郭文卿
西港香 隔三秋 人講台灣第一香（hiunn）
謝豬羊 拴燒酒 請阮至親好朋友
陣頭藝閣拚千秋 王爺媽祖巡四周
火燒王船直直求 普渡眾生消憂愁
故鄉刈香味 文化傳承永相隨
故鄉刈香味 代代相傳萬萬年
麻油香 配油蔥 氣味勝過香水香（phang）
生理人 呵咾讚 相招相約來西港
燒燒一碗補喙空 活力源泉拚歸工
消腫止癢防蚊蟲 好食好用一世人
故鄉油香味 甘甘甜甜烏色緻
故鄉油香味 鼻了嘴涎插插滴
夜來香 吐芬芳 花開花謝阮故鄉（hiong）
展笑容 無勉強 恬恬無聲無話講
高雅純白免畫妝 自然美麗無膨風
日落黃昏味漸濃 含苞花蕊等情郎
故鄉暗香味 伴阮美夢到三更
故鄉暗香味 引阮珠淚思念伊
