對基金會ê記持
/ Tân Ūn-jû
七冬前阮囝準備beh去國校讀冊ê時，我chiah知影有李江却台語文教基金會chit个chhui-sak台語文ê好所在。Chêng到taⁿ，若人tī外口，想beh讀台文，就kā伊出ê《台文通訊BONG報》紮tī身軀邊，m̄-nā利便，雜誌內底主題chiâⁿ濟款，有長篇散文，mā有短短ê詩，免驚時間siuⁿ短，讀bē煞。台灣唸歌讀冊會hām台灣文學讀冊會koh hō͘我不sám時tī讀、寫求進步，感恩《台文通訊BONG報》tiāⁿ分享讀冊會資訊，好空tàu sio報。
Hit日人拄精神，看著窗仔外一隻白頭khok仔去hō͘ tng-leh keⁿ絲ê蜘蛛tng--著。過無偌久，就為hit-tang-chūn ê心情寫一首詩。Koh過差不多三個月，看著家己頭擺寫ê詩出現tī《台文通訊BONG報》頂1。
Sòa--落-來chŏaⁿ鼓舞家己練工夫，chia̍p攑筆寫台文，逐見收著《台文通訊BONG報》ê時，心內lóng想講，台文作品免驚無所在thang去。準講chhím開始chiâⁿ做一个讀者，bē想beh投稿，用心計較讀siăn-pái出品ê文章。不而過，ná讀ná吸收，讀慣勢了後，soah心內ngiau-ngiau，落尾chiah勻勻仔寫出有家己氣味ê台文。
聽講基金會倚beh 30歲--ah，ǹg望基金會繼續催--落-去，《台文通訊BONG報》ê讀者逐年大成長！
Hit日人拄精神，看著窗仔外一隻白頭khok仔去hō͘ tng-leh keⁿ絲ê蜘蛛tng--著。過無偌久，就為hit-tang-chūn ê心情寫一首詩。Koh過差不多三個月，看著家己頭擺寫ê詩出現tī《台文通訊BONG報》頂1。
Sòa--落-來chŏaⁿ鼓舞家己練工夫，chia̍p攑筆寫台文，逐見收著《台文通訊BONG報》ê時，心內lóng想講，台文作品免驚無所在thang去。準講chhím開始chiâⁿ做一个讀者，bē想beh投稿，用心計較讀siăn-pái出品ê文章。不而過，ná讀ná吸收，讀慣勢了後，soah心內ngiau-ngiau，落尾chiah勻勻仔寫出有家己氣味ê台文。
聽講基金會倚beh 30歲--ah，ǹg望基金會繼續催--落-去，《台文通訊BONG報》ê讀者逐年大成長！
1 編註：《台文通訊BONG報》第373期第2頁，〈鳥仔來挵門〉。
