講好話ē帶來好人緣
/ 李玉籃
Tī細漢ê時，有時仔聽阿爸kah阿母leh講話，阿母tiānn-tiānn ē對阿爸講「請--lah」、「多謝」、「歹勢」。Hit時tsūn我iáu是細漢囡仔，m̄知he是啥mih意思。
等我慢慢仔大漢，開始去學校讀冊，有一工，阿母來接我下課，我就kā阿母講：「阿母，我今仔日kah同學冤家！伊罵我是 “giàn-thâu”，我想講 “輸人m̄輸陣，輸陣歹看面”，我就罵伊是 “世間上gōng ê gōng大呆--lah！”。阿母，我有gâu--無？」我攑頭看阿母，伊無應話，面仔koh小可臭臭。
伊kā我ê手牽tiâu-tiâu，過一時仔tsiah講：「阿芸--ā，lán做人ài看別人ê優點，kah人鬥陣，講話ài真心，m̄-thang凊彩講話去傷著人。話，好mā一句、歹mā一句。俗語講 “心歹無人知，喙歹上厲害。” 若tiānn-tiānn講好話，就ē交好朋友，帶來好人緣--őo。」我就kā阿母講：「Tse kám是你tiānn-tiānn講ê “喙甜”，tio̍h--無？」阿母笑笑仔講：「你tsiok巧！聽bat--
ah！」
暗頓食煞，我看阿爸tī-leh客廳看電視，我mā恬恬坐tī伊身邊kah伊做伙看，親像鴨仔聽雷，sa無寮仔門。阿爸講：「Tse是證嚴法師--lah！伊tng-leh講 “有禮真好”。講話是分享快樂，厚話khah輸無話，無話khah輸好話！話m̄免濟，講了tio̍h tsiah重要。」我雄雄想著阿母以早講ê話，應該就親像證嚴法師講--ê仝款。
我tsit-má tī學校ê人緣bē-bái！可能是因為我kā阿母kah證嚴法師講ê話，lóng記tī心肝內，ke呵咾別人好ê所在。講好話真正ē帶來好人緣，mā ē帶來快樂--őo！
等我慢慢仔大漢，開始去學校讀冊，有一工，阿母來接我下課，我就kā阿母講：「阿母，我今仔日kah同學冤家！伊罵我是 “giàn-thâu”，我想講 “輸人m̄輸陣，輸陣歹看面”，我就罵伊是 “世間上gōng ê gōng大呆--lah！”。阿母，我有gâu--無？」我攑頭看阿母，伊無應話，面仔koh小可臭臭。
伊kā我ê手牽tiâu-tiâu，過一時仔tsiah講：「阿芸--ā，lán做人ài看別人ê優點，kah人鬥陣，講話ài真心，m̄-thang凊彩講話去傷著人。話，好mā一句、歹mā一句。俗語講 “心歹無人知，喙歹上厲害。” 若tiānn-tiānn講好話，就ē交好朋友，帶來好人緣--őo。」我就kā阿母講：「Tse kám是你tiānn-tiānn講ê “喙甜”，tio̍h--無？」阿母笑笑仔講：「你tsiok巧！聽bat--
ah！」
暗頓食煞，我看阿爸tī-leh客廳看電視，我mā恬恬坐tī伊身邊kah伊做伙看，親像鴨仔聽雷，sa無寮仔門。阿爸講：「Tse是證嚴法師--lah！伊tng-leh講 “有禮真好”。講話是分享快樂，厚話khah輸無話，無話khah輸好話！話m̄免濟，講了tio̍h tsiah重要。」我雄雄想著阿母以早講ê話，應該就親像證嚴法師講--ê仝款。
我tsit-má tī學校ê人緣bē-bái！可能是因為我kā阿母kah證嚴法師講ê話，lóng記tī心肝內，ke呵咾別人好ê所在。講好話真正ē帶來好人緣，mā ē帶來快樂--őo！
