責三份一ê時間。陳雷先因為有chit項任務，mā培養伊固定寫作hām發表ê習慣，lán chiah有chiah好ê台文作品thang欣賞。
Chit幾篇寫ê背景，差不多lóng是tī國民政府ùi中國退守台灣以後發生--ê，就是二二八hām白色恐怖發生ê期間，陳雷先生用chit站ê政治環境寫出台灣人hông監視、hông枉屈做政治犯、hông處決iah是掠去關chia-ê種種ê代誌，hō͘台灣有錢有才能--ê，真濟拚出去台灣，chiâⁿ做siàu念故鄉bē得tńg--來ê台灣人。
看著舊相片，對照小說內底，hit-tang-chūn台灣人tī he日本式摻中國式iah是西洋式lām--leh ê建築空間leh生活。樸實ê庄跤，規庄頭lóng熟sāi，親hò͘-hò͘連食飯to有人叫就食，人kah人ê關係chiah-nī仔親密；mā iáu ē有人去做jiàu耙仔，kā庄民監督、掠證據，甚至偽造證據，kā人送去櫳仔內食無錢飯；mā有人bē堪得別人有色ê眼光看待，就精神錯亂--去--ah。我蹛ê庄頭mā有類似chit款情形ê代誌發生，國民黨政府屠殺台灣菁英ê做法，真濟人受牽連，真正悲慘。
法國哲學家René Descartes（『笛卡兒』）講：『我思故我在』，lán思考家己ê存在，體會著chhiâⁿ養家己ê故鄉，是提供家己存在發展ê養份，就ē koh-khah珍惜家己ê故鄉。就算bē-tàng tńg--來，故鄉ê人文風俗、地理hām歷史，lóng是hiah-nī仔清楚、hiah-nī有感情。
陳雷先生對台南chit塊土地，大概就是án-ne熟sāi了解，而且伊mā是白色恐怖ê受害者，烏名單一公佈，阻擋伊tńg來故鄉ê路，心內ê苦楚無人知。Kánn是chia種種ê因素，陳雷先生寫出chiah濟篇出tioh ê政治小說，hō͘ lán閱讀活跳跳ê文學作品ê時chūn，mā體會著hit个時代ê殖民政治，hō͘台灣人有偌nī仔痛苦。
行tī台南市已經消失--去ê竹管溪、公園路20番（陳雷先生ê舊厝），雖bóng景物完全無仝，tī跤步beh hoa̍h--出-去ê時，bē輸體會著「人親塗親」ê感覺，台南ê街仔路，除了有一般遊客kah意ê南部khùi口，koh有陳雷先生bat tī chia生活ê氣味。
Chit擺ê行踏，是真特別ê一chōa文學行讀，感謝主辦單位打狗台文促進會、感謝導覽ê Hê-bí。感謝陳雷先生勇敢活--落-來，創作chiah濟優秀ê台語小說，hō͘逐家讀kah感動流目屎。
1編註：《台文通訊》tī 1991年創刊、《台文BONG報》tī 1996年創刊，兩个刊物tī 2012年合刊做《台文通訊BONG報》，繼續發行到taⁿ。
