Ka-choa̍h人（三）
/ 杜信龍
傅第一擺遇著翁曉菱，是出監了後第一擺參加政治獻金ê聚會。
原底伊無啥想beh去，kah黨部ê關係to m̄是kài好，進前有人講伊是「毒瘤」、「ka-choa̍h頭」。總--是，hō͘黨主席要求定著ài來。伊拄坐--落-來，就注意著另外一桌一个穿深藍色春綢裾，頭毛破鬢梳，真有氣質大端，眼神soah bē輸探偵。伊細聲kah邊--a ê人講話，chéng頭仔輕輕仔khok杯仔墘，親像人leh at-liâu-at-phek。
「傅縣長，che是曉菱，德國法律博士，最近替lán黨負責立法策略。」黨主席朱歷圇特別chhōa傅hō͘ in兩人熟sāi，翁ba-bui笑tàm頭，雙人兩粒目睭仁sio-khok，心肝lóng chhe̍k--
一-下。
隔tńg工，伊主動去洄瀾約傅lim茶，beh討論起草兩岸法案kah未來國會監督制度ê修法。翁講kah理路真清楚，用詞真ha̍h傅ê程度，甚至koh牽去中國ê法規。傅心肝頭暗想che應該是有人來交代--ê，對伊講，「你bat真濟，人生了súi koh真有學識。」
「我kan-na是替你整理你家己mā leh想ê代誌niā-niā。」伊笑。傅一下仔心花開，發覺家己癡哥性beh夯--起-來，緊硩--落-去。
「主席beh hō͘你做不分區立委第一名，保證你入去立法院，而且ài你做黨ê總召集人。」
「Kám有影？是按怎ài我做？進前lóng無愛我chhap黨內ê代誌。」傅khêng實心肝內chiok得意，mā知che ē hō͘伊ê權力koh進一坎。是講che khang-khòe，kám有影是黨直接指示--ê？」
「你放心mài想siuⁿ濟，好好仔做你ê立委，大頭家真欣賞你ê才調，而且mā真照顧你對岸ê投資。」翁講了，提一份黃色紙lok仔hō͘--伊。傅小影--一-下，kah伊臆--ê無差kài大碼。
Koh過兩三個月，立委chiūⁿ任。無意外，kah中國民眾黨加--起-來過半，立法院院長當然mā是黨提--去。
國民黨隨召集相關人士，chit擺絕對beh kā過去失--去ê權力奪--tńg-來。會議結果ê內容ùi企業調查，到要求國防機密ài交hō͘國會審查，koh到限制總統戒嚴權力，無所不至。
傅原底對中央政治有所顧慮，是講chit塊肉tī喙邊怎thang無食。翁總ē tī傅掠bē定ê時，用一杯酒、耳空邊一句細聲話、chéng頭仔輕輕仔挲loa̍h，kā伊ê心掠定。
「你chit款人才，無應該kan-na是地方頭人niā-niā。」Tī傅立委辦公室，兩人leh慶祝第一工chiūⁿ任。
「 你是講……無應該tī ka-choa̍h-siū內底做頭是m̄是--啊？」傅坦笑，雙手tī翁ê kha-chiah起狗鯊。
翁無回答，kan-na假無意閃去邊--a，kā桌仔頂斟好ê紅酒對喙脣送，chi̍p--一-喙了後，酒杯就tu hō͘傅。伊倚--來，一喙就hō͘ ta，空杯仔囥倒tī桌仔，雄雄kā翁攬tiâu-tiâu。無顧慮che是辦公室，m̄驚ē有人來挵門。喙舌就beh硬tu過翁ê喙內，見翁無反抗，傅愈來愈大膽，雙手tī胸前摸挲tēⁿ，揣真久chiah發現che衫鈕仔按怎tháu。
傅tī翁ê身體頂，看著kah in某無仝ê力量——m̄是獨獨面模仔ê súi-bái，是一種比伊koh-khah bat政治商場ê控制。伊真認bat權力khiú-la̍k ê節奏，mā真清楚按怎運用查某人ê優勢去說服一陣頭殼chhèng煙ê查埔人。
Chit一路行--來，in ê關係從來m̄是chhiāng拄chhiāng拄--著，iah是單純ê男女情，kan-na是大頭家背後操作ê一場反背國家ê前戲niā-niā。
立法院運作廢墜，mā是ùi in ê鬥陣開始。
※ ※ ※
傅ē-sái用「洄瀾王」ê名望入立法院，背後上主要ê chhui-sak者是國民黨主席朱歷圇。
Hit當時，傅出監了猶原koh leh拚勢重建勢力，對西爿ê政治箍仔無啥興趣，一直到某一日朱親自拜託，koh掛保證是不分區立委名單內第一名。
「傅兄弟，你若入--來，chit屆國會絕對有無仝ê表現。Lán有真重要ê代誌ài做伙舞chiah ē成。」朱口氣溫和，眼神soah真堅定，leh暗示啥mi̍h ê款。「黨需要一个真正bat實戰ê人，m̄-nā是hit種博士博，ài真正做代誌--ê。大頭家真看重--你。」
傅真giâu疑問：「大頭家？你是講……」
「你kám真正kā我排第一名？」
朱笑kah li̍h-sai-sai：「第一名，保送。M̄-nā規个東部系統需要你，chit擺黨部koh-khah需要你。你需要koh-khah大ê舞台，我hō͘--你。」
朱ê算盤tia̍k kah真精：傅雖bóng有前科，m̄-koh對基層掌控力kah使弄民粹語言有極koân ê利用價值。伊ē-sái替黨鬥爭、kā過去七、八冬失--去ê權力lóng揣--tńg-來，伊需要一个koh-khah敢死ê人。
傅真知che是一場交換niā-niā，chit款勢面kah操作真內行，mā知影chit場棋局家己是上kài gâu ī ê人，無人tòe伊ē著。
自伊答應了後，就開始張家己ê國會ka-choa̍h陣，北部羅盟才、徐巧芯、王鴻萎，中部陳超明、邱鎮鈞、謝懿鳳等等。所有當選ê立委lóng真知未來chit位總召集人ê角色，koh愈khah知chit擺是上尾一擺kā權力搶--tńg-來ê機會，而且有大頭家leh看。
靠中國民眾黨八个名額，國會過半，in強勢chhui-sak立法阮hùn權ê法案，預算m̄是刣就是先凍--起-來、成立國會調查委員會，要求台基電交出機密製程ê文件koh要求國防部提出軍事部署資料。
Khêng實，hit工飯局後，朱刁工酒杯攑--leh，倚近傅細聲仔講：「北京hit爿……真關心你ê發展。」
傅se̍h神規个人lóng iáu leh想翁ê身影，聽著北京隨精神問：「你是講大頭家？」
朱笑笑無講話，就離開。
※ ※ ※
傅拍開翁hō͘--伊ê黃色紙lok仔，內底有一份資料，頂頭有紅筆標記mā有頓王滬寧字號ê印仔：《佔領臺灣立法院制高點的統戰戰略要點》。傅ná看標題，手開始leh chhoah，m̄知是對che內容leh緊張，iah是hō͘中共看重歡喜kah leh chhoah。
斟酌讀了，chiah理解「中共需要一个心肝烏、手路雄ê人，tī立法院主導台灣內政，進一步hō͘人民失去民主自由，就親像香港án-ne。大頭家已經等bē赴--ah。」
傅想真久：「In beh ài--我？我kám有法度講mài？」
「In想beh有一个人有才調hō͘行政半the死、國防beh死盪幌、產業地基hō͘人挖空空、hō͘民眾感覺政治無leh做代誌ê國會。無m̄-tio̍h，無人比我上適合。」
傅原底對中共政治有所顧慮，總--是經過思考，chit份文件像一道命令——而且翁曉菱koh-khah像hō͘--伊--ê。翁tī伊耳仔邊講ê話、伊ê身體、伊ê眼神，lóng kā傅縛tiâu-tiâu，牽leh行。
中共早就kā伊列做《佔領臺灣立法院制高點的統戰戰略要點》chit份文件上理想ê代理人。另外一件心肝有顧慮--ê是tī中國南寧ê投資，萬不二中共無歡喜，凡勢母錢lóng提bē tńg--來。
伊，是無可能拒絕權力ê成長，而且有性ê滾絞。
※ ※ ※
傅tng-leh質詢行政院長：「阮國會是人民ê代表，是按怎行政單位處理無照人民ê意思？」後壁立委hoah聲tòe喙尾，規个國會失去正常談論ê空間，變做烏道耀武揚威ê所在。
傅chhui-sak一項立法院調查權強化法案，明文規定：凡若立法院院會決議ê調查案，企業法人必須ài tī五工內提交資料，違--者每日罰十萬箍罰金，一直到改正為止。
Chit步表面看--起-來是國會監督權ê延續，khêng實是利用過半ê優勢，介入企業經營kah股權爭奪ê「合法武器」。
M̄-nā án-ne，伊透過三讀，hō͘國防部ài將所有軍事機密，包括作戰計畫kah戰機、雷達部署，通報hō͘國防委員會。利用兩岸和平議題，提出修正公投法，新增條文禁止總統tī任何情況發佈戒嚴命令，剝削行政機關tī戰爭時ê調度。
Chia-ê法案經過傅幼路ê操作kah媒體ê妝thāⁿ，hō͘人叫做「民主和平三法」，總--是，一步一步kā三權分立kah國家安全ê最後防線拆了了。
傅kah翁合作真鬥搭，親像tī間碟電影ê雙人舞者——一人牽纏國會ê運作，一人負責轉達北京ê命令。
Tī立法院休息室ê深夜，翁曉菱phâng一杯拄泡好ê燒茶，笑笑仔講：「你現此時ê聲音，tī對岸lóng聽ē著。」
傅頭攑koân ná笑，聲音sau聲：「Che就是大頭家beh--ê，kám m̄是？Hō͘阮chhōa領中國國民黨。」
翁沓沓仔講：「你本來就屬於chit个位。你比siáng lóng清楚，台灣ê未來終其尾mā tio̍h-ài統一，che ài靠巧巧人來完成，真正願意做代誌ê人。」
伊行倚，tài鼓舞--伊ê目神，che hō͘傅規个人精神--起-來，「你chit款人，無應該是tī地方做王niā-niā。」
傅suh一口khùi，明知che話內底藏一寡牽chhiû kah控制，soah mā感受著過去m̄ bat hō͘ in某理解ê溫暖。
有一暝，傅kah翁做伙tī mo͘-té-luh駛車出--來，雄雄翁問傅：「假始我m̄是奉命接近--你……你kám ē kah意--我？」
傅規个人gāng--去，聲嗽放低：「你是講北京命令你接近--我，m̄是真心beh做伙？」
翁無回答，kan-na伸手tī伊ê手搭--兩-下。
※ ※ ※
隔tńg工，傅行入辦公室拄坐--落-來，翁隨sak門入來，手頭提一份簡報。「傅委員，che是北京方面上新ê命令，假始國民黨beh kā權力奪--tńg-來，án-ne ài ùi刣預算kah減少中配提著身份證ê年限開始。」
伊ná講ná掀文件，所有ê預算，無論企業補助、國防預算、家庭補助kah飼囝補助……lóng刣kah見血。
傅目頭kat-kat：「Che……kám ē siuⁿ過頭？」
翁ê眼神雄雄變一个人：「設使你做bē到，你tī寧波kah成都ê資產，恐驚一sián五厘mā提bē tńg--來。」伊tùn-teⁿ--一-下-仔，口氣變溫柔soah充滿威脅：「Koh有lán ê代誌，mā ē有人知影。」
傅看--伊，嚨喉ná hō͘人sǹg-ân-ân。Taⁿ，che勢面伊真早就知，只是想bē到hiah早就來。
Chit段曖昧ê關係，ùi權力利益開始，taⁿ是掛刀掛刺ê頭枷。
Chit暝，tńg來洄瀾ê厝，想beh好好仔歇睏。入門鞋仔未chêng褪好，傅ê某講：「你koh知thang tńg--來，最近m̄是真愛去立院開暗會？」
傅攑頭：「你是leh三八啥mi̍h？Leh癢--nih？」
徐攑手頭hit雙箸phiaⁿ--過，冷冷仔講：「Mài掠準我m̄知伊是siáng。Hām我身軀邊ê祕書lóng ài開始請示--伊，你是beh hō͘伊來hōaⁿ是--無？」
傅kat目頭：「你有縣長ê位，是因為我。你就繼續做你ê縣長，mài來chhap我中央ê代誌。」
桌仔頂ê電腦tng-leh播送伊kah翁tī mo͘-té-luh，做sán-khùi áu跤ê影像。兩人對看，一時無聲無話，徐冷笑一聲：「Ka-choa̍h有影啥mi̍h lóng愛食」，徛--起-來就大力摔門出--去。
原底伊無啥想beh去，kah黨部ê關係to m̄是kài好，進前有人講伊是「毒瘤」、「ka-choa̍h頭」。總--是，hō͘黨主席要求定著ài來。伊拄坐--落-來，就注意著另外一桌一个穿深藍色春綢裾，頭毛破鬢梳，真有氣質大端，眼神soah bē輸探偵。伊細聲kah邊--a ê人講話，chéng頭仔輕輕仔khok杯仔墘，親像人leh at-liâu-at-phek。
「傅縣長，che是曉菱，德國法律博士，最近替lán黨負責立法策略。」黨主席朱歷圇特別chhōa傅hō͘ in兩人熟sāi，翁ba-bui笑tàm頭，雙人兩粒目睭仁sio-khok，心肝lóng chhe̍k--
一-下。
隔tńg工，伊主動去洄瀾約傅lim茶，beh討論起草兩岸法案kah未來國會監督制度ê修法。翁講kah理路真清楚，用詞真ha̍h傅ê程度，甚至koh牽去中國ê法規。傅心肝頭暗想che應該是有人來交代--ê，對伊講，「你bat真濟，人生了súi koh真有學識。」
「我kan-na是替你整理你家己mā leh想ê代誌niā-niā。」伊笑。傅一下仔心花開，發覺家己癡哥性beh夯--起-來，緊硩--落-去。
「主席beh hō͘你做不分區立委第一名，保證你入去立法院，而且ài你做黨ê總召集人。」
「Kám有影？是按怎ài我做？進前lóng無愛我chhap黨內ê代誌。」傅khêng實心肝內chiok得意，mā知che ē hō͘伊ê權力koh進一坎。是講che khang-khòe，kám有影是黨直接指示--ê？」
「你放心mài想siuⁿ濟，好好仔做你ê立委，大頭家真欣賞你ê才調，而且mā真照顧你對岸ê投資。」翁講了，提一份黃色紙lok仔hō͘--伊。傅小影--一-下，kah伊臆--ê無差kài大碼。
Koh過兩三個月，立委chiūⁿ任。無意外，kah中國民眾黨加--起-來過半，立法院院長當然mā是黨提--去。
國民黨隨召集相關人士，chit擺絕對beh kā過去失--去ê權力奪--tńg-來。會議結果ê內容ùi企業調查，到要求國防機密ài交hō͘國會審查，koh到限制總統戒嚴權力，無所不至。
傅原底對中央政治有所顧慮，是講chit塊肉tī喙邊怎thang無食。翁總ē tī傅掠bē定ê時，用一杯酒、耳空邊一句細聲話、chéng頭仔輕輕仔挲loa̍h，kā伊ê心掠定。
「你chit款人才，無應該kan-na是地方頭人niā-niā。」Tī傅立委辦公室，兩人leh慶祝第一工chiūⁿ任。
「 你是講……無應該tī ka-choa̍h-siū內底做頭是m̄是--啊？」傅坦笑，雙手tī翁ê kha-chiah起狗鯊。
翁無回答，kan-na假無意閃去邊--a，kā桌仔頂斟好ê紅酒對喙脣送，chi̍p--一-喙了後，酒杯就tu hō͘傅。伊倚--來，一喙就hō͘ ta，空杯仔囥倒tī桌仔，雄雄kā翁攬tiâu-tiâu。無顧慮che是辦公室，m̄驚ē有人來挵門。喙舌就beh硬tu過翁ê喙內，見翁無反抗，傅愈來愈大膽，雙手tī胸前摸挲tēⁿ，揣真久chiah發現che衫鈕仔按怎tháu。
傅tī翁ê身體頂，看著kah in某無仝ê力量——m̄是獨獨面模仔ê súi-bái，是一種比伊koh-khah bat政治商場ê控制。伊真認bat權力khiú-la̍k ê節奏，mā真清楚按怎運用查某人ê優勢去說服一陣頭殼chhèng煙ê查埔人。
Chit一路行--來，in ê關係從來m̄是chhiāng拄chhiāng拄--著，iah是單純ê男女情，kan-na是大頭家背後操作ê一場反背國家ê前戲niā-niā。
立法院運作廢墜，mā是ùi in ê鬥陣開始。
※ ※ ※
傅ē-sái用「洄瀾王」ê名望入立法院，背後上主要ê chhui-sak者是國民黨主席朱歷圇。
Hit當時，傅出監了猶原koh leh拚勢重建勢力，對西爿ê政治箍仔無啥興趣，一直到某一日朱親自拜託，koh掛保證是不分區立委名單內第一名。
「傅兄弟，你若入--來，chit屆國會絕對有無仝ê表現。Lán有真重要ê代誌ài做伙舞chiah ē成。」朱口氣溫和，眼神soah真堅定，leh暗示啥mi̍h ê款。「黨需要一个真正bat實戰ê人，m̄-nā是hit種博士博，ài真正做代誌--ê。大頭家真看重--你。」
傅真giâu疑問：「大頭家？你是講……」
「你kám真正kā我排第一名？」
朱笑kah li̍h-sai-sai：「第一名，保送。M̄-nā規个東部系統需要你，chit擺黨部koh-khah需要你。你需要koh-khah大ê舞台，我hō͘--你。」
朱ê算盤tia̍k kah真精：傅雖bóng有前科，m̄-koh對基層掌控力kah使弄民粹語言有極koân ê利用價值。伊ē-sái替黨鬥爭、kā過去七、八冬失--去ê權力lóng揣--tńg-來，伊需要一个koh-khah敢死ê人。
傅真知che是一場交換niā-niā，chit款勢面kah操作真內行，mā知影chit場棋局家己是上kài gâu ī ê人，無人tòe伊ē著。
自伊答應了後，就開始張家己ê國會ka-choa̍h陣，北部羅盟才、徐巧芯、王鴻萎，中部陳超明、邱鎮鈞、謝懿鳳等等。所有當選ê立委lóng真知未來chit位總召集人ê角色，koh愈khah知chit擺是上尾一擺kā權力搶--tńg-來ê機會，而且有大頭家leh看。
靠中國民眾黨八个名額，國會過半，in強勢chhui-sak立法阮hùn權ê法案，預算m̄是刣就是先凍--起-來、成立國會調查委員會，要求台基電交出機密製程ê文件koh要求國防部提出軍事部署資料。
Khêng實，hit工飯局後，朱刁工酒杯攑--leh，倚近傅細聲仔講：「北京hit爿……真關心你ê發展。」
傅se̍h神規个人lóng iáu leh想翁ê身影，聽著北京隨精神問：「你是講大頭家？」
朱笑笑無講話，就離開。
※ ※ ※
傅拍開翁hō͘--伊ê黃色紙lok仔，內底有一份資料，頂頭有紅筆標記mā有頓王滬寧字號ê印仔：《佔領臺灣立法院制高點的統戰戰略要點》。傅ná看標題，手開始leh chhoah，m̄知是對che內容leh緊張，iah是hō͘中共看重歡喜kah leh chhoah。
斟酌讀了，chiah理解「中共需要一个心肝烏、手路雄ê人，tī立法院主導台灣內政，進一步hō͘人民失去民主自由，就親像香港án-ne。大頭家已經等bē赴--ah。」
傅想真久：「In beh ài--我？我kám有法度講mài？」
「In想beh有一个人有才調hō͘行政半the死、國防beh死盪幌、產業地基hō͘人挖空空、hō͘民眾感覺政治無leh做代誌ê國會。無m̄-tio̍h，無人比我上適合。」
傅原底對中共政治有所顧慮，總--是經過思考，chit份文件像一道命令——而且翁曉菱koh-khah像hō͘--伊--ê。翁tī伊耳仔邊講ê話、伊ê身體、伊ê眼神，lóng kā傅縛tiâu-tiâu，牽leh行。
中共早就kā伊列做《佔領臺灣立法院制高點的統戰戰略要點》chit份文件上理想ê代理人。另外一件心肝有顧慮--ê是tī中國南寧ê投資，萬不二中共無歡喜，凡勢母錢lóng提bē tńg--來。
伊，是無可能拒絕權力ê成長，而且有性ê滾絞。
※ ※ ※
傅tng-leh質詢行政院長：「阮國會是人民ê代表，是按怎行政單位處理無照人民ê意思？」後壁立委hoah聲tòe喙尾，規个國會失去正常談論ê空間，變做烏道耀武揚威ê所在。
傅chhui-sak一項立法院調查權強化法案，明文規定：凡若立法院院會決議ê調查案，企業法人必須ài tī五工內提交資料，違--者每日罰十萬箍罰金，一直到改正為止。
Chit步表面看--起-來是國會監督權ê延續，khêng實是利用過半ê優勢，介入企業經營kah股權爭奪ê「合法武器」。
M̄-nā án-ne，伊透過三讀，hō͘國防部ài將所有軍事機密，包括作戰計畫kah戰機、雷達部署，通報hō͘國防委員會。利用兩岸和平議題，提出修正公投法，新增條文禁止總統tī任何情況發佈戒嚴命令，剝削行政機關tī戰爭時ê調度。
Chia-ê法案經過傅幼路ê操作kah媒體ê妝thāⁿ，hō͘人叫做「民主和平三法」，總--是，一步一步kā三權分立kah國家安全ê最後防線拆了了。
傅kah翁合作真鬥搭，親像tī間碟電影ê雙人舞者——一人牽纏國會ê運作，一人負責轉達北京ê命令。
Tī立法院休息室ê深夜，翁曉菱phâng一杯拄泡好ê燒茶，笑笑仔講：「你現此時ê聲音，tī對岸lóng聽ē著。」
傅頭攑koân ná笑，聲音sau聲：「Che就是大頭家beh--ê，kám m̄是？Hō͘阮chhōa領中國國民黨。」
翁沓沓仔講：「你本來就屬於chit个位。你比siáng lóng清楚，台灣ê未來終其尾mā tio̍h-ài統一，che ài靠巧巧人來完成，真正願意做代誌ê人。」
伊行倚，tài鼓舞--伊ê目神，che hō͘傅規个人精神--起-來，「你chit款人，無應該是tī地方做王niā-niā。」
傅suh一口khùi，明知che話內底藏一寡牽chhiû kah控制，soah mā感受著過去m̄ bat hō͘ in某理解ê溫暖。
有一暝，傅kah翁做伙tī mo͘-té-luh駛車出--來，雄雄翁問傅：「假始我m̄是奉命接近--你……你kám ē kah意--我？」
傅規个人gāng--去，聲嗽放低：「你是講北京命令你接近--我，m̄是真心beh做伙？」
翁無回答，kan-na伸手tī伊ê手搭--兩-下。
※ ※ ※
隔tńg工，傅行入辦公室拄坐--落-來，翁隨sak門入來，手頭提一份簡報。「傅委員，che是北京方面上新ê命令，假始國民黨beh kā權力奪--tńg-來，án-ne ài ùi刣預算kah減少中配提著身份證ê年限開始。」
伊ná講ná掀文件，所有ê預算，無論企業補助、國防預算、家庭補助kah飼囝補助……lóng刣kah見血。
傅目頭kat-kat：「Che……kám ē siuⁿ過頭？」
翁ê眼神雄雄變一个人：「設使你做bē到，你tī寧波kah成都ê資產，恐驚一sián五厘mā提bē tńg--來。」伊tùn-teⁿ--一-下-仔，口氣變溫柔soah充滿威脅：「Koh有lán ê代誌，mā ē有人知影。」
傅看--伊，嚨喉ná hō͘人sǹg-ân-ân。Taⁿ，che勢面伊真早就知，只是想bē到hiah早就來。
Chit段曖昧ê關係，ùi權力利益開始，taⁿ是掛刀掛刺ê頭枷。
Chit暝，tńg來洄瀾ê厝，想beh好好仔歇睏。入門鞋仔未chêng褪好，傅ê某講：「你koh知thang tńg--來，最近m̄是真愛去立院開暗會？」
傅攑頭：「你是leh三八啥mi̍h？Leh癢--nih？」
徐攑手頭hit雙箸phiaⁿ--過，冷冷仔講：「Mài掠準我m̄知伊是siáng。Hām我身軀邊ê祕書lóng ài開始請示--伊，你是beh hō͘伊來hōaⁿ是--無？」
傅kat目頭：「你有縣長ê位，是因為我。你就繼續做你ê縣長，mài來chhap我中央ê代誌。」
桌仔頂ê電腦tng-leh播送伊kah翁tī mo͘-té-luh，做sán-khùi áu跤ê影像。兩人對看，一時無聲無話，徐冷笑一聲：「Ka-choa̍h有影啥mi̍h lóng愛食」，徛--起-來就大力摔門出--去。
（第一部煞，後期接sòa連載第二部）
