製作塗礱ê詳細過程，
請參考講座影片 https://reurl.cc/oL3rb3
主講／賴咏華
摘要／張翠硯
話頭
4--月salon講座邀請近來真出名ê台語YouTuber阿華師來主講。平常時，阿華師khah tsia̍p tī網路分享kap「台語」tsit个語言本身相關ê主題，所以，tsit擺beh講一个逐家khah罕得聽--著ê主題：「塗礱（thôo-lâng）」。讀電子出身ê阿華師，以早mā bat因為家己ê興趣，學過一寡作田ê khang-khuè，透過作穡接觸著塗礱。「塗礱」是啥mi̍h？伊是古早時代e粟仔ê家私，「竹脣柴齒，食粟放米」tsit八个字ê臆謎猜，就是leh講伊ê材料kap運作方式。若無伊來tàu-sann-kāng，就無飯thang食--looh。Tsit幾冬，阿華師ē紮伊ê塗礱家私去一寡學校教囡仔e米kap磅米芳，用台語紹介古早ê農家智識。
講究suah beh失傳ê手藝
阿華師對塗礱ê認bat kap研究，m̄是kan-na ē-hiáu e米niâ。是tuì按怎製作塗礱開始--ê。2011年ê時，伊去南庄一个客人庄「大南埔」kap一个林老師傅學做塗礱ê手藝、順suà學著客話。做塗礱m̄是kan-na ē用--得就好，竹仔按怎剖、按怎編、編--出-來ê花草生做啥款，lóng真講究。Tī做師仔ê過程，伊mā深刻感受著tsit項手藝、技術ê流失。比論講，老師傅in囝自細漢tuè leh做，m̄-koh，少年輩可能30幾歲就無法度靠製作塗礱趁食--ah。Iah是講，無仝所在ê兩个老師傅，一个講伊做過千幾噸 ê塗礱、另外一个講伊ê經驗kan-na 7、80噸。阿華師講，伊tī阿里山熟sāi ê葉師傅，除了ē-hiáu做塗礱，風水伊也lio̍h仔ē-hiáu看，koh ē-hiáu起灶、拍石仔，mā ē-hiáu做塗水，散赤ê時，啥mih工夫lóng ài學--寡。塗礱師kap塗水師因為技術有真sio仝ê所在，所以甚至拜仝一个神。
去泰國學塗礱
透過朋友介紹，阿華師mā去泰國看人按怎做塗礱。仝款是做塗礱，除了竹仔材料無啥仝，兩个國家ê文化mā無仝。Tī台灣，你若m̄是tuè老師傅學過工夫--ê，無人beh hōo你kā做塗礱，tse是一種專業技術。M̄-koh tī泰國，做塗礱khah成一項「放伴工」，就是講，tse是逐家lóng ē-hiáu ê手藝，厝邊啥人需要tàu做，逐家就來tàu-sann-kāng，mā做伙交流、pua̍h感情。
Tuì塗礱到磅米芳，kap tshui-sak台語ê關連
起頭是因為作田tsiah熟sāi塗礱tsit个mi̍h件，落尾tī 28歲hit冬，頭一擺看著人leh磅米芳，感覺真趣味，就去買一台中古ê磅米芳機器，家己來磅米芳。Tuì塗礱到磅米芳，規个過程lóng leh講「文化」， 阿華師tsiah發覺：「探討文化ê根本，其實是語言」。若理解tsit个文化ê語言無--去，文化絕對無法度單獨存在。因為智覺著語言ê重要性應該排頭先，伊tsiah ē決心beh來大力tshui-sak tsit个kap古早濟濟生活記持縛做伙ê語言。
（本文是2020年4月ê講座摘要記錄，主講者賴咏華是「足英台三聲道磅米芳」專頁ê阿華師）
#台語sa攏有講座專欄，本文使用教育部推薦漢字kap臺灣閩南語羅馬字拼音方案。
台文通訊BONG報315期，2020年6月出刊。
--------------------------------------------
歡迎捐款贊助 李江却台語文教基金會 （捐款thang抵稅，匯款了後請通知02-23112199）
線上捐款(定期定額) https://ppt.cc/fF5bhx
線上捐款(單筆) https://ppt.cc/fcycox
郵政劃撥：19021486
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
李江却台語文教基金會需要你ê定期捐款，逐個月捐助NT$200以上，lán做伙來推動復振台灣語文ê事工，歡迎利用劃撥、電匯、信用卡、郵局『存簿儲金自動轉帳』扣款iah是線頂捐款、現金贊助。
◎逐個月贊助本會（台文通訊BONG報發行單位）NT$200（iah是逐冬NT$2,400）以上，做伙支持基金會事工kap雜誌編印發行費用。歡迎利用郵局劃撥、信用卡（寫捐款單）、線頂捐款、現金贊助、銀行/ATM轉帳（轉帳了後請通知）、支票、郵局戶頭自動轉帳扣繳（寫授權書），捐款收據ē-tàng做『列舉扣除額』抵稅ê用途。
