感謝kah siàu念
——追思《台文通訊》前總編輯葉國基兄
/ 編輯部
Lán真m̄甘lán《台文通訊》前總編輯葉國基兄tī 5月15過身！
國基兄除了是資深ê《台文通訊》加拿大Toronto讀者聯誼會成員，tī 2004年到2011年足足八冬mā擔任《台文通訊》（119期到211期）總編輯ê khang-khuè，是海外時期ê《台文通訊》kài重要ê同工，lán深深感謝kah siàu念--伊。
國基兄1950年7月初4 tī台北縣樹林鎮出世，到2026年5月15肺腺癌過身，beh倚76歲ê年日除了是虔誠ê基督徒，對教會盡心奉獻：整修設計、開設幼稚園等等，mā熱心參與海外ê台灣人運動，包含：1999年擔任加拿大Toronto台灣同鄉會會長、1999～2001年擔任加拿大台灣同鄉會會長、2003年擔任加拿大台灣衛生聯盟會長（有參加WHO宣達活動）、2011～2015年擔任世界台灣同鄉聯合會會長、2009～2026年擔任台灣獨立建國聯盟加拿大本部主席——thang講為台灣人發聲、追求台灣獨立建國，是國基兄ê志業。
聖經提摩太後書第4章第7節：「我已經爭戰好ê爭戰，已經盡跑走ê路站，已經守所信ê道理。」相信國基兄已經安然去到天家，無艱苦、無病疼，阮ē永遠siàu念--你，mā ē繼續堅心行lán台語ê復振路。
國基兄，再會！
國基兄除了是資深ê《台文通訊》加拿大Toronto讀者聯誼會成員，tī 2004年到2011年足足八冬mā擔任《台文通訊》（119期到211期）總編輯ê khang-khuè，是海外時期ê《台文通訊》kài重要ê同工，lán深深感謝kah siàu念--伊。
國基兄1950年7月初4 tī台北縣樹林鎮出世，到2026年5月15肺腺癌過身，beh倚76歲ê年日除了是虔誠ê基督徒，對教會盡心奉獻：整修設計、開設幼稚園等等，mā熱心參與海外ê台灣人運動，包含：1999年擔任加拿大Toronto台灣同鄉會會長、1999～2001年擔任加拿大台灣同鄉會會長、2003年擔任加拿大台灣衛生聯盟會長（有參加WHO宣達活動）、2011～2015年擔任世界台灣同鄉聯合會會長、2009～2026年擔任台灣獨立建國聯盟加拿大本部主席——thang講為台灣人發聲、追求台灣獨立建國，是國基兄ê志業。
聖經提摩太後書第4章第7節：「我已經爭戰好ê爭戰，已經盡跑走ê路站，已經守所信ê道理。」相信國基兄已經安然去到天家，無艱苦、無病疼，阮ē永遠siàu念--你，mā ē繼續堅心行lán台語ê復振路。
國基兄，再會！
註：感謝《台文通訊》張秀滿前總編輯tàu整理國基兄海外台灣人運動ê經歷。
