Bông霧散--去，天出虹
——電影《大濛》感想
/ Huī-Kun
台語箍仔ê朋友進前lóng leh討論「你有去看《大濛》--無？」因為知影he是kah白色恐怖相關ê電影，就算lán李江却台語文教基金會bat包場，請人免費去看，我mā是有淡薄仔排斥，想講ē有tsiânn濟刣人、hông驚惶ê畫面，致使我無啥想beh去看。不而過，tī二二八連假期間，阮後生suah招我講beh做伙去看《大濛》，支持lán ê國片，因為伊學校老師mā有推薦in去看，ē-sái koh-khah了解hit个時代ê歷史，mā拄好是二二八，我就hām阮後生兩个去看電影約會。
Tsiânn佩服導演講故事ê手路，kah我進前想像--ê完全無仝，mā無hōo人tsiok驚惶ê感覺。雖bóng有人批評電影應該ài有壓迫ê苦thàng tsiah tio̍h，就像白色恐怖ê受害者iah是hit時台灣人民仝款，m̄-koh我顛倒kah意tsit種手路，引tshuā逐家去認bat tsit段過去、知影hit段歷史。若是一直強調恐怖、迫害，hōo人無法度喘khuì，án-ne一般民眾iah是少年囡仔，kám ē有興趣去了解，甚至有勇氣踏入去戲院看電影--leh？
逐家lóng知影hit个時tsūn是台灣tsiânn烏暗、真痛苦ê過去，導演無beh kā lán上歷史課，伊請看電影ê人tuè女主角「阿月--à」ê跤步，沓沓仔去感受hit當時ê政治環境、一般民眾ê日常生活。Hiàng時ê白色恐怖m̄是外省人對台灣人ê迫害，是hit時ê國民政府對老百姓思想、行為ê全面壓迫、控制。
白色恐怖ê受害者也有bē少外省人，親像電影內面ê「趙公道」——一个tuè國民黨逃難到台灣ê廣東人，就因為正義、公道m̄願出賣朋友，suah去hông陷害掠去關25年，看到tsia真正hōo人喉tīnn目箍紅。人ê一生有偌濟25年？一个20 thóng歲ê少年家關25年了，就已經是4、50歲ê中年人--ah！以前華語戲劇內ê好、歹人，beh去hông刣頭ê時lóng ē講『18年後又是一條好漢！』趙公道kan-na得失著威權就ài關25年，án-ne m̄就是好漢koh ke一个七歲囡仔--looh！
Koh-khah mài講女主角看著家己ê阿兄——阿雲ê死體ê時tsūn，hit種艱苦、心疼，bē輸割肉、tsih載bē tiâu，只想beh kā時間調khah緊。Tsia-ê情景，早就hōo看電影ê觀眾哭kah四淋垂、目屎pué bē離，心肝頭tiuh幾若下！
現此時tiānn-tiānn有人講ài放下冤仇，向前看、原諒過去！我想，hia-ê受害者厝內人mā想beh tháu放tsit个重枷，原諒加害者。問題是無人tshē-m̄-tio̍h，無承認當初hia-ê受害者根本m̄是in講ê「暴民」、「叛亂份子」，án-ne叫家屬是beh按怎原諒？Tsiânn無簡單台灣tsit-má已經是一个民主自由ê國家，除了感謝濟濟民主戰士ê拍拚，lán家己mā ài珍惜，絕對m̄-thang koh行倒退路，tńg去極權政府ê時代。
Lán每一个人lóng是電影內所講ê小水滴，ē-sái為著自由變做雲尪、tsiânn做雨水來保護tsit phiàn寶貴ê Formosa，雖bóng過程中有ê已經是bông霧hông束縛tī過去，無法度看顧台灣，m̄-koh in留--落-來ê精神，踮在你我ê心中，久久長長。「Freedom is not free」，自由m̄是免費--ê，若無愛惜liam-mi ē烏有。Lán kan-na賰勇敢，凡若有一khuì絲仔信念就ài去做一寡改變，hōo天出虹！
Tsiânn佩服導演講故事ê手路，kah我進前想像--ê完全無仝，mā無hōo人tsiok驚惶ê感覺。雖bóng有人批評電影應該ài有壓迫ê苦thàng tsiah tio̍h，就像白色恐怖ê受害者iah是hit時台灣人民仝款，m̄-koh我顛倒kah意tsit種手路，引tshuā逐家去認bat tsit段過去、知影hit段歷史。若是一直強調恐怖、迫害，hōo人無法度喘khuì，án-ne一般民眾iah是少年囡仔，kám ē有興趣去了解，甚至有勇氣踏入去戲院看電影--leh？
逐家lóng知影hit个時tsūn是台灣tsiânn烏暗、真痛苦ê過去，導演無beh kā lán上歷史課，伊請看電影ê人tuè女主角「阿月--à」ê跤步，沓沓仔去感受hit當時ê政治環境、一般民眾ê日常生活。Hiàng時ê白色恐怖m̄是外省人對台灣人ê迫害，是hit時ê國民政府對老百姓思想、行為ê全面壓迫、控制。
白色恐怖ê受害者也有bē少外省人，親像電影內面ê「趙公道」——一个tuè國民黨逃難到台灣ê廣東人，就因為正義、公道m̄願出賣朋友，suah去hông陷害掠去關25年，看到tsia真正hōo人喉tīnn目箍紅。人ê一生有偌濟25年？一个20 thóng歲ê少年家關25年了，就已經是4、50歲ê中年人--ah！以前華語戲劇內ê好、歹人，beh去hông刣頭ê時lóng ē講『18年後又是一條好漢！』趙公道kan-na得失著威權就ài關25年，án-ne m̄就是好漢koh ke一个七歲囡仔--looh！
Koh-khah mài講女主角看著家己ê阿兄——阿雲ê死體ê時tsūn，hit種艱苦、心疼，bē輸割肉、tsih載bē tiâu，只想beh kā時間調khah緊。Tsia-ê情景，早就hōo看電影ê觀眾哭kah四淋垂、目屎pué bē離，心肝頭tiuh幾若下！
現此時tiānn-tiānn有人講ài放下冤仇，向前看、原諒過去！我想，hia-ê受害者厝內人mā想beh tháu放tsit个重枷，原諒加害者。問題是無人tshē-m̄-tio̍h，無承認當初hia-ê受害者根本m̄是in講ê「暴民」、「叛亂份子」，án-ne叫家屬是beh按怎原諒？Tsiânn無簡單台灣tsit-má已經是一个民主自由ê國家，除了感謝濟濟民主戰士ê拍拚，lán家己mā ài珍惜，絕對m̄-thang koh行倒退路，tńg去極權政府ê時代。
Lán每一个人lóng是電影內所講ê小水滴，ē-sái為著自由變做雲尪、tsiânn做雨水來保護tsit phiàn寶貴ê Formosa，雖bóng過程中有ê已經是bông霧hông束縛tī過去，無法度看顧台灣，m̄-koh in留--落-來ê精神，踮在你我ê心中，久久長長。「Freedom is not free」，自由m̄是免費--ê，若無愛惜liam-mi ē烏有。Lán kan-na賰勇敢，凡若有一khuì絲仔信念就ài去做一寡改變，hōo天出虹！
編註：目前《大濛》tī戲院ê放送已經結束，若beh收看，ē-sái到串流平台Netflix線頂看。
