種綠竹筍ê穡頭
/ 黃子育
我tsit个都市sông（後頭厝踮艋舺ê加蚋仔〈Ka-la̍h-á〉）嫁來五股坑tsit个庄跤所在，tshím頭仔真bē慣勢，蹛久--ah，suah hōo我感覺小可驕傲，因為阮兜有出竹筍！
五股坑tī觀音山跤，蹛tsia--ê大部份是作田人，除了ke減有種寡菜，上濟--ê就是種筍仔，綠竹筍占大部份，阮無講種竹筍，講「做竹跤」。
自從嫁入門了後，看ta-kuann做竹跤，我tsiah了解是按怎綠竹筍ê價siàu hiah-nī kuân，做竹跤是夭壽辛苦ê代誌。我tiānn-tiānn講m̄-thang嫌綠竹筍價siàu kuân，產期ê時該割竹筍ê日子，bē-sái貧惰，今仔日無割，明仔載就出青。出青ê筍仔ē苦，價siàu就無好。筍期大部份是熱天，天拄拆ha̍h就ài出門，無，等日頭出--來--ah，ē tsiok熱--ê。若種khah大phiàn--ê，有tang時天iáu未光就出門，ài戴頭燈，照竹phō揣筍仔。割竹筍ê時，beh按怎看佗位有竹筍--neh？竹phō若看著有一搭溼溼tâm-tâm iah是pit--開，iah開看，一定有筍仔thang割。
免割竹筍ê時，ài剉老頭（翻tńg年新筍tsiah有空間發）。剉老頭是tsiok食力ê khang-khuè，有時剉一phō ê老頭ài兩三點鐘，老頭koh tīng-khok-khok，he m̄是快活ê穡頭。
倚舊曆年hit跤兜，ài開窟仔hē肥，tsit个時tsūn上好是落寡雨，kā肥料發酵湠出養份，肥hē好，koh來就ài開始khau草。Kā khau--落-來ê草囥落去窟仔內底，筍仔園ê草khau好，án-ne就ē-sái khàm--起-來，等到差不多倚五月節hit時就開始有竹筍好割--ah！
竹筍大出有兩个時tsūn，一个是大筍期，一个是秋仔筍期。去菜市仔買竹筍beh按怎揀--neh？頭先上重要--ê ài無出青，上好是小可khiau-khiau--ê，tsit種「上筍」價siàu好，品質讚，食--起-來kánn-ná食水梨仔清甜。尾溜淡薄出青是「中筍」，食--起-來mā bē-bái，啊若出青超過一半以上，hit種「下筍」上俗，m̄-koh有人愛食苦甘苦甘ê滋味︐ē買tsit款--ê，價siàu koh俗。其實下筍peh殼sa̍h-sa̍h--leh kā水倒掉，若食--起-來iáu tsiok苦，koh sa̍h一擺，一般sa̍h過兩擺就無啥ē苦--ah，án-ne sa̍h--過tsiah來料理mā是好食kah！菜市仔若看著殼peh好--ê，大部份lóng是出青--ê。Beh買俗貨，mā ài ē-hiáu揀，盡量揀khah白--ê，筍尾色水愈黃--ê愈苦。
白露過了後，竹筍ê產量漸漸減少，tsit時，ài開始留筍母，kánn-ná傳宗接代ê意思。開始留筍母了後割ê竹筍khah細枝，若無出青，細枝煮--起-來mā好食。下筍ê量khah濟，天氣若好就曝筍乾，無，就做脆筍。竹筍大出ê時，有tang仔ē kânn殼sa̍h好提去真空包裝。
竹筍ê料理百百款，另工tsiah-koh寫一篇來介紹。
五股坑tī觀音山跤，蹛tsia--ê大部份是作田人，除了ke減有種寡菜，上濟--ê就是種筍仔，綠竹筍占大部份，阮無講種竹筍，講「做竹跤」。
自從嫁入門了後，看ta-kuann做竹跤，我tsiah了解是按怎綠竹筍ê價siàu hiah-nī kuân，做竹跤是夭壽辛苦ê代誌。我tiānn-tiānn講m̄-thang嫌綠竹筍價siàu kuân，產期ê時該割竹筍ê日子，bē-sái貧惰，今仔日無割，明仔載就出青。出青ê筍仔ē苦，價siàu就無好。筍期大部份是熱天，天拄拆ha̍h就ài出門，無，等日頭出--來--ah，ē tsiok熱--ê。若種khah大phiàn--ê，有tang時天iáu未光就出門，ài戴頭燈，照竹phō揣筍仔。割竹筍ê時，beh按怎看佗位有竹筍--neh？竹phō若看著有一搭溼溼tâm-tâm iah是pit--開，iah開看，一定有筍仔thang割。
免割竹筍ê時，ài剉老頭（翻tńg年新筍tsiah有空間發）。剉老頭是tsiok食力ê khang-khuè，有時剉一phō ê老頭ài兩三點鐘，老頭koh tīng-khok-khok，he m̄是快活ê穡頭。
倚舊曆年hit跤兜，ài開窟仔hē肥，tsit个時tsūn上好是落寡雨，kā肥料發酵湠出養份，肥hē好，koh來就ài開始khau草。Kā khau--落-來ê草囥落去窟仔內底，筍仔園ê草khau好，án-ne就ē-sái khàm--起-來，等到差不多倚五月節hit時就開始有竹筍好割--ah！
竹筍大出有兩个時tsūn，一个是大筍期，一个是秋仔筍期。去菜市仔買竹筍beh按怎揀--neh？頭先上重要--ê ài無出青，上好是小可khiau-khiau--ê，tsit種「上筍」價siàu好，品質讚，食--起-來kánn-ná食水梨仔清甜。尾溜淡薄出青是「中筍」，食--起-來mā bē-bái，啊若出青超過一半以上，hit種「下筍」上俗，m̄-koh有人愛食苦甘苦甘ê滋味︐ē買tsit款--ê，價siàu koh俗。其實下筍peh殼sa̍h-sa̍h--leh kā水倒掉，若食--起-來iáu tsiok苦，koh sa̍h一擺，一般sa̍h過兩擺就無啥ē苦--ah，án-ne sa̍h--過tsiah來料理mā是好食kah！菜市仔若看著殼peh好--ê，大部份lóng是出青--ê。Beh買俗貨，mā ài ē-hiáu揀，盡量揀khah白--ê，筍尾色水愈黃--ê愈苦。
白露過了後，竹筍ê產量漸漸減少，tsit時，ài開始留筍母，kánn-ná傳宗接代ê意思。開始留筍母了後割ê竹筍khah細枝，若無出青，細枝煮--起-來mā好食。下筍ê量khah濟，天氣若好就曝筍乾，無，就做脆筍。竹筍大出ê時，有tang仔ē kânn殼sa̍h好提去真空包裝。
竹筍ê料理百百款，另工tsiah-koh寫一篇來介紹。
（後期接suà刊出作者寫ê〈竹筍料理〉）
