破柴
/ 藍春瑞
園仔內有tsiânn濟家己ta-lian àu--去、tsiah摔落來塗跤兜ê樹le，看
tsha̍k-tsha̍k giàng-giàng ê斷喙就知影是hōo風颱掃倒--去--ê，直徑粗--ê有到六七寸，細--ê iáu有兩三寸，來tsia蹛半冬了後，掀tsiok濟專業講柴樹仔ê冊，tsiah沓沓仔bat講tse lóng是山杉、楊桃、銀樺、南洋杉、羅漢松、檨仔、土肉桂、沉香、酪梨、桃花心木、埔姜kah苦楝仔。
橫橫ke̍h-ke̍h ê柴ue，khah phànn --ê早to hōo白蟻蛀kah kiōng-beh hu --去，khah tīng--ê mā生菇làng-phú beh-àu仔beh-àu，濟kah算bē清，m̄-nā鎮位mā tsiânn ak-tsak。Koh看著對後尾門行--出-去ê柴堆間，有大灶kah一座hiânn柴ê白鐵爐仔，心肝內家己leh暗想，若khioh來hiânn洗身軀水，起火hōo四个人用，免幾khian柴就有夠--ah。舊--ê新--ê kap落去hiânn，決定liōng kah有賰，tsit聲免khai錢買gá-suh koh ē-sái hōo柴箍揣著一步tháu，正經是一空掠雙尾。
買一大一細ê斧頭仔kah鋸痕iu-iu平平ê日本鋸仔一枝，拄好khai兩千箍圓圓圓。先kā柴ue一尺長鋸hōo一kue̍h一kue̍h，thia̍p hōo齊齊親像牆仔án-ne，排tī爐仔邊手ni ē著ê所在。Khah大箍--ê tio̍h-ài囥起去柴砧kā破--開，一--來柴快ta，二--來細箍khah緊to̍h火。
斧頭攑kuân beh破柴箍真正ài小練--一-睏-仔，目睭明明就siòng對柴箍ê正中心，khah ē知影pho̍k一聲隨走精--去，suah tio̍h ke幾若遍工tsiah舞ē好勢；反倒tńg來講，對tshian落手即時li̍h做兩爿就算bē-bái --ah，上suí-khuì--ê是tsit兩塊ê柴爿iáu賰一點仔柴絲牽tiâu--著，伸手去peh就開--開。久--來掠khah ē著破柴ê根節，kah頭起初比--起-來，真正差有夠濟。
Khah歹pháng--ê是力頭若tsat bē好勢，拄破--開ê柴爿一聲就tuānn對邊--a去，ē飛偌遠lóng bē按算--得，khah-ke mā有人講「beh看人食肉，m̄看人破柴」，道理就是tī tsia。
一箍一箍鋸齊齊ê直柴，khuè tī柴砧上好破，像講榕仔樹、烏枋樹、巴西鐵樹kah檳榔樹，輕仔出力就pit做兩爿，m̄-koh樟仔kah相思仔ê柴絲tsūn來tsūn去就無thang hiah順--ah；啊若khah tīng身ê白雞油、苦楝舅就歹pháng濟--ah，斧頭仔ài頓幾若下tsiah ē開--開。
Khiau來khiau去koh分叉ê柴箍就準是phànn柴仔mā tsiânn歹剃頭，khi-khi khuè tī柴砧koh bē四正，tiānn-tiānn m̄知beh按怎落手tsiah是害。Tàn去塗跤siânn白蟻來蛀，兩月日了後àu beh一半去ê時tsūn，用斧頭khing kā摃開顛倒比破--ê koh-khah緊khuì，mā是一步tháu。
tsha̍k-tsha̍k giàng-giàng ê斷喙就知影是hōo風颱掃倒--去--ê，直徑粗--ê有到六七寸，細--ê iáu有兩三寸，來tsia蹛半冬了後，掀tsiok濟專業講柴樹仔ê冊，tsiah沓沓仔bat講tse lóng是山杉、楊桃、銀樺、南洋杉、羅漢松、檨仔、土肉桂、沉香、酪梨、桃花心木、埔姜kah苦楝仔。
橫橫ke̍h-ke̍h ê柴ue，khah phànn --ê早to hōo白蟻蛀kah kiōng-beh hu --去，khah tīng--ê mā生菇làng-phú beh-àu仔beh-àu，濟kah算bē清，m̄-nā鎮位mā tsiânn ak-tsak。Koh看著對後尾門行--出-去ê柴堆間，有大灶kah一座hiânn柴ê白鐵爐仔，心肝內家己leh暗想，若khioh來hiânn洗身軀水，起火hōo四个人用，免幾khian柴就有夠--ah。舊--ê新--ê kap落去hiânn，決定liōng kah有賰，tsit聲免khai錢買gá-suh koh ē-sái hōo柴箍揣著一步tháu，正經是一空掠雙尾。
買一大一細ê斧頭仔kah鋸痕iu-iu平平ê日本鋸仔一枝，拄好khai兩千箍圓圓圓。先kā柴ue一尺長鋸hōo一kue̍h一kue̍h，thia̍p hōo齊齊親像牆仔án-ne，排tī爐仔邊手ni ē著ê所在。Khah大箍--ê tio̍h-ài囥起去柴砧kā破--開，一--來柴快ta，二--來細箍khah緊to̍h火。
斧頭攑kuân beh破柴箍真正ài小練--一-睏-仔，目睭明明就siòng對柴箍ê正中心，khah ē知影pho̍k一聲隨走精--去，suah tio̍h ke幾若遍工tsiah舞ē好勢；反倒tńg來講，對tshian落手即時li̍h做兩爿就算bē-bái --ah，上suí-khuì--ê是tsit兩塊ê柴爿iáu賰一點仔柴絲牽tiâu--著，伸手去peh就開--開。久--來掠khah ē著破柴ê根節，kah頭起初比--起-來，真正差有夠濟。
Khah歹pháng--ê是力頭若tsat bē好勢，拄破--開ê柴爿一聲就tuānn對邊--a去，ē飛偌遠lóng bē按算--得，khah-ke mā有人講「beh看人食肉，m̄看人破柴」，道理就是tī tsia。
一箍一箍鋸齊齊ê直柴，khuè tī柴砧上好破，像講榕仔樹、烏枋樹、巴西鐵樹kah檳榔樹，輕仔出力就pit做兩爿，m̄-koh樟仔kah相思仔ê柴絲tsūn來tsūn去就無thang hiah順--ah；啊若khah tīng身ê白雞油、苦楝舅就歹pháng濟--ah，斧頭仔ài頓幾若下tsiah ē開--開。
Khiau來khiau去koh分叉ê柴箍就準是phànn柴仔mā tsiânn歹剃頭，khi-khi khuè tī柴砧koh bē四正，tiānn-tiānn m̄知beh按怎落手tsiah是害。Tàn去塗跤siânn白蟻來蛀，兩月日了後àu beh一半去ê時tsūn，用斧頭khing kā摃開顛倒比破--ê koh-khah緊khuì，mā是一步tháu。
