大水真艱苦， 無水koh-khah苦
/ 陳春美
「天公伯--à！你mā khah好心好行--leh，雨落拄好就好，mài舞tsit款透流生狂湧ê齣頭，hōo人心驚膽hiannh，m̄-nā ài kah tshuah流ê大水走sio-jiok，koh舞kah害人弄家散宅，“人掠、厝拆，雞仔鳥仔走kah無半隻。”」2025年9--月花蓮馬太鞍1溪崩山湖ê事件，害光復鄉kah鳳林鄉ê村民，進無步退無路，叫天天bē應、叫地地bē靈ê悽慘代，hōo阮ná看新聞ná替in祈禱，ǹg望hia ê村民ē-tàng平安無代誌。
看別人想家己，將心比心，落尾阮就kah幾若个同事sio招，有錢出錢、有力出力，做伙捐錢koh去hia tàu-sann-kāng，看著一sì-kè jû-tsháng-tsháng koh siûnn-lap-lap，ainnh！苦瓜煮鰱魚kah tāi仔——可憐代--ooh！有影是「人gâu，天leh做對頭」。好佳哉lán台灣人lóng tsiânn有疼心，來tàu幫贊ê人，就ná像溢來溢去ê海水，beh離開ê時koh kā家私頭仔留tī hia，hōo另外一陣來tàu無閒ê人利便使用，tsit款貼心ê人情味，正是台灣上suí ê風景。
大水真艱苦，無水koh-khah苦，mā hōo我想起tsiânn濟年前，我去新加坡tshit-thô ê代誌。一下tsiūnn車導遊就隨hōo阮一人一罐水，水ná pun喙ná唸講：「慢且lim--őo！」因為我普通時仔就tsiok重lim水，伊話iáu未出喙，我水就栽半罐落--去--ah。
Suà--落伊講：「Tú-tsiah hōo--lín
--ê是再生水，是kā阮用--過ê水，經過千萬擺ê過濾所生產--出-來ê水，lín ē-tàng安心仔lim，m̄-koh mā是ài hōo lín知影，he內底有屎尿、有洗東洗西ê lah-sap水，用--過了後lóng積做伙處理，循環koh再利用，原因是阮無像lín台灣人hiah好命，用水hiah利便。阮ê水是kā馬來西亞買--ê，阮m̄知tī-tang時ē “得失土地公，飼無雞”，m̄知tī-tang時in ē pìnn面，水suah無愛賣hōo--阮，就án-ne阮ê政府決定 “好天tio̍h先積雨來糧”，先tshuân leh等，khah免到時tshuah leh等，tsiah ē hē重本設廠做再生水。」
伊話iáu未講煞，我就kiōng-beh吐--出-來--ah。伊koh講：「Lín若因為無水thang lim，性命就beh hua--去。Tsit款水，lín beh lim--無？」
啊若講著無水ê艱苦，對我來講，有tsiânn深ê體驗。幾若冬前，阮阿公失智，阮lóng ài輪流tńg去照顧--伊。有一改我tng beh kā伊換尿tsū仔，伊suah雄雄kā tshuah--落-來，當做tshit-thô-mih仔sa leh烏白揮，舞kah屎kō kah規身軀，連壁kah塗跤mā有，規房間臭mooh-mooh。哪知 “人衰，種pû仔生菜瓜”，hit站仔拄好khó-huānn欠水，用水有限制，厝內儉ê水無夠用，我走幾若間超市lóng買無水，姑不而將sì-kè去kā人pun水tńg來洗。Hit款無水ê痛苦，到tann iáu深深tiâu tī我ê頭殼內，真正是「話若beh講透機，目屎就pué bē離。」
疼惜lán ê地球，珍惜水資源，uì lán ê日常生活來做起。做好tshuā頭，教lán ê囡仔養成省水儉水ê習慣。「三人仝一心，烏塗變成金」，kā水當做金仔惜lio̍h仔用，相信lán bē有新加坡hit款ài kā人買水ê艱苦，mā bē有像我hit改無水thang kā阿公洗tn̄g ê痛苦。上落尾，祝福lán逐个人lóng有使用水資源ê智慧。
看別人想家己，將心比心，落尾阮就kah幾若个同事sio招，有錢出錢、有力出力，做伙捐錢koh去hia tàu-sann-kāng，看著一sì-kè jû-tsháng-tsháng koh siûnn-lap-lap，ainnh！苦瓜煮鰱魚kah tāi仔——可憐代--ooh！有影是「人gâu，天leh做對頭」。好佳哉lán台灣人lóng tsiânn有疼心，來tàu幫贊ê人，就ná像溢來溢去ê海水，beh離開ê時koh kā家私頭仔留tī hia，hōo另外一陣來tàu無閒ê人利便使用，tsit款貼心ê人情味，正是台灣上suí ê風景。
大水真艱苦，無水koh-khah苦，mā hōo我想起tsiânn濟年前，我去新加坡tshit-thô ê代誌。一下tsiūnn車導遊就隨hōo阮一人一罐水，水ná pun喙ná唸講：「慢且lim--őo！」因為我普通時仔就tsiok重lim水，伊話iáu未出喙，我水就栽半罐落--去--ah。
Suà--落伊講：「Tú-tsiah hōo--lín
--ê是再生水，是kā阮用--過ê水，經過千萬擺ê過濾所生產--出-來ê水，lín ē-tàng安心仔lim，m̄-koh mā是ài hōo lín知影，he內底有屎尿、有洗東洗西ê lah-sap水，用--過了後lóng積做伙處理，循環koh再利用，原因是阮無像lín台灣人hiah好命，用水hiah利便。阮ê水是kā馬來西亞買--ê，阮m̄知tī-tang時ē “得失土地公，飼無雞”，m̄知tī-tang時in ē pìnn面，水suah無愛賣hōo--阮，就án-ne阮ê政府決定 “好天tio̍h先積雨來糧”，先tshuân leh等，khah免到時tshuah leh等，tsiah ē hē重本設廠做再生水。」
伊話iáu未講煞，我就kiōng-beh吐--出-來--ah。伊koh講：「Lín若因為無水thang lim，性命就beh hua--去。Tsit款水，lín beh lim--無？」
啊若講著無水ê艱苦，對我來講，有tsiânn深ê體驗。幾若冬前，阮阿公失智，阮lóng ài輪流tńg去照顧--伊。有一改我tng beh kā伊換尿tsū仔，伊suah雄雄kā tshuah--落-來，當做tshit-thô-mih仔sa leh烏白揮，舞kah屎kō kah規身軀，連壁kah塗跤mā有，規房間臭mooh-mooh。哪知 “人衰，種pû仔生菜瓜”，hit站仔拄好khó-huānn欠水，用水有限制，厝內儉ê水無夠用，我走幾若間超市lóng買無水，姑不而將sì-kè去kā人pun水tńg來洗。Hit款無水ê痛苦，到tann iáu深深tiâu tī我ê頭殼內，真正是「話若beh講透機，目屎就pué bē離。」
疼惜lán ê地球，珍惜水資源，uì lán ê日常生活來做起。做好tshuā頭，教lán ê囡仔養成省水儉水ê習慣。「三人仝一心，烏塗變成金」，kā水當做金仔惜lio̍h仔用，相信lán bē有新加坡hit款ài kā人買水ê艱苦，mā bē有像我hit改無水thang kā阿公洗tn̄g ê痛苦。上落尾，祝福lán逐个人lóng有使用水資源ê智慧。
1 編註：參考雜誌381期第24頁地名研究室專欄文章〈馬太鞍〉，「馬太鞍」在地上濟人講ê讀音是「Má-tāi-an」。
