讀陳雷 〈凱西講牛〉
社會組 第一名
/ 李盈佳
陳雷先--ê ê〈凱西講牛〉是一篇我非常kah意ê短篇小說。讀tsit篇小說，ē讀著陳雷先--ê對台灣話tī台灣直直流失--去ê煩惱，mā ē用得學著按怎用khau洗ê方式來表達上深ê關懷。
第一擺讀著〈凱西講牛〉ê時，我iáu無tshuā囡仔坐bá-suh ê經驗。Hit-tang-tsūn，我所注意--著--ê是：故事ê設定，hām專輯《春天佇佗位》內底故事ê背景，tsiânn sio-siāng，有穿插真môo-tn̄g ê阿母，有hōo人送hōo阿媽／阿公照顧ê囡仔，mā ná像lóng無交代囡仔ê阿爸tī佗位——故事ê作者ē án-ne設定，代表tshiânn養囡仔kap發展個人ê事業，tī hit个時代，是濟濟已經做阿母ê女性ài面對ê課題。事實上《春天佇佗位》hām〈凱西講牛〉仝款，lóng是2006年發表ê作品。
2026年，重讀〈凱西講牛〉ê我，已經是一个tshiâng-tsāi tshuā囡仔出入各種公共場合ê阿母。我注意著故事內底ê細漢查某囡仔Cathy tī車頂其實真有可能是愛睏、m̄-koh睏bē去，án-ne確實ē hōo大人真困擾。陳雷先--ê tī第三段寫--著：明明teh-beh io睏--去，雄雄司機大力擋車，搖一下醒--起-來。我koh想--著，hit个真想beh kā北京話講kah hōo人聽bē出伊是Formosa人ê少年阿母，伊對查某囝Cathy所講ê北京話，已經是如今台灣真普遍ê語言--ah，m̄-nā爸母án-ne對囡仔講話，阿公阿媽mā án-ne對阿孫仔講話。
實在是真悲哀，想著真正是ē睏bē去。2006年到2026年，拄仔好是20冬。20冬過--去，北京話愈來愈強勢，陳雷先--ê講「實在也是可憐代，無彩我tī外國留學tsiah濟冬，無想著lán台北市ê嬰仔已經進步到tsit个地步！」1——tsiah-nī仔「進步」ê代誌，mā變做lán ê日常。身為一个自囡仔出世就對in講台灣話ê阿母，我mā kan-na ē-tàng用陳雷先留hōo--lán ê文學，鼓勵家己kap囡仔，繼續tī tsit條路行--落-去，ǹg望有一工，美麗ê Formosa ē koh再來臨。
第一擺讀著〈凱西講牛〉ê時，我iáu無tshuā囡仔坐bá-suh ê經驗。Hit-tang-tsūn，我所注意--著--ê是：故事ê設定，hām專輯《春天佇佗位》內底故事ê背景，tsiânn sio-siāng，有穿插真môo-tn̄g ê阿母，有hōo人送hōo阿媽／阿公照顧ê囡仔，mā ná像lóng無交代囡仔ê阿爸tī佗位——故事ê作者ē án-ne設定，代表tshiânn養囡仔kap發展個人ê事業，tī hit个時代，是濟濟已經做阿母ê女性ài面對ê課題。事實上《春天佇佗位》hām〈凱西講牛〉仝款，lóng是2006年發表ê作品。
2026年，重讀〈凱西講牛〉ê我，已經是一个tshiâng-tsāi tshuā囡仔出入各種公共場合ê阿母。我注意著故事內底ê細漢查某囡仔Cathy tī車頂其實真有可能是愛睏、m̄-koh睏bē去，án-ne確實ē hōo大人真困擾。陳雷先--ê tī第三段寫--著：明明teh-beh io睏--去，雄雄司機大力擋車，搖一下醒--起-來。我koh想--著，hit个真想beh kā北京話講kah hōo人聽bē出伊是Formosa人ê少年阿母，伊對查某囝Cathy所講ê北京話，已經是如今台灣真普遍ê語言--ah，m̄-nā爸母án-ne對囡仔講話，阿公阿媽mā án-ne對阿孫仔講話。
實在是真悲哀，想著真正是ē睏bē去。2006年到2026年，拄仔好是20冬。20冬過--去，北京話愈來愈強勢，陳雷先--ê講「實在也是可憐代，無彩我tī外國留學tsiah濟冬，無想著lán台北市ê嬰仔已經進步到tsit个地步！」1——tsiah-nī仔「進步」ê代誌，mā變做lán ê日常。身為一个自囡仔出世就對in講台灣話ê阿母，我mā kan-na ē-tàng用陳雷先留hōo--lán ê文學，鼓勵家己kap囡仔，繼續tī tsit條路行--落-去，ǹg望有一工，美麗ê Formosa ē koh再來臨。
1 編註：Tsia ê漢羅用字有調整。
