堅持
/ 林東榮
食老確實是無一項好，跤手慢鈍，記持bái，隨講隨bē記--得等等，beh寫ē-tàng寫規畚箕。Iáu-m̄-koh，獨獨對「堅持」tsit項有真大ê幫贊。
親像堅持「全時間講台語，全台語ê生活」。我自細漢就講台語，講久就慣勢，就án-ne一直講到tann。講台語，我一直是真堅持，無論去到佗位，啥mih款ê場合lóng仝款。不而過，在職ê時，各種ê活動kah場合lóng總beh堅持講台語，是有實際ê困難，有ê甚至iáu ē牽涉著飯碗。
食老就無sio-siāng--looh！活動mā khah少，講台語就khah免掛慮別人。我是24小時，一年365工，無論去到佗位、啥mih場合，去餐廳食飯，買mi̍h件，坐高鐵，坐bá-suh，公園散步，lóng是100%台語，tsiah-nī濟年來，m̄ bat拄著大問題。有tang時仔iáu ē拄著學台語ê人，順suà kā提醒--幾-句--leh。孫仔來tshit-thô，仝款kah伊講台語。Tshím起頭孫仔iáu bē-hiáu，沓沓仔就愈聽愈有、愈ē講。因為阿公tsiânn堅持，孫仔台語若聽無、bē-hiáu講，beh ti̍h啥就ē nőo-sut！
Koh來，對往來ê店頭，堅持一定是守法--ê。無守法ê店頭是隨kā拍出籠外，無beh交關、列入拒絕往來戶。親像mi̍h件排到外口、kâng鎮路ê店頭，kā亭仔跤做灶跤leh料理ê食si̍t店，商品無照標示--ê，服務siunn bái--ê，店員對弱勢看無目地--ê，路邊凊彩tshāi--leh就賣ê擔仔，服務bái ê計程車等等。好佳哉，台灣各行各業lóng真競爭，無一間是孤行獨市--ê，bē講因為堅持就無thang食、無tè買、無人服務。
而且堅持「決定--ê就一定做」。親像日課ê台譯，lóng有量約仔設一个目標，堅持一定tio̍h做完，做無到人mā ē感覺礙虐。親像出家人ê「一日不作，一日不食」án-ne。有人ē講：「老歲仔人是無需要追求啥mi̍h，thài tio̍h hiah-nī堅持？」Iáu-m̄-koh，就是因為tsit款ê堅持，台譯文一篇仔一篇走--出-來，面冊ê台文鋪文mā lóng維持一禮拜有兩、三篇。
食老，堅持就khah bē有問題，koh-khah ē-tàng規心做，成果ē好kah hōo你料想bē到。我to已經證明，你kám無愛做伙來？
親像堅持「全時間講台語，全台語ê生活」。我自細漢就講台語，講久就慣勢，就án-ne一直講到tann。講台語，我一直是真堅持，無論去到佗位，啥mih款ê場合lóng仝款。不而過，在職ê時，各種ê活動kah場合lóng總beh堅持講台語，是有實際ê困難，有ê甚至iáu ē牽涉著飯碗。
食老就無sio-siāng--looh！活動mā khah少，講台語就khah免掛慮別人。我是24小時，一年365工，無論去到佗位、啥mih場合，去餐廳食飯，買mi̍h件，坐高鐵，坐bá-suh，公園散步，lóng是100%台語，tsiah-nī濟年來，m̄ bat拄著大問題。有tang時仔iáu ē拄著學台語ê人，順suà kā提醒--幾-句--leh。孫仔來tshit-thô，仝款kah伊講台語。Tshím起頭孫仔iáu bē-hiáu，沓沓仔就愈聽愈有、愈ē講。因為阿公tsiânn堅持，孫仔台語若聽無、bē-hiáu講，beh ti̍h啥就ē nőo-sut！
Koh來，對往來ê店頭，堅持一定是守法--ê。無守法ê店頭是隨kā拍出籠外，無beh交關、列入拒絕往來戶。親像mi̍h件排到外口、kâng鎮路ê店頭，kā亭仔跤做灶跤leh料理ê食si̍t店，商品無照標示--ê，服務siunn bái--ê，店員對弱勢看無目地--ê，路邊凊彩tshāi--leh就賣ê擔仔，服務bái ê計程車等等。好佳哉，台灣各行各業lóng真競爭，無一間是孤行獨市--ê，bē講因為堅持就無thang食、無tè買、無人服務。
而且堅持「決定--ê就一定做」。親像日課ê台譯，lóng有量約仔設一个目標，堅持一定tio̍h做完，做無到人mā ē感覺礙虐。親像出家人ê「一日不作，一日不食」án-ne。有人ē講：「老歲仔人是無需要追求啥mi̍h，thài tio̍h hiah-nī堅持？」Iáu-m̄-koh，就是因為tsit款ê堅持，台譯文一篇仔一篇走--出-來，面冊ê台文鋪文mā lóng維持一禮拜有兩、三篇。
食老，堅持就khah bē有問題，koh-khah ē-tàng規心做，成果ē好kah hōo你料想bē到。我to已經證明，你kám無愛做伙來？
