參加台語教室ê感想
作者：Tēⁿ Kiat-hiông
Kin-nî 3--goe̍h, tī cha-bó͘-kiáⁿ ê thui-chiàn hā, ū ki-hōe koh 1 pái chham-ka “kóng Tâi-gí, siá Lô-má-jī” ê khò-thêng. Keng-kòe 3 kò goe̍h ha̍k-si̍p kiat-gia̍p, ū kúi tiám kám-sióng hun-hióng.
Tē-1: Ē-tàng kau-tio̍h sin tông-ha̍k, ta̍k ê hun-hióng khò-thêng ê būn-tê kap sim-tek, sī khoài-lo̍k ê tāi-chì.
Tē-2: Lī-iōng khiâ kha-ta̍h-chhia lâi siōng-khò, án-ne sin-thé ū khah khin-sang, ū chia̍h koh ū lia̍h.
Tē-3: Chit pái góa chiong Tâi-gí Lô-má-jī 8 siaⁿ-tiāu tha̍k kap siá, bān-bān khoe-ho̍k--khí-lâi.
Góa sī Tâi-oân-lâng, góa ê bó-gí sī Tâi-gí. Góa ē chīn-liōng iōng Lô-má-jī siá Tâi-gí. Ū ki-hōe kòng-hiàn chi̍t-tiám-á ê le̍k-liōng. Lán chit tāi ū chek-jīm kā lán ê gí-giân chiām-chiām thui-sak--lo̍h-khì. 30 nî āu, Tâi-gí it-tēng bē tī tē-kiû siau-sit.
Chòe-āu, beh kám-siā Kim-hoa lāu-su ê iōng-sim kóng-khò, kap tông-ha̍k hō͘-siong mn̄g būn-tê kau-liû, hō͘ góa tī chit 3 kò goe̍h ê “O̍h Tâi-gí khò-thêng” ê kî-kan, kám-kak chin khoài-lo̍k. Chiok ta̍k-ke sin-thé kiān-khong, pêng-an.
