Che是一本親近台灣ê歷史冊，mā是一本重新認識台灣，關心台灣ê冊。
透過林麗玉老師紹介，我來參加金花老師tī社區大學開ê 2019秋季「學母語寫羅馬字」12週課程。感謝金花老師tī 9/4～11/27課上完了，koh接sòa為gún chit幾个學生開《親近台灣ê史．諺．文》課程ê用心。金花老師對台灣母語ê熱情kap對學生chiok關懷疼惜。伊活潑、感性ê教課方式真溫暖，mā tiāⁿ-tiāⁿ ná教ná鼓勵--goán，有機會一定ài繼續深造家己，把握自我成長ê機會，老師愛學生ê心，hō͘我感動tī心內。因為chit份感動，拍開我想beh了解台灣歷史文化，kap學母語ê主動性，漸漸有參與ê熱誠kap使命感。因為有chit个緣，hō͘我有想beh繼續讀冊，發動繼續深造碩士研究班ê動力。
讀《親近台灣ê史．諺．文》hō͘我深深體會，一个國家進步並m̄是用喙講--ê，mā m̄是某某人去kā做--出-來--ê，創造--出-來--ê。國家ê進步kap成長，有tī每一个百姓ê心內湠根，百姓chiah有歸屬感（家），我認為che chiah是百姓立足ê實地，百姓團結ê根本kap希望。
讀《親近台灣ê史．諺．文》了，我開始思考：「台灣是我ê根，是按怎我無了解台灣ê一切？我是台灣囡仔，是按怎我無了解台灣歷史文化kap母語？台灣語言是我ê母語，是按怎我m̄ bat因為講母語感覺驕傲，反倒tńg ē感覺歹勢？」
Ē記得10月份tī高雄夢時代se̍h街ê時，拄著一位義大利ê人，伊用華語kā我介紹他leh賣ê產品，hiàng時我開始思考，伊既然徛tī台灣地，我應該ài用台灣母語回答伊chiah tio̍h啊！當然伊是聽無我leh講啥，m̄-koh我beh hō͘外國人知影台灣是有台灣ê母語。因為伊聽無我leh講啥，就隨問我講：『妳來自哪個國家？』我chiok歡喜伊án-ne問我，就回一句華語：『我說的是台灣母語。』希望chit位外國人ē-sái開始注意著台灣ê母語；mā希望有一日，我有機會徛tī國際線，向外國人介紹台灣歷史文化kap母語。
《親近台灣ê史．諺．文》開啟我ê讀書計畫kap未來，我ê讀冊目標設定tī高雄師範大學台灣歷史文化及語言研究所碩士班。我chiok期待了解台灣歷史文化、語言、人文，koh-khah期待tī學習過程中，課業以外ē-tàng koh再自我充實加強母語讀寫基礎，ē-tàng為台灣母語，盡家己ê力量。
（作者是高雄市第一社區大學學母語寫羅馬字班學生，感謝陳金花老師提供稿件。）
#讀冊開講 專欄，本文使用教育部推薦漢字kap臺灣閩南語羅馬字拼音方案。
台文通訊BONG報310期，2020年1月出刊。
歡迎捐款贊助 #李江却台語文教基金會 （捐款thang抵稅，匯款了後請通知02-23112199）
線上捐款(定期定額) https://ppt.cc/fF5bhx
線上捐款(單筆) https://ppt.cc/fcycox
郵政劃撥：19021486
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
李江却台語文教基金會需要你ê定期捐款，逐個月捐助NT$200以上，lán做伙來推動復振台灣語文ê事工，歡迎利用劃撥、電匯、信用卡、郵局『存簿儲金自動轉帳』扣款iah是線頂捐款、現金贊助。
◎逐個月贊助本會（台文通訊BONG報發行單位）NT$200（iah是逐冬NT$2,400）以上，做伙支持基金會事工kap雜誌編印發行費用。歡迎利用郵局劃撥、信用卡（寫捐款單）、線頂捐款、現金贊助、銀行/ATM轉帳（轉帳了後請通知）、支票、郵局戶頭自動轉帳扣繳（寫授權書），捐款收據ē-tàng做『列舉扣除額』抵稅ê用途。
