路邊ê埔姜仔栽
/ 賴羿均
Hit日仔牽狗仔出去散步，看著路邊ê空地仔有幾欉埔姜仔。正當花期，日頭下跤紫色ê花開滿樹頭，tuè風吹勻勻仔搖，tsiânn實好看。Tsit幾欉埔姜樹型tsiânn好，發kah真整齊，看--起-來是有人特別leh照顧，m̄是野生ê樹欉。
Se̍h一輾tńg--來，遠遠--ā看著有兩位大姊leh剉埔姜。連枝帶葉剉--落-來，ná剉koh ná khioh，看--起-來m̄是單純leh修剪。因為hònn玄，我就去問：「Lín剉埔姜是beh做啥mi̍h？」「Tse是beh來pōng弓蕉--ê。」大姊án-ne講。
Pōng水果，就是用人工ê手法hōo水果由生轉熟。有一寡水果，親像弓蕉、木瓜、檨仔，若是在欉黃tsiah挽，軟軟ê水果gâu靠傷，無好運輸。所以一般lán lóng ài tī生果ê時tsūn就挽--落-來。生果tīng-tīng khah好運輸，但是無法度直接提來食，所以beh賣進前koh ài過pōng，生果tsiah ē軟。Lán tī市場看--著ê弓蕉，lóng是án-ne來--ê。
Lán市面上leh pōng水果，大部份是用電塗（CaC2）pōng--ê。電塗用報紙包--起-來，kā水果同齊hē落紙箱內底，兩三日了後就ē-sái--ah。「用埔姜葉pōng khah安全--lah！」一个大姊án-ne講。「埔姜葉mā khah芳，電塗tsiok臭--ê--neh。」
埔姜ê葉看--起-來tsiok成大麻葉，一片葉仔有三到七片ê小葉，看--起-來親像人thián開ê手pôo，kah大麻ê差別是埔姜ê小葉無像大麻tsiah濟khih角。若用手挲挲--leh，ē鼻著一款特殊ê芳味。人講埔姜ê芳味ē-sái薰蠓蟲，點火tshìng煙ē-sái hōo蠓仔m̄敢倚近，所以伊koh有一个名，號做「蠓仔柴」。
「弓蕉是按怎用埔姜葉pōng--ê？」我繼續kā問。「你就提紙箱仔，下跤tshu一勻埔姜葉，弓蕉囥--入-去，頂kuân koh khàm一勻埔姜葉，紙箱khàm hōo好，án-ne就ē-sái--ah。」「Án-ne m̄就kah pōng檨仔仝款？」我想著以前tuè阿媽去後山頭，用keh仔剉埔姜葉pōng金煌，mā是用紙箱té生金煌，頂kuân koh囥埔姜葉，紙箱khàm hōo ba̍t。等--幾-日-仔，金煌軟--ah就ē-sái刣來食。用埔姜葉pōng ê檨仔，鼻--起-來會有埔姜ê味，tī市面上ê檨仔是無tsit款芳khuì--ê。
「Tio̍h--啊，你ē-hiáu pōng檨仔，就ē pōng弓蕉，lóng仝款--lah！」Ná講話，in手頭ê khang-khuè mā做kah差不多--ah。原本青翠ê樹頭，剉kah賰三份一，看--起-來清清氣氣。Tsit兩位大姊是真內行，lóng無剪著重要ê樹枝，莫怪樹型維持kah tsiah好。
「以前tsiok濟野生--ê，tsit-má lóng無看--著--ah。Tsit幾欉lóng是我家己特別去買來栽--ê。」大姊kā剉--落-來ê樹ue khioh hōo齊，兩个人準備beh tńg--去。「Tsit款好mi̍h件ài tī庄跤tsiah有--lah，tsit-má愈來愈少--ah。」埔姜一般是發tī山坪iah是空地仔，日頭ài有夠炎。細漢tuè阿媽去後山，若是有樹ńg ê所在，埔姜是bē發--ê。有看著埔姜ê所在，lóng是日頭有夠ê空地仔。Tsit-má市內ê空地仔是愈來愈少，莫怪大姊koh ài特別揣來種。
Tsit-má人食水果，lóng mā是去超市買便--ê，無偌濟人為著beh食一喙水果，ē特別家己種。商業上為著穩定，用電塗方便koh緊，有法度pōng大量ê水果。用埔姜葉pōng水果ê方法，一般是tī庄跤家己種、家己食tsiah ē用，自然就慢慢失--去。無想著iáu有人為著想beh食弓蕉，特別栽埔姜來用，kā tsit款古法恬恬留--落-來。
Se̍h一輾tńg--來，遠遠--ā看著有兩位大姊leh剉埔姜。連枝帶葉剉--落-來，ná剉koh ná khioh，看--起-來m̄是單純leh修剪。因為hònn玄，我就去問：「Lín剉埔姜是beh做啥mi̍h？」「Tse是beh來pōng弓蕉--ê。」大姊án-ne講。
Pōng水果，就是用人工ê手法hōo水果由生轉熟。有一寡水果，親像弓蕉、木瓜、檨仔，若是在欉黃tsiah挽，軟軟ê水果gâu靠傷，無好運輸。所以一般lán lóng ài tī生果ê時tsūn就挽--落-來。生果tīng-tīng khah好運輸，但是無法度直接提來食，所以beh賣進前koh ài過pōng，生果tsiah ē軟。Lán tī市場看--著ê弓蕉，lóng是án-ne來--ê。
Lán市面上leh pōng水果，大部份是用電塗（CaC2）pōng--ê。電塗用報紙包--起-來，kā水果同齊hē落紙箱內底，兩三日了後就ē-sái--ah。「用埔姜葉pōng khah安全--lah！」一个大姊án-ne講。「埔姜葉mā khah芳，電塗tsiok臭--ê--neh。」
埔姜ê葉看--起-來tsiok成大麻葉，一片葉仔有三到七片ê小葉，看--起-來親像人thián開ê手pôo，kah大麻ê差別是埔姜ê小葉無像大麻tsiah濟khih角。若用手挲挲--leh，ē鼻著一款特殊ê芳味。人講埔姜ê芳味ē-sái薰蠓蟲，點火tshìng煙ē-sái hōo蠓仔m̄敢倚近，所以伊koh有一个名，號做「蠓仔柴」。
「弓蕉是按怎用埔姜葉pōng--ê？」我繼續kā問。「你就提紙箱仔，下跤tshu一勻埔姜葉，弓蕉囥--入-去，頂kuân koh khàm一勻埔姜葉，紙箱khàm hōo好，án-ne就ē-sái--ah。」「Án-ne m̄就kah pōng檨仔仝款？」我想著以前tuè阿媽去後山頭，用keh仔剉埔姜葉pōng金煌，mā是用紙箱té生金煌，頂kuân koh囥埔姜葉，紙箱khàm hōo ba̍t。等--幾-日-仔，金煌軟--ah就ē-sái刣來食。用埔姜葉pōng ê檨仔，鼻--起-來會有埔姜ê味，tī市面上ê檨仔是無tsit款芳khuì--ê。
「Tio̍h--啊，你ē-hiáu pōng檨仔，就ē pōng弓蕉，lóng仝款--lah！」Ná講話，in手頭ê khang-khuè mā做kah差不多--ah。原本青翠ê樹頭，剉kah賰三份一，看--起-來清清氣氣。Tsit兩位大姊是真內行，lóng無剪著重要ê樹枝，莫怪樹型維持kah tsiah好。
「以前tsiok濟野生--ê，tsit-má lóng無看--著--ah。Tsit幾欉lóng是我家己特別去買來栽--ê。」大姊kā剉--落-來ê樹ue khioh hōo齊，兩个人準備beh tńg--去。「Tsit款好mi̍h件ài tī庄跤tsiah有--lah，tsit-má愈來愈少--ah。」埔姜一般是發tī山坪iah是空地仔，日頭ài有夠炎。細漢tuè阿媽去後山，若是有樹ńg ê所在，埔姜是bē發--ê。有看著埔姜ê所在，lóng是日頭有夠ê空地仔。Tsit-má市內ê空地仔是愈來愈少，莫怪大姊koh ài特別揣來種。
Tsit-má人食水果，lóng mā是去超市買便--ê，無偌濟人為著beh食一喙水果，ē特別家己種。商業上為著穩定，用電塗方便koh緊，有法度pōng大量ê水果。用埔姜葉pōng水果ê方法，一般是tī庄跤家己種、家己食tsiah ē用，自然就慢慢失--去。無想著iáu有人為著想beh食弓蕉，特別栽埔姜來用，kā tsit款古法恬恬留--落-來。
