狗蟻
/ 藍春瑞
規天紅霞ê beh暗仔，我散步去一搭khu̍t-khu̍t無發kah半枝草ê山崙仔頂，tsiah beh坐起去根盤有àu一空ê樟仔跤，雄雄去影著規tsuā頭尾sio連ê狗蟻像紅絲線án-ne tuì樹空內底ê siū牽出來到外口，有夯mi̍h件--ê、也有空手--ê，kánn-ná tsiânn無閒ê款。我伸跤輕仔去撥in leh行ê路痕仔tsiah一下niā-niā，規陣狗蟻ê跤步即時亂--去，有淡薄仔掠狂、驚惶ê勢面，m̄-koh兩三秒就隨回魂tńg來uân-á照扛、照行，lóng無tsùn-būn--著，我刁工伸跤koh kā huê一改，in mā是hit个樣。
按頭到尾，逐隻狗蟻tsiâu堅心做家己ê khang-khuè，一个接一个lóng bē去sio-kenn--著，心亂是一時，無人tùn-tenn、停睏。
一个kat，若tháu bē開纏tī心肝頭，應該ài學狗蟻先kā khioh去邊--a，猶原照舊leh行踏做khang-khuè，tsiah是好步數。比一个例來講，凝心、鬱卒原本就是一个oh tháu放ê死kat，了khuì力去想，是搬石頭khian家己ê跤盤，疼kah hiu-hiu叫ke tso心niā-niā，無人ē可憐--你。啊若tàn去壁跤據在伊去ing-ia生phú，有生kā準無pū，顛倒心肝頭khah快活、khang-khuè順pān，khah ē無愛án-ne做--leh？
反倒tńg來講，人若tng-leh無聊、孤單ê時tsūn，無人來亂、無人tī邊--a iau飽吵，拄好ē-sái稽考以早、把握現時、拍算後過，mā thang去想做人ê義理、做代誌ê撇步，勻勻仔khîng、khuann-khuann仔li̍k，無的確有無仝款ê理路、新ê開破。Iáu ē-tàng趁tsit个流擺，看淡薄仔冊、hē寡心神來斟酌活tī tsit个世間ê意義，久--來ke減ē收成、有所得，總比為著無聊、孤單leh鬱卒、凝心khah讚、khah有出脫。論真來講，無聊、孤單是臨時臨iāu tsiah有ê心情，liam-mi就走無看見影去--ah，mê角是lán beh按怎去kah伊對看、排解niā-niā。
Tsit段kah狗蟻對ke̍h ê過往，kan-na伸跤幌tín動lóng無講kah半句話，顛倒kā我拍精神--起-來，hōo我tī凝心、鬱卒ê時tsūn，翻頭去看bih tī無聊、孤單tsit个siáu鬼仔殼ê kha-tshng後另外一款無sio-siāng ê真面目，是我早前m̄ bat頂真去想--過ê代誌，就準講家己一个人親像做眠夢án-ne leh烏白想，mā比規陣lim酒、開講練痟話khah爽快，寫大字、看冊是我hit-tang-tsūn上興去做ê議量，我bē愛去管別人leh pìnn啥空頭，mā bē鼓吹別人做kah我仝款ê代誌，隨人--ê隨人好，ē適應就是讚！
按頭到尾，逐隻狗蟻tsiâu堅心做家己ê khang-khuè，一个接一个lóng bē去sio-kenn--著，心亂是一時，無人tùn-tenn、停睏。
一个kat，若tháu bē開纏tī心肝頭，應該ài學狗蟻先kā khioh去邊--a，猶原照舊leh行踏做khang-khuè，tsiah是好步數。比一个例來講，凝心、鬱卒原本就是一个oh tháu放ê死kat，了khuì力去想，是搬石頭khian家己ê跤盤，疼kah hiu-hiu叫ke tso心niā-niā，無人ē可憐--你。啊若tàn去壁跤據在伊去ing-ia生phú，有生kā準無pū，顛倒心肝頭khah快活、khang-khuè順pān，khah ē無愛án-ne做--leh？
反倒tńg來講，人若tng-leh無聊、孤單ê時tsūn，無人來亂、無人tī邊--a iau飽吵，拄好ē-sái稽考以早、把握現時、拍算後過，mā thang去想做人ê義理、做代誌ê撇步，勻勻仔khîng、khuann-khuann仔li̍k，無的確有無仝款ê理路、新ê開破。Iáu ē-tàng趁tsit个流擺，看淡薄仔冊、hē寡心神來斟酌活tī tsit个世間ê意義，久--來ke減ē收成、有所得，總比為著無聊、孤單leh鬱卒、凝心khah讚、khah有出脫。論真來講，無聊、孤單是臨時臨iāu tsiah有ê心情，liam-mi就走無看見影去--ah，mê角是lán beh按怎去kah伊對看、排解niā-niā。
Tsit段kah狗蟻對ke̍h ê過往，kan-na伸跤幌tín動lóng無講kah半句話，顛倒kā我拍精神--起-來，hōo我tī凝心、鬱卒ê時tsūn，翻頭去看bih tī無聊、孤單tsit个siáu鬼仔殼ê kha-tshng後另外一款無sio-siāng ê真面目，是我早前m̄ bat頂真去想--過ê代誌，就準講家己一个人親像做眠夢án-ne leh烏白想，mā比規陣lim酒、開講練痟話khah爽快，寫大字、看冊是我hit-tang-tsūn上興去做ê議量，我bē愛去管別人leh pìnn啥空頭，mā bē鼓吹別人做kah我仝款ê代誌，隨人--ê隨人好，ē適應就是讚！
（Tsit篇文章bat刊tī教育部電子報，漢羅用字有調整，原文網址：https://reurl.cc/Dx27GE）
