監察院認定國語政策是錯誤
民團呼籲啟動語言正義工程
/ 語言轉型正義聯盟
監察院6/17公佈有關戰後「國語政策」kah《國家語言發展法》執行情形ê調查報告1，指出過去政府透過教育、行政kah媒體等制度性措施全面推動華語，造成台語、客語kah原住民族語等語言長期徛tī不利ê地位，而且致使跨世代ê語言流失。濟濟關心語言平權kah母語復振ê民間團體表示，tsit份報告m̄-nā是對台灣語言政策歷史ê重要檢視，koh突顯目前社會iáu需要積極面對語言無正義ê問題。
監察院調查指出，過去政府推行「國語運動」期間，m̄-nā tī校園內要求使用「國語」，也透過公務體系kah媒體管制等方式建立華語ê優勢地位。長期以來，本土語言tī教育、公共服務kah媒體中ê使用空間受限，真濟家庭漸漸無傳承母語hōo後一代，tsiânn做目前國家語言普遍面對使用人口老化kah世代斷層ê現象。
民間團體表示，監察院報告ê重要意義是正式確認：本土語言ê衰退m̄是單純社會自然演變ê結果，是kah過去國家語言政策ê制度安排密切相關。Tsit項認定hām聯合國kah國際語言人權學界長期提出ê觀點一致，也顯示語言流失問題bē-tàng kan-na kā原因歸tī家庭iah個人選擇。
過去真濟民眾因為tī學校、khang-khuè場iah公共場合使用母語受著糾正、處罰iah歧視，甚至沓沓仔產生母語比人khah細漢ê錯誤印象。Tsit種語言階層化現象m̄-nā傷害族群文化傳承，也違反現代民主國家ài保障人民語言權利ê基本原則。
今年5月初有超過40个民間團體2連署要求kā華語改做選修。多語並存絕對m̄是治理負擔，顛倒是社會韌性必要基礎。事實上，聯合國秘書處使用兩種工作語言、六種法律語言而且運作順利。Luxembourg（『盧森堡』）mā tī教育、行政、司法文書上制度化保障三種語言。就án-ne kā政府運作建立tī單一語言霸權，是過時ê民族國家想像。終止違法ê強制華語教育，tsiah是法治國ê根本。
對tse，民間團體呼籲政府：
一、政府ài正式承認歷史錯誤，公開會失禮：
監察院調查報告已經指出，過去ê「國語政策」透過教育、行政kah媒體等制度力量，造成各族群母語使用空間受壓縮，而且致使跨世代語言流失。政府ài比照過去對威權統治、白色恐怖kah其他歷史無正義事件ê處理方式，正式kā因為語言政策受著傷害ê人民kah族群公開會失禮，承認國家bat有語言無平等kah語言同化政策。
二、行政院長ài比照性平會，成立「語言平等委員會」
語言平等牽涉教育、文化、司法、衛福、勞動、國防、數位發展等跨部會事務，目前欠缺統籌機制。阮要求行政院比照性別平等委員會模式，成立院級「語言平等委員會」，由行政院長親身召集，統整各部會資源，定期檢視《國家語言發展法》落實情形kah語言平權政策推動進度。
三、全面檢討而且修正語言歧視相關ê法規kah行政措施
監察院已經指出，目前iáu有大量法規kah行政命令保留過去單一語言政策思維，kah《國家語言發展法》告示ê語言平等原則sio-ke̍h。阮要求行政院即時進行跨部會法規清點，限期完成修正，消除所有制度性語言歧視kah語言階層觀念，hōo國家法制體系真正符合語言平權精神。
四、Mài強迫囡仔學習華語，落實聯合國《反教育歧視公約》 ê教育自主權
台灣本tsiânn華語bē通。主計處2020年統計，超過八成國人iáu講兩種以上ê語言，顯示多語台灣tsiah是tsit-má真實ê情形。M̄-koh長期以來，義務教育suah強迫學生kan-na ē-tàng用華語做主要ê學習語言，無法度用各本土語學習數學、社會、自然等科。國家考試kah政府文書也排除其他國家語言。造成「多數人民納稅，suah hông用來sńg-tn̄g家己ê語言文化」tsit款hàm古ê制度，致使公孫仔講話bē通。無ha̍h民主國家公平分配教育資源、保障自由發展文化人格ê精神。
記者會出席名單：
監察院調查指出，過去政府推行「國語運動」期間，m̄-nā tī校園內要求使用「國語」，也透過公務體系kah媒體管制等方式建立華語ê優勢地位。長期以來，本土語言tī教育、公共服務kah媒體中ê使用空間受限，真濟家庭漸漸無傳承母語hōo後一代，tsiânn做目前國家語言普遍面對使用人口老化kah世代斷層ê現象。
民間團體表示，監察院報告ê重要意義是正式確認：本土語言ê衰退m̄是單純社會自然演變ê結果，是kah過去國家語言政策ê制度安排密切相關。Tsit項認定hām聯合國kah國際語言人權學界長期提出ê觀點一致，也顯示語言流失問題bē-tàng kan-na kā原因歸tī家庭iah個人選擇。
過去真濟民眾因為tī學校、khang-khuè場iah公共場合使用母語受著糾正、處罰iah歧視，甚至沓沓仔產生母語比人khah細漢ê錯誤印象。Tsit種語言階層化現象m̄-nā傷害族群文化傳承，也違反現代民主國家ài保障人民語言權利ê基本原則。
今年5月初有超過40个民間團體2連署要求kā華語改做選修。多語並存絕對m̄是治理負擔，顛倒是社會韌性必要基礎。事實上，聯合國秘書處使用兩種工作語言、六種法律語言而且運作順利。Luxembourg（『盧森堡』）mā tī教育、行政、司法文書上制度化保障三種語言。就án-ne kā政府運作建立tī單一語言霸權，是過時ê民族國家想像。終止違法ê強制華語教育，tsiah是法治國ê根本。
對tse，民間團體呼籲政府：
一、政府ài正式承認歷史錯誤，公開會失禮：
監察院調查報告已經指出，過去ê「國語政策」透過教育、行政kah媒體等制度力量，造成各族群母語使用空間受壓縮，而且致使跨世代語言流失。政府ài比照過去對威權統治、白色恐怖kah其他歷史無正義事件ê處理方式，正式kā因為語言政策受著傷害ê人民kah族群公開會失禮，承認國家bat有語言無平等kah語言同化政策。
二、行政院長ài比照性平會，成立「語言平等委員會」
語言平等牽涉教育、文化、司法、衛福、勞動、國防、數位發展等跨部會事務，目前欠缺統籌機制。阮要求行政院比照性別平等委員會模式，成立院級「語言平等委員會」，由行政院長親身召集，統整各部會資源，定期檢視《國家語言發展法》落實情形kah語言平權政策推動進度。
三、全面檢討而且修正語言歧視相關ê法規kah行政措施
監察院已經指出，目前iáu有大量法規kah行政命令保留過去單一語言政策思維，kah《國家語言發展法》告示ê語言平等原則sio-ke̍h。阮要求行政院即時進行跨部會法規清點，限期完成修正，消除所有制度性語言歧視kah語言階層觀念，hōo國家法制體系真正符合語言平權精神。
四、Mài強迫囡仔學習華語，落實聯合國《反教育歧視公約》 ê教育自主權
台灣本tsiânn華語bē通。主計處2020年統計，超過八成國人iáu講兩種以上ê語言，顯示多語台灣tsiah是tsit-má真實ê情形。M̄-koh長期以來，義務教育suah強迫學生kan-na ē-tàng用華語做主要ê學習語言，無法度用各本土語學習數學、社會、自然等科。國家考試kah政府文書也排除其他國家語言。造成「多數人民納稅，suah hông用來sńg-tn̄g家己ê語言文化」tsit款hàm古ê制度，致使公孫仔講話bē通。無ha̍h民主國家公平分配教育資源、保障自由發展文化人格ê精神。
記者會出席名單：
- 中央研究院歐美所洪子偉研究員
- 基督教長老教會總會 Rii Tjaljimaraw／日依·達里瑪勞牧師
- 基督教長老教會原民宣教會 Walis Tusang／廖尚節傳道師（賽德克族群區會）
- 基督教長老教會原民宣教會 黃春玲 傳道師（鄒族群區會）
- 基督教長老教會原民宣教會 柯培恩傳道師（魯凱中會）
- 基督教長老教會原民宣教會 Iyu Lekal／高佩諭姊妹
- 台灣台語路協會辜泳妍理事
- 台語政策推動聯盟許慧盈召集人
- 李江却台語文教基金會 賴昭男副執行長
監察院調查報告全文連結：https://cybsbox.cy.gov.tw/CYBSBoxSSL/edoc/download/74513
1 編註：Tse是是頭一个由官方提出，承認過去「國語政策」是國家造成ê錯誤，而且違反人權公約。Tse是tsiânn關鍵ê定位，因為若承認問題是國家造成，就bē-sái kan-na靠家庭，需要國家全面檢討、來修復。
2 完整名單請看：stoplanguagediscrimination.blogspot.com/
2 完整名單請看：stoplanguagediscrimination.blogspot.com/
