作者：溫敦光（本文作者是基進台語讀寫基礎班結業學員，急診室醫生）
Guá pîng-siông hán-tit ē sit-bîn, kip-tsín ê khang-khuè tsin bô-îng, siōng-pan liáu tńg kàu tshù tō siūnn-beh hó-hó-á hioh-khùn, tó lo̍h-khì bîn-tshn̂g tō ē khùn--khì, sóo-í tsin hán-tit ē sit-bîn.
Tān-sī guá nā khì peh kuân-suann ê sî-tsūn, tē-it kang it-tīng ē sit-bîn. Tī suann-tíng m̄-sī khùn tī san-tsong ngē-piàng-piàng ê khòng-tshn̂g, tō sī tī suann-tíng lōo-iânn. Sin-khu í-king kuàn-sì phóo-thong-sî khùn ê phòng-tshn̂g, tsı̍t-sî bô-huat-tōo khùn tī tīng ê sóo-tsāi. Jî-tshiánn peh kuân-suann ê lōo-tîng, tshit peh-tiám tō tsún-pī khùn, in-uī sann, sì-tiám ài khí-tshn̂g, tse kap pîng-siông ê khùn-bîn sî-kan bô-kāng, tsiū-án-ne guá kui-mê píng-lâi-píng-khì khùn bē khì. Koh-khah hāi--ê sī tán ū lâng khùn--khì ê sî tō khai-sí ē honn-honn-kiò, liâm-mi tò-pîng kônn--tsı̍t-ē, liâm-mi tsiànn-pîng huânn--tsı̍t-ē, tī-leh tsiah-nī an-tsīng ê suann-lāi sı̍t-tsāi ū-kàu tshá, tshá kah hōo lâng kiōng-kiōng beh khí-siáu.
Kui-mê ū-khùn ná bô-khùn, tē-jī kang kui-ê lâng nńg-kauh-kauh ná peh ná ài-khùn, kiânn kàu beh-àm-á, lâng í-king bô-la̍t--lah, tì-sú hit-mê tsin hó-khùn, lóng bô thiann-tio̍h lâng teh kônn, uānn guá kônn hōo ta̍k-ke thiann.
逐家來phò-tāu專欄，本文使用教育部臺灣閩南語羅馬字拼音方案。
台文通訊BONG報301期，2019年4月出刊。
歡迎捐款贊助 #李江却台語文教基金會
（捐款可抵稅，匯款後請通知02-23112199）
郵政劃撥：19021486戶名：財團法人李江却台語文教基金會
電匯：123-20-050514-2華南銀行士林分行活儲戶名：財團法人李江却台語文教基金會
李江却台語文教基金會需要你ê定期捐款，逐個月捐助NT$200以上，lán做伙來推動復振台灣語文ê事工，歡迎利用劃撥、電匯、信用卡、郵局『存簿儲金自動轉帳』扣款iah是線頂捐款、現金贊助。
◎逐個月贊助本會（台文通訊BONG報發行單位）NT$200（iah是逐冬NT$2,400）以上，做伙支持基金會事工kap雜誌編印發行費用。歡迎利用郵局劃撥、信用卡（寫捐款單）、線頂捐款、現金贊助、銀行/ATM轉帳（轉帳了後請通知）、支票、郵局戶頭自動轉帳扣繳（寫授權書），捐款收據ē-tàng做『列舉扣除額』抵稅ê用途。
