 |
| 資料來源：台灣民意基金會 |
In-ūi 2019 pán Tiong-kok Hì-iām ê koan-hē, hō͘ Tâi-oân-lâng chū-ngó͘ jīn-tông koh chi̍t pái phah-phòa le̍k-sú kì-lio̍k!
Ùi 1991 nî khí, chèng-hú tan-ūi kap bîn-kan NGO thoân-thé lóng lio̍k-sio̍k ū teh chò Tâi-oân-lâng jīn-tông ê gián-kiù kap tiâu-cha. Chhím khai-sí, tāi-iok ū 86% ê bîn-chiòng jīn-tēng ka-kī sī Tiong-kok-lâng! Pau-hâm 13% ê Tiong-kok-lâng jīn-tông kap 73% ê sī Tâi-oân-lâng mā sī Tiong-kok-lâng ê siang-têng jīn-tông. Jīn-tông ka-kī sī Tâi-oân-lâng kan-ta ū 13.5% nā-tiāⁿ!
1994 nî ê Chhian-tó-ô͘ Sū-kiāⁿ (千島湖事件) kā Tâi-oân-lâng jīn-tông chi̍t-khùn-thâu thê-koân kàu 37%!
Tān-sī 1997 nî Lí, Teng Hui Chóng-thóng ê Kàu-io̍k-pō͘ khai-sí hō͘ kok-tiong ha̍k-seng tha̍k〈Jīn-sek Tâi-oân〉tē-lí, le̍k-sú kap siā-hōe 3 pún khò-pún liáu-āu, Tâi-oân-lâng ê jīn-tông chiū chhiūⁿ teh chē ti̍t-seng-ki án-ne it-ti̍t khoài-sok chhèng-koân! Kàu 2008 nî Tân, Chúi Píⁿ chóng-thóng jīm-kî kiat-sok, Tâi-oân-lâng ê jīn-tông chiū í-keng chhiau-kòe 60%! Sòa--lo̍h-lâi chit khoán jīn-tông-kám chiū it-ti̍t î-chhî tī 60% í-siōng!
2014 nî ê Ji̍t-thâu-hoe (日頭花) Ūn-tōng, koh chài kā Tâi-oân-lâng jīn-tông chhèng-koân kàu 80%! Chit tiong-kan, 2008-2016 sī Chinese Nationalist Party (lán lóng kóng-chò KMT kî-si̍t bô kàu chèng-khak) chip-chèng. Tâi-oân-lâng ê jīn-tông mā sī ùi 60.8% kè-sio̍k chhèng kàu 80.8%!
2016 nî Chhòa, Eng Bûn chò chóng-thóng liáu, jīn-tông-kám tian-tò ū sió-khóa tò-thè-lu! Put-kò mā sī tī 75% chó-iū. Chit hong-bīn Chhòa Chóng-thóng eng-kai ài kiám-thó! Sui-bóng i tī kàu-io̍k kap bûn-hòa hong-bīn ū siong-tong ê tâu-ji̍p. Tān-sī sū-si̍t chiū sī jīn-tông ū thè-pō͘!
Taⁿ, Tiong-kok Hì-iām koh lâi--ah! 2003 pán ê hì-iām hāi lán Tâi-oân-lâng sí 73 ê! Chit pái 2019 pán--ê m̄ chai beh koh hāi-sí gōa chē Tâi-oân-lâng--leh? Put-kò lán chit pái khah ū keng-giām. Mā ke chin ū sìn-sim! Lí khòaⁿ, kàu-taⁿ Ji̍t-pún, Hân-kok, Sin-ka-pho téng lóng loān-chhau-chhau. To̍k-to̍k lán Tâi-oân chiok chāi, chiok ún! Hi-bāng ta̍k-ke kè-sio̍k án-ne phòe-ha̍p chèng-hú ê chhò-si. Lán tiāⁿ-tio̍h ē-tàng sūn-sī tō͘-kòe chit koan.
 |
| 資料來源：台灣民意基金會 |
台灣羅馬字協會
（簡稱「台羅會」）簡介：
2001年成立，宗旨：
(1)推行台灣羅馬字ê研究kap普遍化。
(2)追認台灣羅馬字kap台灣話ê法定地位。
(3)要求政府實施公平正義ê多語文政策。
(4)建設多元、開放、互相尊重ê台灣文化。
Email：tlhemail@gmail.com
網站http://www.tlh.org.tw
#台羅會交流道 專欄，本文使用白話字。
台文通訊BONG報312期，2020年3月出刊。
歡迎捐款贊助 #李江却台語文教基金會 （捐款thang抵稅，匯款了後請通知02-23112199）
線上捐款(定期定額) https://ppt.cc/fF5bhx
線上捐款(單筆) https://ppt.cc/fcycox
有固定的長期捐款， 讓更多的台語文相關計畫可以穩定的推行，感謝逐家。
郵政劃撥：19021486
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
李江却台語文教基金會需要你ê定期捐款，逐個月捐助NT$200以上，lán做伙來推動復振台灣語文ê事工，歡迎利用劃撥、電匯、信用卡、郵局『存簿儲金自動轉帳』扣款iah是線頂捐款、現金贊助。
◎逐個月贊助本會（台文通訊BONG報發行單位）NT$200（iah是逐冬NT$2,400）以上，做伙支持基金會事工kap雜誌編印發行費用。歡迎利用郵局劃撥、信用卡（寫捐款單）、線頂捐款、現金贊助、銀行/ATM轉帳（轉帳了後請通知）、支票、郵局戶頭自動轉帳扣繳（寫授權書），捐款收據ē-tàng做『列舉扣除額』抵稅ê用途。
