 |
| （圖片來源:作者：劉俊甫 。資料來源:生命大百科讀者上傳。 Huat-pòo tī臺灣生命大百科。http://taieol.tw/pages/73693） |
作者：易俊宏
Tī tsit个專欄內底，雖然我主要是leh介紹過去台灣進前ê人是按怎叫tsia-ê在種ê動物。但是有一寡時tsūn，我mā ē試看māi，若是有新ê在種動物，台語beh按怎號tsiah好？親像以前介紹--過ê「嘉義青ioh」，我有先講著「石kàng」、「雨kuài」、「青ioh」有啥無仝ê所在，對應著tsit-má ê分類智識，tsiah kā『諸羅樹蛙』號做「嘉義青ioh」。Tsit個月beh介紹ê「鹿野鼢鼠（bùn-tshí）」mā是差不多，lóng是我用進前ê人ê觀念來思考，kā新發現ê在種動物來號名。
「鹿野鼢鼠」是2007年發表ê台灣在種動物，發現者是日本ê川田教授kap台灣ê林良恭教授；號tse名是beh紀念「鹿野忠雄」，因為是伊tī 1940年ê時tsūn代先記錄著tsit款鼢鼠。華語雖然講是『台灣高山鼴鼠』，但是伊ê學名Kanoana是按Kano來--ê，tse Kano就是日語ê「鹿野」。
Tī台灣，「鼢鼠」時常ē kap「番鼠」sio lām摻。「鼢鼠」華語是『鼴鼠』，lán台灣有在種ê特生種，m̄-nā是生活tī淺山ê「台灣鼢鼠」、mā有生活tī kuân山ê「鹿野鼢鼠」，lóng是食蟲ê飼奶類動物；雖然名號內底有一字「鼠」，但是kap「鳥鼠」hit款ài哺齒ê動物無仝，因為親像niáu鼠、兔仔，in ê喙齒ē一直生--出-來，所以in ài揣mi̍h件來咬、tsiah有法度kā喙齒磨--去。「鼢鼠」m̄免哺齒，是食蟲目ê動物；「番鼠」ài哺齒，是膨鼠ê親tsiânn。台灣無在種ê「番鼠」，tse華語是號做『土撥鼠』，kap「鼢鼠」仝款lóng ē挖空、生活tī塗內。除了喙齒kám ē一直生、koh有另外一个無仝ê所在：是「番鼠」iáu-koh有目睭、而且是食菜--ê，但是「鼢鼠」ē食杜蚓仔，in ê目睭kap耳仔lóng退化到beh無--去--ah。「番鼠」主要是分佈tī印度、美洲kap歐洲ê山區，有人就叫「鼢鼠」是『台灣土撥鼠』，但是án-ne介紹--落-來，逐家就知影兩種動物是差tsiânn濟。
台灣佗位ē-tàng看著「鼢鼠」kap「鹿野鼢鼠」--leh？一般ê「鼢鼠」是食蟲thuā、杜蚓仔，有時tsūn mā ē食農作物ê根kap kuáinn，所以進前ê人ē認為tse是歹動物；kap lâ-lí仝款，因為生活tī淺山ê所在，kap人類社會有tsiânn濟ê重疊，所以受影響tsiânn大。「鹿野鼢鼠」生活tī兩、三千公尺kuân ê山林內底，雖然受--著ê影響khah少，但是數量本底就無濟--ah，lán tio̍h-ài koh-khah來增加家己ê智識，suà--落-來tsiah知影為啥mi̍h ài來永續發展、ài怎樣來保護各種動物。
鼢鼠gâu挖塗，雖然有時ē傷著根、hōo農作物死--去，但是tī-leh無大型機械農具ê時tsūn，in ē tàu鬆塗，是作田人ê好朋友。後--來因為機械農具ê發展，kap農藥ê使用，一方面鼢鼠ê生活空間hōo收束--去，in ê食物來源，蟲thuā、杜蚓仔mā lóng hōo thāu--死--ah。Tsîng到tann，愈來愈濟ê人知影「環境友善」ê農法，就是lán人類若是願意分一喙飯hōo動物食、減用一寡農藥，lán ê囝孫世代成長ê環境，就ē減一寡毒、ke一款動物生存ê機會。
#台灣動物記事 專欄，本文使用教育部推薦漢字kap臺灣閩南語羅馬字拼音方案。
台文通訊BONG報315期，2019年6月出刊。
歡迎捐款贊助 #李江却台語文教基金會 （捐款thang抵稅，匯款了後請通知02-23112199）
線上捐款(定期定額) https://ppt.cc/fF5bhx
線上捐款(單筆) https://ppt.cc/fcycox
有固定的長期捐款， 讓更多的台語文相關計畫可以穩定的推行，感謝逐家。
郵政劃撥：19021486
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
戶名：財團法人李江却台語文教基金會
電匯：123-20-050514-2
華南銀行士林分行活儲
戶名：財團法人李江却台語文教基金會
李江却台語文教基金會需要你ê定期捐款，逐個月捐助NT$200以上，lán做伙來推動復振台灣語文ê事工，歡迎利用劃撥、電匯、信用卡、郵局『存簿儲金自動轉帳』扣款iah是線頂捐款、現金贊助。
◎逐個月贊助本會（台文通訊BONG報發行單位）NT$200（iah是逐冬NT$2,400）以上，做伙支持基金會事工kap雜誌編印發行費用。歡迎利用郵局劃撥、信用卡（寫捐款單）、線頂捐款、現金贊助、銀行/ATM轉帳（轉帳了後請通知）、支票、郵局戶頭自動轉帳扣繳（寫授權書），捐款收據ē-tàng做『列舉扣除額』抵稅ê用途。
