「501埋葬假憲法行動」短講發言稿
/ 周婉窈
逐家好。
Lán今仔日來參加遊行，最後tī tsia聚集，我想社會一定有真濟ê人m̄知影五〇一是啥mih日子，mā m̄知影lán哪ē beh埋葬1991年修憲增修ê條文。知影歷史真重要，我相信台灣人若知影tsit遍修憲對台灣ê致命傷tī佗位，一定ē支持tsit个遊行ê訴求，因為1991年ê修憲是「萬年國會」、代表中國法統ê老代表修--ê，m̄是代表台灣，m̄-nā無正當性，koh ē害死台灣。Tsit款憲法，lán哪ē koh beh ti̍h？
憲法kah法律ê問題，我想賴中強律師ē講，我就講khah歷史tik--ê。
四二四刺蔣56周年記念日hit日，刺蔣主角黃文雄先生tī新書發表會，一直提起1992年是「台灣民主化元年」，ài逐家知影、ē記--得。
1992年tī戰後台灣ê歷史上真重要，是台灣自由民主化ê開始。自由化是1992年5--月刑法一百條修正，台灣人tsiah有言論自由ê保障，以tsia做開始。民主化，上重要ê指標是「萬年國會」解散，1992年中華民國選第二屆立法委員，國會ē-tàng定期改選tsiah是民主體制。細節lán無法度tī tsia講。
總--是，1992年台灣自由民主化了後，社會有真好ê發展。台灣人真優秀，各行各業lóng出真濟ê人才，tsit 30冬來，台灣tsiânn做真好蹛ê所在，真濟少年人去到外國，顛倒懷念台灣ê生活方式，無愛蹛外國，tse hām戒嚴時代，逐家lóng想beh去蹛外國tsiok無仝--ê。
M̄-koh，tī lán台灣ê繁榮、好蹛ê背後，其實危機重重。Lán ê自由民主，ná親像是起tī海埔仔頂ê厝，真sù-sī，m̄-koh隨時ē崩--去。是按怎講--neh？
Tse tio̍h-ài講著1991年。
1991年第一改ê修憲。黨外運動ê人士hām民進黨，kā伊king體講做「老賊修憲」，事實上就是一陣40外年m̄免改選ê老代表tī-leh修法。In修--出-來ê法，上傷重--ê，就是「一中憲法」kah「一國兩區」。增修條文ê前言講：『為因應國家統一前之需要』，所以ài按怎koh按怎，tse就是一中憲法。既然未來beh統一做一國，所以現此時tsit个國家分做兩个區：自由地區kah大陸地區。Tse就是「一國兩區」。
用比喻來講，「一中憲法＋一國兩區」，tse就是孫悟空頭殼頂ê『緊箍咒』——ân箍仔咒。普通時箍仔箍--leh kài成無問題，m̄-koh隨時ē-tàng來kā你束ân，hōo你真艱苦，甚至kā你束--死。2024年藍白tī中華民國立法院聯手tī-leh做--ê，就是用ân箍仔咒來凌遲台灣人。
Lán翻頭來看1992年以後台灣ê自由民主化，tse是黨外運動犧牲奮鬥數十年爭取--來--ê，有自由民主ê環境，優秀ê台灣人就發展了真好。M̄-koh，黨外運動上kuân ê追求是獨立建國，m̄-nā bē得實現，顛倒愈來愈困難。因為tī tsit个時tsūn，拄拄仔講ê 1991年ê修憲，第二冬1992年根據增修條文ê「一國兩區」，tī行政院長郝柏村ê主導下通過《臺灣地區與大陸地區人民關係條例》，具體用法律來規定「兩區」人民ê關係。Tse是lán今仔日上大困境ê來源。
Lán比一个例，假使烏克蘭ê憲法宣稱未來beh hām俄羅斯統一，目前國家分做「烏克蘭地區」kah「俄羅斯地區」，án-ne，啥人ē去援助烏克蘭來抵抗俄羅斯--neh？好佳哉，烏克蘭是一个真正ê主權獨立國家，國際上民主陣營tsiah ē得去tàu-sann-kāng。
Tsit个例是m̄是hōo你khah了解1991年「老賊修憲」kah第二冬ê「兩區條例」是lán台灣ê tài身命？
過去因為中國ê國力無hiah強，對台灣ê滲透無hiah嚴重，一般人其實mā m̄免關心憲法ê問題，日子ē過ē過就bóng過，何況日子真好過，台灣mā真好蹛。M̄-koh，ân箍仔咒就是tī hia，2024年ân箍仔咒來--ah。翁曉玲就是逐日lóng tī-leh對台灣唸ân箍仔咒。現此時是中國hām藍白立委聯手用「憲法ê手段」tī-leh創治台灣。
Lán必須用大刀一刀斬斷「一中ê ân箍仔」，tsit个1991年ê修憲若無效，兩區條例mā無憲法ê根據，lán就ē-tàng脫離「兩區」ê束縛。台灣就是台灣，m̄是「台灣地區」。Tī中華民國體制下，既然無法度修憲，lán先來kā 1991年無台灣人民授權、無正當性ê第一遍修憲剁hìnn-sak，就是kā頭殼頂ê ân箍仔提--落-來，切斷，lán就m̄免koh聽in tī hia唸一中咒語。
Tse提掉，其他完全ē-tàng暫時繼續運作。我認為割離1991年ê增修條文，其他就當做「過渡憲法」。一寡仔台派ê有志ē煩惱，tse是m̄是iáu-koh承認中華民國。我了解有志ê掛慮，請逐家放心，台灣ê路真歹行，tse是過渡。2024年開始到tsit-má，我想，社會中愈來愈濟ê人了解--著——無真正ê國家，無可能保護lán ê自由kah民主。Ài有愈濟ê人了解著tsit點、想beh建國，建國tsiah有可能；有真正ê國家，台灣ê自由民主tsiah有可能繼續維持。Lán逐家做伙來宣傳，做伙來拍拚。
Lán今仔日來參加遊行，最後tī tsia聚集，我想社會一定有真濟ê人m̄知影五〇一是啥mih日子，mā m̄知影lán哪ē beh埋葬1991年修憲增修ê條文。知影歷史真重要，我相信台灣人若知影tsit遍修憲對台灣ê致命傷tī佗位，一定ē支持tsit个遊行ê訴求，因為1991年ê修憲是「萬年國會」、代表中國法統ê老代表修--ê，m̄是代表台灣，m̄-nā無正當性，koh ē害死台灣。Tsit款憲法，lán哪ē koh beh ti̍h？
憲法kah法律ê問題，我想賴中強律師ē講，我就講khah歷史tik--ê。
四二四刺蔣56周年記念日hit日，刺蔣主角黃文雄先生tī新書發表會，一直提起1992年是「台灣民主化元年」，ài逐家知影、ē記--得。
1992年tī戰後台灣ê歷史上真重要，是台灣自由民主化ê開始。自由化是1992年5--月刑法一百條修正，台灣人tsiah有言論自由ê保障，以tsia做開始。民主化，上重要ê指標是「萬年國會」解散，1992年中華民國選第二屆立法委員，國會ē-tàng定期改選tsiah是民主體制。細節lán無法度tī tsia講。
總--是，1992年台灣自由民主化了後，社會有真好ê發展。台灣人真優秀，各行各業lóng出真濟ê人才，tsit 30冬來，台灣tsiânn做真好蹛ê所在，真濟少年人去到外國，顛倒懷念台灣ê生活方式，無愛蹛外國，tse hām戒嚴時代，逐家lóng想beh去蹛外國tsiok無仝--ê。
M̄-koh，tī lán台灣ê繁榮、好蹛ê背後，其實危機重重。Lán ê自由民主，ná親像是起tī海埔仔頂ê厝，真sù-sī，m̄-koh隨時ē崩--去。是按怎講--neh？
Tse tio̍h-ài講著1991年。
1991年第一改ê修憲。黨外運動ê人士hām民進黨，kā伊king體講做「老賊修憲」，事實上就是一陣40外年m̄免改選ê老代表tī-leh修法。In修--出-來ê法，上傷重--ê，就是「一中憲法」kah「一國兩區」。增修條文ê前言講：『為因應國家統一前之需要』，所以ài按怎koh按怎，tse就是一中憲法。既然未來beh統一做一國，所以現此時tsit个國家分做兩个區：自由地區kah大陸地區。Tse就是「一國兩區」。
用比喻來講，「一中憲法＋一國兩區」，tse就是孫悟空頭殼頂ê『緊箍咒』——ân箍仔咒。普通時箍仔箍--leh kài成無問題，m̄-koh隨時ē-tàng來kā你束ân，hōo你真艱苦，甚至kā你束--死。2024年藍白tī中華民國立法院聯手tī-leh做--ê，就是用ân箍仔咒來凌遲台灣人。
Lán翻頭來看1992年以後台灣ê自由民主化，tse是黨外運動犧牲奮鬥數十年爭取--來--ê，有自由民主ê環境，優秀ê台灣人就發展了真好。M̄-koh，黨外運動上kuân ê追求是獨立建國，m̄-nā bē得實現，顛倒愈來愈困難。因為tī tsit个時tsūn，拄拄仔講ê 1991年ê修憲，第二冬1992年根據增修條文ê「一國兩區」，tī行政院長郝柏村ê主導下通過《臺灣地區與大陸地區人民關係條例》，具體用法律來規定「兩區」人民ê關係。Tse是lán今仔日上大困境ê來源。
Lán比一个例，假使烏克蘭ê憲法宣稱未來beh hām俄羅斯統一，目前國家分做「烏克蘭地區」kah「俄羅斯地區」，án-ne，啥人ē去援助烏克蘭來抵抗俄羅斯--neh？好佳哉，烏克蘭是一个真正ê主權獨立國家，國際上民主陣營tsiah ē得去tàu-sann-kāng。
Tsit个例是m̄是hōo你khah了解1991年「老賊修憲」kah第二冬ê「兩區條例」是lán台灣ê tài身命？
過去因為中國ê國力無hiah強，對台灣ê滲透無hiah嚴重，一般人其實mā m̄免關心憲法ê問題，日子ē過ē過就bóng過，何況日子真好過，台灣mā真好蹛。M̄-koh，ân箍仔咒就是tī hia，2024年ân箍仔咒來--ah。翁曉玲就是逐日lóng tī-leh對台灣唸ân箍仔咒。現此時是中國hām藍白立委聯手用「憲法ê手段」tī-leh創治台灣。
Lán必須用大刀一刀斬斷「一中ê ân箍仔」，tsit个1991年ê修憲若無效，兩區條例mā無憲法ê根據，lán就ē-tàng脫離「兩區」ê束縛。台灣就是台灣，m̄是「台灣地區」。Tī中華民國體制下，既然無法度修憲，lán先來kā 1991年無台灣人民授權、無正當性ê第一遍修憲剁hìnn-sak，就是kā頭殼頂ê ân箍仔提--落-來，切斷，lán就m̄免koh聽in tī hia唸一中咒語。
Tse提掉，其他完全ē-tàng暫時繼續運作。我認為割離1991年ê增修條文，其他就當做「過渡憲法」。一寡仔台派ê有志ē煩惱，tse是m̄是iáu-koh承認中華民國。我了解有志ê掛慮，請逐家放心，台灣ê路真歹行，tse是過渡。2024年開始到tsit-má，我想，社會中愈來愈濟ê人了解--著——無真正ê國家，無可能保護lán ê自由kah民主。Ài有愈濟ê人了解著tsit點、想beh建國，建國tsiah有可能；有真正ê國家，台灣ê自由民主tsiah有可能繼續維持。Lán逐家做伙來宣傳，做伙來拍拚。
編註：「501埋葬假憲法行動」是由台灣經濟民主連合等超過30个民間團體tī 2026年5月初1發起ê社會運動kah遊行。核心訴求是否認1991年由iáu未改選ê「萬年國會」老代表所制定ê《中華民國憲法第一次增修條文》ê效力。內文講--著ê賴中強律師是台灣經濟民主連合召集人，負責說明行動核心宣言。
